ទិវាទេសចរណ៍ចិន ១៩ ឧសភាជិតចូលមកដល់ហើយ ការប្រើប្រាស់ខាងទេសចរណ៍វប្បធម៌របស់ប្រទេសចិនបន្តកើនឡើង

ថ្ងៃទី ១៩ ខែឧសភាឆ្នាំ ២០២៣ ជាទិវាទេសចរណ៍ចិនលើកទី ១៣ ដែលធ្វើឡើងក្រោមប្រធានបទ”ប្រទេសចិនដ៏ស្រស់បំព្រង ដំណើរទេសចរណ៍ដ៏មានសុភមង្គល”។ ចាប់ពីខែឧសភាតទៅ តំបន់នានាទូទាំងប្រទេសចិនបានរៀបចំសកម្មភាពខាងវប្បធម៍និងទេសចរណ៍មួយចំនួនដែលអំណោយផលដល់ប្រជាជន។ នាពេលថ្មីៗកន្លងទៅនេះ អង្គការទេសចរណ៍ពិភពលោកនៃអង្គការសហប្រជាជាតិបានបង្ហាញថា ការស្តារឡើងវិញនៃមុខរបរទេសចរណ៍នៅក្នុងប្រទេសចិននឹងនាំមកនូវកម្លាំងរស់រវើកកាន់តែខ្លាំងក្លាសម្រាប់សេដ្ឋកិច្ចចិនរហូតដល់សេដ្ឋកិច្ចសកលផងដែរ៕