កម្មវិធី“ដំណើររស្មីឡានឆាង-មេគង្គដើរចូលប្រទេសកម្ពុជាក្នុងដំណើររស្មីដំណាក់កាលទីពី២”បានបើកដំណើរការនៅទីក្រុងភ្នំពេញ

　　ថ្ងៃទី៨  ខែឧសភា  ពិធីបើកដំណើរការនៃ“ដំណើររស្មីឡានឆាង-មេគង្គដើរចូល​ប្រទេសកម្ពុជាក្នុងដំណើររស្មីដំណាក់កាលទីពី២”បានប្រារព្ធនៅសាលា​ទួនហ្វា​នៃ​ទី​ក្រុងភ្នំពេញប្រទេសកម្ពុជា។

　　នាយកសាលាទួនហ្វាភ្នំពេញបាននិយាយថា ៖ “កុមារកម្ពុជាជាច្រើនមិនសូវ​យក​ចិត្តទុកដាក់​ការពារភ្នែកទេ។  ថ្ងៃនេះប្រទេសចិនចាត់តាំងក្រុមគ្រូពេទ្យ​ជំនាញ​មក​សាលាដើម្បីត្រួតពិនិត្យភ្នែក  បានរកឃើញថាមានបញ្ហាខាងប្រើប្រាស់​ភ្នែក​ជាច្រើនក្នុងកុមារមួយពាន់នាក់ដែលចូលរួមក្នុងការត្រួតពិនិត្យលើកនេះ  សូមថ្លែង​អំណរគុណទៀតសម្រាប់ជំនួយឧបត្ថមនៃគ្រូពេទ្យចិន”។

 

　　ក្នុងពិធីបើកដំណើរការ លោក  លៀវពីវី（LIU BIWEI）  អនុប្រធានសមាគមន៍ការទូត​សាធារណៈ​ប្រទេសចិនបានបញ្ជាក់ថា  ឆ្នាំនេះជាខួបទី៦០​នៃការកសាងចំណង​ការទូត​មេត្រីភាពនៃប្រទេសចិន​និងកម្ពុជា  មេត្រីភាពជាប្រពៃណីនៃប្រទេសទាំង​ពីរ​កំពុងតែបង្ហាញកម្លាំងយ៉ាងខ្លាំងខ្លានៅក្រោមលក្ខខ័ណ្ឌប្រវត្តិសាស្ត្រជាថ្មី  បាន​ក្លាយទៅជាគំរូសម្រាប់ទាក់ទងគ្នាដោយមេត្រីភាពនិងកិច្ច​សហប្រតិបត្តិការណ៍​ដែល​បង្កើតផលប្រយោជន៍ទៅវិញទៅមករវាងប្រទេសនិងប្រទេស ។  យន្តការកិច្ច​សហប្រតិបត្តិការណ៍ឡានឆាង-មេគង្គបានទទួលស្វាគមន៍ដោយខ្លាំងពីប្រទេស​តាមដងទន្លេ   ហើយបានទទួលលទ្ធផលយ៉ាងច្រើនសម្បើម។

　　លោកស្រីអ៊ូន សាមី អនុលេខាធិការក្រុមប្រឹក្សាក្រសួងសុខាភិបាល​កម្ពុជា​បានបញ្ជាក់ថា  ការមកប្រទេសកម្ពុជាក្នុងការត្រួតពិនត្យភ្នែកយុវសិស្សរបស់ក្រុម​វេជ្ជបណ្ឌិតចិនលើកនេះ  មិនគ្រាន់តែផ្តល់ជំនួយខាងសុខភាព​សម្រាប់​ប្រជាជន​កម្ពុជានោះទេ  ហើយបានបង្កើននូវមិត្តភាពយ៉ាងជ្រាលជ្រៅយូរអង្វែងរវាង​ប្រជាជន​ចិននិងកម្ពុជា។  គាត់បានសូមថ្លែងអំណរគុណសម្រាប់ភាគីដទៃ​ដែលបានចូលរួម​កម្មវិធីនេះ។

　　លោក លីចេគ (LI JIE)ទីប្រឹក្សាស្ថានទូតចិនប្រ​ចាំប្រទេសកម្ពុជាបានបង្ហាញថា  កិច្ចសហប្រតិបត្តិការណ៍ឡានឆាង-មេគង្គកំពុងតែប្រមូលផ្តុំនូវសេចក្តីសង្ឃឹមរួមនៃ​ប្រជាជន  ព្រមទាំងបានទទួលបន្ទុករួមនូវក្តីប្រាថ្នានៃប្រទេសឡានឆាង-មេគង្គ។  ចំពោះជំនួយឧបត្ថមខាងវិស័យវេជ្ជសាស្ត្រនិងការរស់នៅប្រជាជនពីប្រទេសចិន​ផ្តល់ឱ្យ​កម្ពុជា  ជាផ្នែកដ៏សំខាន់សម្រាប់ទំនាក់ទំនងមេត្រីភាពចិននិងកម្ពុជា។   កម្មវិធីដែលបង្កើតឡើងបានផ្តល់ប្រយោជន៍ដល់ប្រជាជននិងបានទទួល​ស្វាគមន៍​ពីប្រជាជនទូទៅ។  ពេលអនាគត  ប្រទេសចិននឹងផ្តល់ជំនួយឧបត្ថមនិងការគាំទ្រ​កាន់តែច្រើនឱ្យប្រទេសកម្ពុជា  ដើម្បីឱ្យប្រជាជនខ្មែរអាចទទួល​ផលប្រយោជន៍​ពី​កិច្ច​សហប្រតិបត្តិការណ៍ចិននិងកម្ពុជាឲ្យ​កាន់តែច្រើនឡើង។

អ្នកនិពន្ធ៖ លីហ្សា