ចំនួនភ្ញៀវទេសចរណ៍ក្នុងស្រុកទូទាំងប្រទេសចិនបានកើនឡើងដល់ ២៧៤ លាននាក់ ក្នុងអំឡុងថ្ងៃឈប់សម្រាកនៃទិវាពលកម្មអន្តរជាតិថ្ងៃទី១ឧសភា ឆ្នាំនេះ

នាថ្ងៃទី៣ ខែឧសភា ក្រសួងវប្បធម៌ និងទេសចរណ៍នៃប្រទេសចិនបានប្រកាសអំពីស្ថានភាពទីផ្សារវប្បធម៌ និងទេសចរណ៍នៃប្រទេសចិនក្នុងថ្ងៃឈប់សម្រាកនៃទិវា"១ ឧសភា" ក្នុងឆ្នាំ២០២៣ ថា ក្នុងអំឡុងពេលថ្ងៃឈប់សម្រាករយៈពេល ៥ ថ្ងៃ ភ្ញៀវទេសចរក្នុងស្រុកទូទាំងប្រទេសចិនមានសរុបចំនួន ២៧៤ លាននាក់ កើនឡើង ៧០.៨៣% បើប្រៀបធៀបនឹងឆ្នាំមុន ប្រាក់ចំណូលលើវិស័យទេសចរណ៍ក្នុងស្រុកមានចំនួនជាង ១៤៨ ពាន់លានយន់ កើនឡើង ១២៨.៩% បើប្រៀបធៀបនឹងឆ្នាំមុន។

ភ្ញៀវទេសចរណ៍ធ្វើដំណើរកាន់តែឆ្ងាយ ចំពោះការធ្វើដំណើរឆ្លងក្រុង ឬឆ្លងខេត្តដែលមានចម្ងាយលើសពី ៣០០ គីឡូម៉ែត្រកាន់តែមានប្រជាប្រិយភាព។ យោងតាមរបាយការណ៍ដែលចេញផ្សាយដោយក្រុមហ៊ុនទេសចរណ៍ចិន Trip.com Group នៅថ្ងៃទី៣ ខែឧសភា ការកក់សណ្ឋាគារឆ្លងខេត្តមានចំនួនជាង៧០%។ ចំនួនសំបុត្រនៃតំបន់ទេសចរណ៍ក្នុងស្រុកបានកើនឡើងចំនួន ៩ ដងបើប្រៀបធៀបនឹងឆ្នាំមុន កើនឡើងលើស ២ ដងបើ​ធៀប​នឹង​រយៈពេល​ដូច​គ្នា​ក្នុង​ឆ្នាំ២០១៩។ ការ​បញ្ជា​ទិញ​ធ្វើ​ដំណើរ​ទៅ​ក្រៅ​ប្រទេសបាន​កើន​ឡើង​ជិត ៧ ដង​បើធៀប​នឹង​ឆ្នាំ​មុន។

ទីក្រុងប៉េកាំង ហាំងចូវ ដាលី និងសៀមឹង ដែលជាគោលដៅទេសចរណ៍នៅតែទទួលការពេញនិយមយ៉ាងខ្លាំង ទីក្រុងល្បីលើអ៊ីនធើណែតដូចជាក្រុងឆុងឈីង ឆាងសា និងហ្សឺប៉ូជាដើម ត្រូវបានទទួលបានការចាប់អារម្មណ៍យ៉ាងខ្លាំង។ ដំណើរលេងកម្សាន្តរវាងឪពុកម្តាយនិងកូន ទីតាំងបេតិកភណ្ឌវប្បធម៌អរូបី ដំណើរសម្រាកកម្សាន្ត និងទេសចរណ៍ជនបទក៏មានការពេញនិយមផងដែរ៕

អ្នកសារព័ត៌មាន៖ Yang Suping

អ្នកបកប្រែ៖ Li Zha