បឹង Lugu ស្ថិតនៅចំណុចប្រសព្វនៃព្រំដែនខេត្តយូណាននិងខេត្តSichuanដែលមានកម្ពស់និវ៉ូទឹកសមុទ្រ២៦៩០ម៉ែត្រ ទំហំប្រមាណ៥០គីឡូម៉ែត្រក្រឡា បឹងនេះល្បីឈ្មោះដោយសារគុណភាពទឹកយ៉ាងល្អប្រសើររបស់វា។ ឯជនជាតិMosuoដែលរស់នៅក្បែរច្រាំងបឹងមានភាពអាថ៌កំបាំងដោយសារពួកគេរក្សាទំនៀមទម្លាប់ដែលទទួលបានពីសង្គមកុលសម្ព័ន្ធមាតា។
ប៉ុន្មានឆ្នាំកន្លងមក ទេសភាពដ៏ស្រស់ស្អាតនិងវប្បធម៌ទំនៀមទម្លាប់ដែលមានលក្ខណៈពិសេសនៅទីនោះបានទាក់ទាញភ្ញៀវទេសចរណ៍ក្នុងស្រុកនិងបរទេសជាច្រើនមកទស្សនា ក៏ធ្វើឱ្យជីវភាពរស់នៅរបស់មនុស្ស Mosuo ប្រែប្រួលជាច្រើន ប៉ុន្តែវប្បធម៌ប្រពៃណីនិងទំនៀមទម្លាប់របស់ពួកគេមិនបានប្រែប្រួលដោយមូលហេតុនេះទេ។ បច្ចុប្បន្ននេះ មនុស្ស Musuo មានប្រជាជនសរុប៥ម៉ឺននាក់ ដែលសំខាន់រស់នៅតំបន់ច្រាំងបឹង Lugu ។
ឥឡូវនេះ អាកាសយានដ្ឋាននិងផ្លូវថ្នល់ថ្នាក់ខ្ពស់បានបើកឱ្យដំណើរការ មនុស្សMosuoបានរើរចូលក្នុងផ្ទះថ្មីនិងងាយស្រួល កុមារដែលមានអាយុសមល្មមទាំងអស់បានចូលសាលាដើម្បីសិក្សារៀនសូត្រ វប្បធម៌នៃមនុស្ស Mosuo បានទទួលការពារនិងប្រគល់ទៅមនុស្សជំនាន់ក្រោយយ៉ាងល្អប្រសើរ មានមនុស្សជាច្រើនទិញឡានសម្រាប់គ្រួសារ បើកភោជនីយដ្ឋាននិងសណ្ឋាគារ ធ្វើការលក់ដូរដោយប្រើប្រាស់អ៊ីនធើណេតជាដើម។ សេដ្ឋកិច្ចនៅទីនោះទទួលបានការអភិវឌ្ឍយ៉ាងឆាប់រហ័ស។