ការសាងសង់ផ្លូវរថភ្លើង និងការអនុវត្តជាក់ស្តែងនៃការសាងសង់រួមគ្នាដែលមានគុណភាពខ្ពស់នៃ "ខ្សែក្រវាត់ និងផ្លូវ"
ផ្លូវរថភ្លើងគឺជាផ្នែកសំខាន់នៃការតភ្ជាប់ហេដ្ឋារចនាសម្ព័ន្ធ។ ក្នុងរយៈពេលប៉ុន្មានឆ្នាំចុងក្រោយនេះ ក្រោមក្របខណ្ឌនៃការសាងសង់រួមគ្នានៃ "ខ្សែក្រវាត់ និងផ្លូវ" ផ្លូវរថភ្លើងរបស់ប្រទេសចិនបានបន្តបង្កើនល្បឿននៃ "ដំណើរឆ្ពោះទៅកាន់ពិភពលោក"។ ផ្លូវរថភ្លើងចិន-ឡាវ ផ្លូវរថភ្លើង Hungary-Serbia ផ្លូវរថភ្លើង Mombasa-Nairobi Standard Gauge Railway (SGR)(ខាងក្រោមហៅកាត់ថា "ផ្លូវរថភ្លើង Mombasa–Nairobi") និងផ្លូវរថភ្លើងល្បឿនលឿន Jakarta-Bandungជាដើម ត្រូវបានដាក់ឱ្យដំណើរការជាបន្តបន្ទាប់ ធ្វើឱ្យការសាងសង់ផ្លូវរថភ្លើងបានក្លាយជាទិដ្ឋភាពសំខាន់នៃការរួមគ្នាកសាង "ខ្សែក្រវាត់ និងផ្លូវ" និងកិច្ចសហប្រតិបត្តិការសមត្ថភាពផលិតកម្មអន្តរជាតិ។ វាមិនត្រឹមតែជំរុញការអភិវឌ្ឍសេដ្ឋកិច្ចរបស់ប្រទេស និងតំបន់ដែលរួមគ្នាកសាង "ខ្សែក្រវាត់ និងផ្លូវ" ប៉ុន្តែថែមទាំងធ្វើឱ្យកាន់តែស៊ីជម្រៅនូវចំណងមិត្តភាពរវាងប្រជាជននៃប្រទេស និងតំបន់ដែលរួមគ្នាកសាង "ខ្សែក្រវាត់ និងផ្លូវ" ហើយក៏ជានិមិត្តសញ្ញានៃសមិទ្ធិផលការអភិវឌ្ឍប្រកបដោយគុណភាពខ្ពស់នៃគំនិតផ្តួចផ្តើម "ខ្សែក្រវ៉ាត់ និងផ្លូវ"។
ផ្លូវរថភ្លើងចិន-ឡាវ ៖ ឧបករណ៍បង្កើនល្បឿនការតភ្ជាប់ម៉ាស៊ីនថ្មីសម្រាប់កិច្ចសហប្រតិបត្តិការសេដ្ឋកិច្ច
តាមទិន្នន័យថ្មីបង្ហាញថា ចាប់តាំងពីការចាប់ផ្តើមនៃការបើកឱ្យធ្វើចរាចរណ៍ក្នុងខែធ្នូ ឆ្នាំ២០២១ ដល់ខែសីហា ឆ្នាំ២០២៣ ផ្លូវរថភ្លើងចិន-ឡាវក្នុងប្រទេសឡាវ បានដឹកជញ្ជូនអ្នកដំណើរសរុបចំនួន ៣,១៦ លាននាក់ ទំនិញចំនួន ៥,១៩ លានតោន និងទំនិញជាង ២០០០ ប្រភេទ។ ឯកឧត្តម Sonexay Siphandone នាយករដ្ឋមន្ត្រីឡាវ បាននិយាយថា ផ្លូវរថភ្លើងចិន-ឡាវ បានផ្លាស់ប្តូរយ៉ាងជ្រាលជ្រៅនូវគំរូដឹកជញ្ជូនរបស់ឡាវ ដោយបានដឹងពីបំណងប្រាថ្នាដ៏យូរអង្វែងនៃការប្រែក្លាយឡាវពី “ប្រទេសបិទជិត” ទៅជា “ប្រទេសភ្ជាប់ផ្លូវគោក” ដែលជួយសម្រួលដល់ការធ្វើដំណើររបស់ប្រជាជនយ៉ាងខ្លាំង ជំរុញការផលិត ការនាំចេញទំនិញ និងទាក់ទាញភ្ញៀវទេសចរយ៉ាងច្រើន។ ការប្រមូលផលចំណេញផ្នែកសេដ្ឋកិច្ច និងសង្គមត្រូវអាចសម្រេចបាន ដែលនាំឱ្យសេដ្ឋកិច្ចឡាវឈានដល់កម្រិតថ្មីមួយ។
