គម្រោងសាងសង់កំពង់ផែទឹកជ្រៅធំបំផុតរបស់កម្ពុជាចាប់ផ្តើមសាងសង់
គម្រោងពង្រីកចំណតកុងតឺន័រនៃកំពង់ផែស្វយ័តក្រុងព្រះសីហនុ ដែលជាកំពង់ផែទឹកជ្រៅធំបំផុតរបស់ប្រទេសកម្ពុជា បានចាប់ផ្តើមសាងសង់នៅថ្ងៃទី ២២ ខែធ្នូ។ ការវិនិយោគក្នុងដំណាក់កាលដំបូងនៃគម្រោងនេះមានចំនួន ២៤៣ លានដុល្លារអាមេរិក។ សម្តេចមហាបវរធិបតី ហ៊ុន ម៉ាណែត នាយករដ្ឋមន្រី្តនៃព្រះរាជាណាចក្រកម្ពុជា បានអញ្ជើញចូលរួមក្នុងពិធីបើកការដ្ឋានសាងសង់គម្រោងដែលរៀបចំនៅថ្ងៃនោះ។
ចំណតកុងតឺន័រថ្មីក្នុងដំណាក់កាលទី១ នៃគម្រោងពង្រីកស្ថានីយកុងតឺន័រកំពង់ផែស្វយ័តក្រុងព្រះសីហនុមានប្រវែង ៣៥០ ម៉ែត្រ និងជម្រៅ ១៤,៥ ម៉ែត្រ ប្រើរយៈពេលសាងសង់ ៣៦ ខែ ហើយរំពឹងនឹងបញ្ចប់ក្នុងឆ្នាំ២០២៦។
មន្ត្រីក្រសួងសាធារណការ និងដឹកជញ្ជូនកម្ពុជា បានថ្លែងថា បន្ទាប់ពីបញ្ចប់គម្រោងនេះ នឹងផ្តល់សេវាកម្មដល់ទៅ ៩៣% នៃនាវាធំៗសរុប ដែលឆ្លងកាត់តំបន់អាស៊ីប៉ាស៊ីហ្វិក ដែលជួយកាត់បន្ថយថ្លៃដឹកជញ្ជូនរបស់កម្ពុជា។
អ្នកសារព័ត៌មាន ៖ Yang Qiang Li Haiyueគេរំពឹងថា បន្ទាប់ពីបញ្ចប់គម្រោងដំណាក់កាលទី ១ នេះ លំហូរចូលនៃស្ថានីយកុងតឺន័រកំពង់ផែស្វយ័តក្រុងព្រះសីហនុនឹងកើនឡើងជាមធ្យម ១,២៥ លាន កុងតឺន័រស្ដង់ដារក្នុងមួយឆ្នាំ។ ទំនិញអន្តរជាតិអាចមកដល់កំពង់ផែកម្ពុជាដោយផ្ទាល់ ហើយទំនិញកម្ពុជាក៏អាចដឹកជញ្ជូនដោយផ្ទាល់ទៅកាន់បរទេសផងដែរ៕
អ្នកបកប្រែ ៖ Shen Yan