Beautiful China, pleasant journey | តែ ភូអឺ ចិនដែលបានចូលដល់ប្រទេសបារាំង ៤៧ ឆ្នាំ
នៅឆ្នាំ១៩៧៦ ជនបារាំងឈ្មោះ ហ្វ្រិត កានភួ បាននាំយកតែភូអឺរបស់ខេត្តយូណានទៅកាន់ប្រទេសបារាំងលើកទីដំបូង ហើយបានលក់តែភូអឺរបស់ខេត្តយូណាន- ដាក់ឈ្មោះថ្មី "សៀវហ្វ៉ាធរ" នៅទូទាំងទ្វីបអឺរ៉ុប។ ចាប់តាំងពីពេលនោះ "សៀវហ្វ៉ាធរ"មានការលក់យ៉ាងល្អនៅប្រទេសបារាំង និងបណ្តាប្រទេសអឺរ៉ុបផ្សេងទៀត ជាពិសេសទទួលការនិយមពីជនបារាំងយ៉ាងខ្លាំង។ ចាប់តាំងពីឆ្នាំ១៩៨៦មក តែភូអឺរបស់ខេត្តយូណានបានជាប់ពានរង្វាន់មាសអាហារពិភពលោក ព្រមទាំងជាប់ពានរង្វាន់មាសអាហារបារាំង និងអាមេរិកជាច្រើនដង ហើយតែភូអឺរបស់ខេត្តយូណានបានទទួលស្គាល់យ៉ាងទូលំទូលាយទូទាំងពិភពលោក។
តែភូអឺរបស់ខេត្តយូណាន- "សៀវហ្វ៉ាធរ" មានប្រវត្តិសាស្ត្រដ៏យូរលង់មកហើយ។ តែភូអឺផលិតដោយតែស្លឹកធំមឹងឃូដែលជាវត្ថុធាតុដើមដ៏សំខាន់។ តែស្លឹកធំមឹងឃូត្រូវបានអ្នកជំនាញស្គាល់ថា ជា"ប្រភេទស្លឹកធំយូណានដ៏ពិតប្រាកដ" និងជាវត្ថុធាតុដើមដ៏ល្អបំផុតសម្រាប់ផលិតតែភូអឺ ។ គណៈកម្មាធិការពូជតែល្អចិនបានកំណត់ចំនួនពីរដងថា តែស្លឹកធំមឹងឃូជាពូជតែល្អបែបប្រពៃណីក្នុងចំណោមពូជតែល្អរបស់ប្រទេសចិន។
តែពីនតោ គឺជាតែល្អបំផុតក្នុងឧស្សាហកម្មតែភូអឺ របស់ប្រទេសចិន ជាតំណាងដ៏ពិសេសនៃតែស្លឹកធំមឹងឃូ ហើយត្រូវបានទទួលស្គាល់ ពីឧស្សាហកម្មតែថាជាតែល្អបំផុតក្នុងចំណោមតែដែលមានគុណភាពខ្ពស់។ បន្ទាប់ពី៤៧ ឆ្នាំមក "សៀវហ្វ៉ាធរ" បានចូលប្រទេសបារាំង ហើយតែពីនតោ នឹងចូលទីផ្សារបារាំងម្តងទៀតនៅពាក់កណ្តាលខែឧស៕
អ្នកសារព័ត៌មាន៖ យ៉ាង ជានយូ
អ្នកបកប្រែ៖ Li Zha Luo Yangfeihan