ឯកឧត្តម Sonexay Siphandone បានមានប្រសាសន៍ថា "ផ្លូវរថភ្លើងចិន-ឡាវគ្រាន់តែជាចំណុចចាប់ផ្តើមប៉ុណ្ណោះ មិនមែនជាទីបញ្ចប់ទេ"។ នៅពេលអនាគត ផ្លូវរថភ្លើងចិន-ឡាវ នឹងតភ្ជាប់ទៅកាន់ប្រទេសថៃ ម៉ាឡេស៊ី និងសិង្ហបុរីជាដើម ហើយក្លាយជាផ្នែកមួយដ៏សំខាន់នៃច្រកធំខាងជើង-ខាងត្បូងនៃឧបទ្វីបឥណ្ឌូចិន។ ជាងនេះទៅទៀត ផ្លូវរថភ្លើងនេះមិនត្រឹមតែជាឧបករណ៍បង្កើនល្បឿននៃការតភ្ជាប់ក្នុងតំបន់ប៉ុណ្ណោះទេ ថែមទាំងផ្តល់នូវម៉ាស៊ីនថ្មីសម្រាប់កិច្ចសហប្រតិបត្តិការសេដ្ឋកិច្ចផងដែរ។ ឯកឧត្តមបន្ថែមទៀតថា "ផ្លូវរថភ្លើងចិន-ឡាវ គឺជាគម្រោងដ៏សំខាន់បំផុតក្នុងការលើកកម្ពស់ការអភិវឌ្ឍ និងសមាហរណកម្មក្នុងតំបន់ ហើយមានសារៈសំខាន់យ៉ាងខ្លាំងចំពោះការកាត់បន្ថយភាពក្រីក្រ និងការអភិវឌ្ឍប្រកបដោយចីរភាពរបស់ប្រទេសក្នុងតំបន់"។
ផ្លូវរថភ្លើង Hungary-Serbia៖ កែលម្អលក្ខខណ្ឌធ្វើដំណើរ និងលើកកម្ពស់ការអភិវឌ្ឍសេដ្ឋកិច្ច
ផ្លូវរថភ្លើង Hungary-Serbia តភ្ជាប់ទីក្រុង Belgrade រដ្ឋធានីរបស់ប្រទេសស៊ែប៊ី និងទីក្រុង Budapest រដ្ឋធានីនៃប្រទេសហុងគ្រី ដែលមានប្រវែងសរុបជិត ៣៥០ គីឡូម៉ែត្រ វាគឺជាគម្រោងកិច្ចសហប្រតិបត្តិការដ៏សំខាន់ក្នុងការកសាងរួមគ្នានៃ "ខ្សែក្រវាត់ និងផ្លូវ" និងជាគម្រោងដ៏សំខាន់នៃកិច្ចសហប្រតិបត្តិការរវាងប្រទេសចិន និងបណ្តាប្រទេសនៅអឺរ៉ុបកណ្តាល និងខាងកើត។ ផ្នែកស៊ែប៊ីនៃផ្លូវរថភ្លើង Hungary-Serbia ត្រូវបានសាងសង់ដោយការបណ្តាក់ទុនរួមគ្នារបស់ក្រុមហ៊ុន China Railway International Co., Ltd. និងក្រុមហ៊ុន China Communications Construction Co., Ltd. ដែលមានល្បឿន ២០០ គីឡូម៉ែត្រក្នុងមួយម៉ោង។
នៅខែមីនា ឆ្នាំ២០២២ ផ្លូវរថភ្លើង Hungary-Serbia ក្នុង Belgrade-Novi Sadត្រូវបានដាក់ឱ្យដំណើរការជាផ្លូវការ ដោយដឹងពីការរួមបញ្ចូលនៃលក្ខណៈបច្ចេកទេសផ្លូវរថភ្លើងចិន និងអឺរ៉ុប។ ក្នុងប្រតិបត្តិការអស់រយៈពេលជាងមួយឆ្នាំ ផ្នែក Belgrade-Novi Sad បានកាត់បន្ថយពេលវេលាធ្វើដំណើររវាងកន្លែងទាំងពីរនេះយ៉ាងខ្លាំង។ រថភ្លើងចំនួនជាង ៥០ ត្រូវបានដំណើរការជារៀងរាល់ថ្ងៃ ហើយបានដឹកជញ្ជូនអ្នកដំណើរសរុបប្រហែល ៤,៥ លាននាក់ ចំនួនអ្នកដំណើរច្រើនបំផុតក្នុងមួយថ្ងៃគឺ ១,៤៤ ម៉ឺននាក់។
