កាលពីថ្ងៃទី ២៧ ខែតុលា សកម្មភាពដើរថ្មើរជើងដែលស្លៀកសំលៀកបំពាក់ជនជាតិហាន“ដើរផ្លូវ Xiake ម្តងទៀត”(លោក Xuxiake ជាអ្នកភូមិសាស្ត្រដ៏ល្បីឈ្មោះនៅសម័យបុរាណ)លើកទីមួយឆ្នាំ២០១៨ដើម្បីរំលឹកខួបអនុស្សាវរីយ៍៣៨០ឆ្នាំដែលលោក XuXiake ចូលមកយូណានដែលបានរៀបចំនៅទន្លេ Tanglangchuan អ្នកស្រឡាញ់វប្បធម៌សំលៀកបំពាក់ហានដែលមកពីទីក្រុងគុនមីញចំនួនជាង៣៨០នាក់បានចូលរួមសកម្មភាពដើរថ្មើរជើងមួយនេះ។
ក្នុងអ្នកដំណើរ អាយុចាស់ជាងគេមានអាយុ៧២ឆ្នាំ ក្មេងជាងគេមានអាយុ៤ឆ្នាំ មនុស្សជាង២០០នាក់បានស្លៀកសំលៀកបំពាក់ហាន ហាក់ដូចជាត្រឡប់ទៅសម័យបុរាណវិញ។ ទីតាំងនៃការដើរថ្មើរជើងចាប់ចេញពីទន្លេ Tanglangchuan ប្រវែងសរុប១០គីឡូម៉ែត្រ មនុស្សជាច្រើនដែលស្លៀកសំលៀកបំពាក់ជនជាតិហានគ្រប់ប្រភេទបានឱ្យច្រាំងទន្លេ Tanglangchuan បន្ថែមពណ៌ ទោះបីជាជិតចូលដល់រដូវរងា តែនៅក្បែរច្រាំងទាំងសងខាងនៅតែមានផ្ការីកដោយបានបិទបាំងផ្លូវ អ្នកទាំងអស់គ្នាបានដើរតាមផ្លូវដែលលោក XuXiake ធ្លាប់បានដើរដោយសេចក្តីសប្បាយរីករាយ ដកយកពិសោធន៍ការធ្វើដំណើរកំសាន្តរបស់មនុស្សនៅសម័យបុរាណ ឆ្លងកាត់រៀបចំសកម្មភាពបែបនេះដើម្បីស្វែងរកវប្បធម៌បុរាណ។
តាមផែនការ អ្នករៀបចំចង់ធ្វើសកម្មភាពដើរថ្មើរជើងដែលមានលក្ខណៈពិសេសបែបនេះ ឱ្យវាក្លាយទៅជាសកម្មភាពម៉ាកទេសចរណ៍កីឡាដ៏ល្បីឈ្មោះក្នុងខេត្តយូណាននិងប្រទេសចិន៕