ឆ្នាំនេះ មនុស្សជំនាន់ទីមួយ ដែលកើតក្រោយពីឆ្នាំ២០០០បានពេញវ័យជាបន្តបន្ទាប់ សម័យដែលពួកគេធំធាត់នេះ ជាសម័យដែលប្រទេសចិននិងបណ្តាប្រទេសនានាក្នុងទូទាំងពិភពលោកអភិវឌ្ឍន៍និងកែទម្រង់ក្នុងល្បឿនលឿន ហើយជាសម័យដែលបណ្តាញអ៊ីនធើណិតរីកចម្រើនយ៉ាងឆាប់រហ័ស។(មនុស្សដែលកើតក្រោយពីឆ្នាំ២០០០គេហៅថា “អ្នកជំនាន់ក្រោយឆ្នាំ០០”)
អ្នកជំនាន់ក្រោយឆ្នាំ០០”ចូលចិត្តប្រើប្រាស់ពាក្យទាន់សម័យក្នុងអ៊ីនធើណិត
នៅសម័យអ៊ីនធើណិតរីកចម្រើននេះ បានលេចចេញពាក្យទាន់សម័យតាមអ៊ីនធើណិតជាច្រើនដែលទទួលបានការស្រឡាញ់ចូលចិត្តពីក្មេងៗ។ យោងតាមរបាយការណ៍បានបង្ហាញថា “វាយ call”(ការគាំទ្រ)“ចាក់បេះដូង”(ឈឺចិត្តឬពិបាកចិត្ត)“Buddhist Youths”(តាមចិត្តគ្មានសំណូមពរអ្វី)ជាដើម ពាក្យនេះសុទ្ធតែជាពាក្យទាន់សម័យដែលអ្នកជំនាន់ក្រោយឆ្នាំ០០តែងតែប្រើប្រាស់។
“ពាក្យទាន់សម័យក្នុងអ៊ីនធើណិតពិតជាគួរឱ្យស្រឡាញ់ ឥឡូវនេះមានមនុស្សជាច្រើនមិនចូលចិត្តនិយាយមិនរហ័សរហួន ពាក្យទាន់សម័យអ៊ីនធើណិតអាចបង្ហាញទឹកចិត្តនិងងាយស្រួលបង្ហាញពីអារម្មណ៍ក្នុងខណៈពេលនេះ” សិស្សថ្នាក់ទី៨ វាំង យូហឺនិយាយ។ប៉ុន្តែគាត់យល់ថា ការនិយាយជាមួយមិត្តភក្តិអាចប្រើពាក្យទាន់សម័យបាន តែពេលនិយាយលេងជាមួយមនុស្សចាស់ត្រូវប្រើពាក្យសាមញ្ញល្អជាង ដោយសារពាក្យទាន់សម័យជាច្រើនគេមិនសូវយល់បាន។
វប្បធម៌ACGទទួលបានការនិយមអ្នកជំនាន់ក្រោយឆ្នាំ០០ ចូលចិត្តប្រើប្រាស់មនុស្សក្នុងជីវចលមកលើកទឹកចិត្តខ្លួនឯង
ចំណាប់អារម្មណ៍យ៉ាងទូលំទូលាយនៃអ្នកជំនាន់ក្រោយឆ្នាំ០០និងប្រកបដោយលក្ខណៈពិសេស។ យោងតាមរបាយការណ៍បានឲ្យដឹងថា TOP5 ក្នុងចំណាប់អារម្មណ៍នៃអ្នកជំនាន់ក្រោយឆ្នាំ០០មាន តារា ហ្គេមការសេពគប់មិត្ត សែលហ្វី(Selfie)និងគំនូរជីវចល។ ក្រៅពីនេះ “កំប្លែងស្ងួត”ក៏ជាចំណាប់អារ្មមណ៍នៃអ្នកជំនាន់ក្រោយឆ្នាំ០០ដែរ មានមនុស្សជាច្រើនចូលចិត្តមើលវីឌីអូកំប្លែងដើម្បីព្យាយាមឱ្យខ្លួនឯងអាចនិយាយកំប្លែងស្ងួតបាន។
អ្នកជំនាន់ក្រោយឆ្នាំ០០ចូលចិត្តភាពយន្តប្រកបដោយថាមពលវិជ្ជមាននិងវីរៈបុរសនិយម ។
យោងតាមរបាយការណ៍បានឲ្យដឹងថា អ្នកជំនាន់ក្រោយឆ្នាំ០០ចូលចិត្តមើលភាពយន្តដែលប្រកបដោយកត្តាប្រឌិតតាមបែបវិទ្យាសាស្ត្រ ការបញ្ចូលលក្ខណៈកុំព្យូទ័រពិសេសៗ និងវីរៈបុរសនិយម ដូចជា 《Ready Player One》《OPERATION RED SEA》《PacificRim: Uprising》ជាដើម។
ពេលទំនេរអ្នកជំនាន់ក្រោយឆ្នាំ០០ជាច្រើនចូលចិត្តមើលកម្មវិធីកំសាន្តដើម្បីបន្ធូរសម្ពាធពីការសិក្សា។ មើលកម្មវិធីកំសាន្តមិនគ្រាន់តែអាចបន្ធូរសម្ពាធពីការសិក្សាប៉ុណ្ណោះទេ ថែមទាំងអាចស្វែងរកគំរូក្នុងសិក្សាផងដែរ។
អ្នកនិពន្ធ៖ លីហ្សា