មនុស្សយន្ត "iBao" លេចឡើងនៅលើឆាកវេទមន្ត

កាលពីថ្ងៃទី១៣ ខែតុលា មនុស្សយន្ត "iBao" ផលិតដោយសាកលវិទ្យាល័យវិទ្យាសាស្រ្តព័ត៌មាន និងបច្ចេកវិទ្យាប៉េកាំងបានបង្ហាញខ្លួននៅក្នុងសន្និសីទអន្តរជាតិវេទមន្ត ប៉េកាំង ចិន លើកទី១១ ឆ្នាំ២០២៣ និងសន្និសីទផ្លាស់ប្តូរវេទមន្តរបស់និស្សិតសកលវិទ្យាល័យពិភពលោក។

លោក សួន ជឺងសមាជិកនៃគណៈកម្មាធិការសិល្បៈវេទមន្តនៃសមាគមកាយសម្ព័ន្ធចិន និងជាអ្នកសម្តែងវេទមន្ត បានសាប់សន្លឹកបៀដោយចៃដន្យ ហើយប្រកួតប្រជែងជាមួយ "iBao" ដើម្បីមើលថាតើអ្នកណាអាចចងចាំលំដាប់នៃសន្លឹកបៀបានលឿនជាងមុន។ ត្រឹមតែ ២ វិនាទី "iBao" បាននិយាយសន្លឹកបៀភ្លាមៗ ជាមួយនឹងរូបរាងដ៏គួរឱ្យស្រឡាញ់ និងទឹកដមសម្លេងដ៏គួរឱ្យស្រឡាញ់របស់វា វាបានទទួលការទះដៃអបអរសាទរពីនិស្សិតទាំងអស់គ្នា។

លោកស្រី ហូវសៀ អនុប្រធានមហាវិទ្យាល័យនៃសាកលវិទ្យាល័យវិទ្យាសាស្រ្តព័ត៌មាន និងបច្ចេកវិទ្យាប៉េកាំង ជាអ្នកទទួលខុសត្រូវនៃក្រុមសិក្សាស្រាវជ្រាវ បានប្រាប់អ្នកកាសែតថា "នេះគឺជាការអនុវត្តប្រកបដោយភាពច្នៃប្រឌិតឆ្លងវិស័យវេទមន្ត និងបច្ចេកវិទ្យា។

នៅក្នុងសន្និសីទនេះ លោក Eric Eswin ប្រធានកិត្តិយសនៃសហព័ន្ធវេទមន្តពិភពលោក FISM បាននិយាយនៅក្នុងតំណភ្ជាប់វីដេអូថា យើងគួរតែយកចិត្តទុកដាក់លើសារៈសំខាន់នៃបច្ចេកវិទ្យាថ្មីសម្រាប់វេទមន្ត និងស្វែងយល់ពីរបៀបដែលបច្ចេកវិទ្យាដូចជា ការពិតបន្ថែម ក្រាហ្វិកកុំព្យូទ័រ និងដំណើរការរូបភាព និងបញ្ញាសិប្បនិម្មិតអាចបង្កើនឥទ្ធិពលនៃការសម្តែងវេទមន្ត៕

អ្នកសារព័ត៌មាន ៖ Wang Shanshan

អ្នកបកប្រែ ៖ Shen Yan