សហភាពសហព័ន្ធនារីទូទាំងប្រទេសចិនសម្តែងការជូនពរទិវានារីអន្តរជាតិចំពោះនារីទូទាំងប្រទេសនិងអន្តរជាតិ
ឆ្លៀតឱកាសទិវានារីអន្តរជាតិ ៨ មីនា សហភាពសហព័ន្ធនារីទូទាំងប្រទេសចិនបានផ្ញើលិខិតជូនចំពោះសមគមនារីហុងកុង ម៉ាកាវនិងតៃវ៉ាន ស្ថានទូតនៃប្រទេសចំនួន១៧០ដែលប្រចាំនៅប្រទេសចិន អង្គការអន្តរជាតិចំនួន ១៥០០ ប្រចាំនៅប្រទេសចិនជាដើម ដើម្បីសម្តែងការជូនពរដ៏ល្អបវក្នុងថ្ងៃបុណ្យ។
សហភាពសហព័ន្ធនារីទូទាំងប្រទេសចិនបានលើកឡើងថា មជ្ឈិមបក្សកុម្មុនីយស្តចិនដែលមានលោក Xi Jinping ជាប្រមុខស្នូល បានយកចិត្តទុកដាក់ខ្ពស់ ចំពោះស្ត្រីនិងកុមារចិនរាប់រយលាននាក់ បានដឹកនាំបុព្វហេតុស្ត្រីនិងកុមារចិនឱ្យទទួលបានសមិទ្ធផលជាប្រវត្តិសាស្ត្រ។ សមាជបក្សកុម្មុយនីស្តចិនលើកទី២០ បានធ្វើការរៀបចំចាត់ចែងថ្មីចំពោះបុព្វហេតុស្ត្រីនិងកុមារចិន ក៏ដូចជាការកសាងក្រុមគ្រួសារនិងការអប់រំនៃគ្រួសារ។ នារីចិនបានចូលរួមយ៉ាងសកម្មក្នុងដំណើរថ្មីនៃការធ្វើទំនើបកម្មតាមបែបផែនចិន បានដើរតួនាទីដ៏ពិសេសក្នុងសង្គមនិងជីវភាពប្រចាំថ្ងៃ បានខិតខំក្លាយជាស្ថាបនិកនៃបុព្វហេតុមហអស្ចារ្យ ជាអ្នកផ្សព្វផ្សាយសីលធម៌ អ្នកតស៊ូដ៏អង់អាចដើម្បីសម្រេចក្តីសុបិន បានដើរតួនាទីដែលមិនអាចខ្វះបាន ។ យើងខ្ញុំមានឆន្ទៈបង្កើនការផ្លាស់ប្តូរនិងសហប្រតិបត្តិការឱ្យកាន់តែស៊ីជម្រៅជាមួយបងប្អូនស្ត្រីនៃបណ្តាប្រទេស ដើម្បីរួមចំណែកថ្មីក្នុងការផ្សព្វផ្សាយគុណតម្លៃរួមនៃមនុស្សជាតិ ការជំរុញការកសាងសហគមន៍រួមវាសនានៃមនុស្សជាតិ និងដើម្បីរួមគ្នាកសាងនិងចែករំលែកពិភពលោកដែលកាន់តែល្អប្រសើរ!