ការវិនិយោគផ្ទាល់មិនមែនហិរញ្ញវត្ថុនៅក្រៅប្រទេសរបស់ប្រទេសចិនបានកើនឡើង ១៨,៧% ប្រៀបធៀបនឹងរយៈពេលដូចគ្នានៅឆ្នាំមុន ក្នុងបីត្រីមាសដំបូង
ចាប់ពីខែមករា ដល់ខែកញ្ញា ឆ្នាំ២០២៣ ការវិនិយោគនៅក្រៅប្រទេសរបស់ចិនបានបន្តកើនឡើង ដោយការវិនិយោគផ្ទាល់មិនមែនហិរញ្ញវត្ថុនៅក្រៅប្រទេសបានឈានដល់ ៦៣៧,១៤ ពាន់លានយាន់ កើនឡើង ១៨,៧%បើប្រៀបធៀបនឹងរយៈពេលដូចគ្នានៅឆ្នាំមុន។ ក្នុងចំណោមនោះ ការវិនិយោគផ្ទាល់មិនមែនហិរញ្ញវត្ថុរបស់សហគ្រាសចិននៅក្នុងបណ្តាប្រទេស "ខ្សែក្រវាត់ និងផ្លូវ" មានចំនួន ១៦៤,៧១ ពាន់លានយាន់ កើនឡើង ២៧,៧%បើប្រៀបធៀបនឹងរយៈពេលដូចគ្នានៅឆ្នាំ២០២២។
លោក ឆិន ជានវ៉ី សាស្ត្រាចារ្យនៅវិទ្យាស្ថានជាតិបើកចំហនៃសកលវិទ្យាល័យពាណិជ្ជកម្មអន្តរជាតិ និងសេដ្ឋកិច្ចប្រទេសចិន បាននិយាយថា ក្នុងរយៈពេលបីត្រីមាសដំបូងឆ្នាំនេះ ការវិនិយោគផ្ទាល់មិនមែនហិរញ្ញវត្ថុរបស់ចិននៅក្នុងបណ្តាប្រទេសដែលសហការសាងសង់ដោយ "ខ្សែក្រវាត់ និងផ្លូវ" បានរក្សាកំណើនយ៉ាងឆាប់រហ័ស ហើយប្រទេសដែលសហការសាងសង់ "ខ្សែក្រវាត់ និងផ្លូវ" កំពុងក្លាយជាចំណុចលូតលាស់សំខាន់នៃការវិនិយោគបរទេសរបស់ប្រទេសចិន។
លោក សុង សៀងឈីង អនុប្រធានវិទ្យាស្ថានគ្រប់គ្រង និងស្រាវជ្រាវរដ្ឋាភិបាលនៃសាកលវិទ្យាល័យគរុកោសល្យប៉េកាំងនិងជានាយកមជ្ឈមណ្ឌលស្រាវជ្រាវសេដ្ឋកិច្ចឧស្សាហកម្ម បាននិយាយថា ការវិនិយោគនៅក្រៅប្រទេសទាំងមូលរបស់ប្រទេសចិនបង្ហាញពីស្ថានភាពថ្មីដែលគម្រោងកំពុងរីកដុះដាលគ្រប់ទីកន្លែង អង្គភាពដំណើរការក្នុងវិធីជាច្រើន ទីផ្សារត្រូវបានចែករំលែកដោយភាគីជាច្រើន ហើយកិច្ចសហប្រតិបត្តិការមានអត្ថប្រយោជន៍ទៅវិញទៅមក និងឈ្នះ-ឈ្នះ។ នៅពេលអនាគត អាចបង្កើតឡើងយន្តការនៃការជឿទុកចិត្តគ្នា និងកិច្ចសហប្រតិបត្តិការកាន់តែទូលំទូលាយជាមួយបណ្តាប្រទេសដែលសហការសាងសង់ "ខ្សែក្រវាត់ និងផ្លូវ" ដើម្បីជំរុញកិច្ចសហប្រតិបត្តិការសេដ្ឋកិច្ច និងពាណិជ្ជកម្ម "ខ្សែក្រវាត់មួយ" ឱ្យកាន់តែស៊ីជម្រៅ និងកាន់តែជាក់ស្តែង៕
អ្នកសារព័ត៌មាន ៖ Liu Meng
អ្នកបកប្រែ ៖ Shen Yan