ឯកឧត្តម Aleksandar Vucic ប្រធានាធិបតីស៊ែប៊ី បានមានប្រសាសន៍ថា "ដោយសារគំនិតសហប្រតិបត្តិការដែលលើកឡើងដោយភាគីចិន ការសាងសង់ផ្លូវរថភ្លើង Hungary-Serbia បានក្លាយជាផ្នែកមួយនៃទំនើបកម្មរបស់ប្រទេសស៊ែប៊ី"។ ជាការពិត ផ្លូវរថភ្លើង Hungary-Serbia មានសារៈសំខាន់ចំពោះការអភិវឌ្ឍ ការអភិវឌ្ឍទេសចរណ៍ និងការទាក់ទាញវិនិយោគនៅតាមបណ្តោយផ្លូវនេះនៃភាគខាងជើងប្រទេសស៊ែប៊ី។
ផ្លូវរថភ្លើង Mombasa–Nairobi ៖ បង្កើតការរឹតចំណងមិត្តភាពដែលនាំមកនូវក្តីសង្ឃឹម
នៅខែឧសភា ឆ្នាំ២០១៧ ផ្លូវរថភ្លើង Mombasa–Nairobi ត្រូវបានសាងសង់ដោយក្រុមហ៊ុន China Road & Bridge Corporation Co., Ltd. ។ ផ្លូវរថភ្លើង Mombasa–Nairobi មានប្រវែងសរុបប្រមាណ ៤៨០ គីឡូម៉ែត្រ ដែលលាតសន្ធឹងពីកំពង់ផែធំបំផុតនៅអាហ្វ្រិកខាងកើត កំពង់ផែ Mombasa ក្នុងប្រទេសកេនយ៉ា រហូតដល់តំបន់ដីគោកខាងក្នុងដ៏ធំនៃទ្វីបអាហ្រ្វិក រហូតដល់រដ្ឋធានី Nairobi។ ផ្លូវរថភ្លើង Mombasa–Nairobi គឺជាផ្លូវរថភ្លើងដំបូងគេដែលត្រូវបានសាងសង់ក្នុងប្រទេសកេនយ៉ា ចាប់តាំងពីទទួលបានឯករាជ្យ ហើយវាក៏ជាគម្រោងហេដ្ឋារចនាសម្ព័ន្ធដ៏ធំបំផុតនៅក្នុងប្រទេសកេនយ៉ា ចាប់តាំងពីប្រទេសមានឯករាជ្យភាពមក។ វាមិនត្រឹមតែជួយសម្រួលយ៉ាងខ្លាំងដល់ការធ្វើដំណើររបស់ប្រជាជនក្នុងតំបន់ប៉ុណ្ណោះទេ ប៉ុន្តែវាថែមទាំងបានបញ្ចូលកម្លាំងចលករយ៉ាងខ្លាំងដល់ការអភិវឌ្ឍសេដ្ឋកិច្ច និងសង្គមរបស់ប្រទេសកេនយ៉ាផងដែរ។
លោក Chaudhry ដែលជាអ្នកគ្រប់គ្រងទូទៅនៃក្រុមហ៊ុនសេវាកម្មដឹកជញ្ជូននៅប្រទេសកេនយ៉ា បានណែនាំថា ចាប់តាំងពីការបង្កើតផ្លូវរថភ្លើង Mombasa–Nairobi មក បរិមាណនៃការដឹកជញ្ជូនទំនិញរបស់ក្រុមហ៊ុនពីកំពង់ផែ Mombasa បានកើនឡើងយ៉ាងខ្លាំង។ លោកបានប្រាប់អ្នកកាសែតថា "កាលពីមុន ការដឹកជញ្ជូនទំនិញពីកំពង់ផែ Mombasa ទៅទីក្រុង Nairobiត្រូវចំណាយពេលពីមួយទៅពីរថ្ងៃ ប៉ុន្តែ បច្ចុប្បន្ននេះតែចំណាយពេលត្រឹមតែ ៨ ម៉ោងប៉ុណ្ណោះតាមរយៈផ្លូវរថភ្លើង Mombasa-Nairobi "។
លើសពីនេះ ផ្លូវរថភ្លើង Mombasa-Nairobi បានបង្កើតឱកាសការងារចំនួនជាង ៧,៧ ម៉ឺនកន្លែងនៅក្នុងប្រទេសកេនយ៉ា និងបានបណ្តុះបណ្តាលជំនាញបច្ចេកទេស និងការគ្រប់គ្រងផ្លូវរថភ្លើងដែលមានគុណភាពខ្ពស់ជាង ២៨០០ នាក់ ដោយបន្តរួមចំណែកដល់គោលដៅសាងសង់នៃ "ការតភ្ជាប់ប្រទេស និងឆ្ពោះទៅរកភាពរុងរឿង"។
អ្នកសារព័ត៌មាន ៖ Sun Guangyong Xie Yahong Huang Weixin
អ្នកបកប្រែ ៖ Shen Yan