ផ្លែឈើអាព្រីកុត(Apricot)នៅខណ្ឌ ទុងឆ័ន ខេត្តយូណានបានទុំហើយ

　　ផ្លែឈើអាព្រីកុត(Apricot)ដែលដាំដុះនៅក្នុងដីមានទំហំ ២០ពាន់ ម៉ែត្រក្រឡាដោយកសិករជំនាញលោកឈេងហួរ（CHENGHUA）ក្នុងខណ្ឌ ទុង ឆ័ន（Dongchuan）ទីក្រុងគុនមីញបានទុំហើយ  ។

　　ផ្លែឈើអាព្រីកុតទុំៗទាំងអស់នេះ  កំពុងតែដឹកជញ្ជូនទៅខាងក្រៅឥតឈប់ឈរ ដែលមានកន្លែងជិតៗដូចទីក្រុងជានសុយ（Jianshui）ខេត្តយូណាន  ក៏មានកន្លែងឆ្ងាយៗដូចខេត្តសានទុង（Shandong）ទីក្រុងសៀងហៃ（Shanghai）ជាដើមផងដែរ។

　　ក្រោយពី លោក ឈេងហួរចូលក្នុងគណៈកម្មាធិការភូមិរួចនៅឆ្នាំ ២០១៧  គាត់បានគិតពីវិធីសាស្ត្រជាច្រើនដើម្បីណែនាំអ្នកស្រុកទាំងអស់គ្នាក្នុងការឆ្ពោះទៅកាន់​ភាពធូរធារ។  ទីបំផុត  គាត់បានជ្រើសរើសការដាំដុះផ្លែឈើអាព្រីកុត។

　　ឆ្នាំ ២០១២លោកឈេងហួរបាននាំចូលកូនពូជផ្លែឈើអាព្រីកុតពីទីក្រុង ថែអាន （Taian）ខេត្តសានទុង ក្នុងការពិសោធន៍ដាំដុះ ១៣.៣ពាន់ ម៉ែត្រក្រឡា  ដែលណែនាំអំពីបច្ចេកទេសរួម​ដោយ​អាជ្ញាធរ​កសិកម្មខណ្ឌ។  ឆ្នាំ ២០១៤ដើមក៏ចាប់ផ្តើមចេញផ្លែ  តែទិន្នផលមិនសូវខ្ពស់ឡើយ។ ឆ្នាំ ២០១៥ ទិន្នផលមួយឆ្នាំក្នុង ៦៦៦.៧ ម៉ែត្រក្រ​ឡាអាចដល់៣០០គីឡូក្រាម  ពេលនោះ ខណ្ឌទុងឆ័ន បានប្រារព្ធការប្រកួតប្រណាំងរថយន្តនៅតំបន់ព្រៃអន្តរជាតិ  គាត់ក៏បានឆ្លៀត​ឱកាសនេះលក់ផ្លែឈើអាព្រីកុតឱ្យភ្ញៀវទេសចរណ៍  ដោយបានចំណូលសុទ្ធចំនួន៦០ពាន់ យ័ន។

  

　　ក្រោយពីបានបទពិសោធន៍ដាំដុះដោយជោគជ័យ  លោក ឈេងហួរបានណែនាំ​គ្រួសារ​ក្រីក្រក្នុងភូមិទៅដាំផ្លែឈើ ហើយបានបង្កើតសមាគមន៍សហប្រតិបត្តិការណ៍ដាំដុះផ្លែឈើ ជីនខឺ ភូមិ ហៃខឺ（Haike）ខណ្ឌ ទុងឆ័ន។  លោក ឈេងហួរបាននិយាយថា៖​“តាមផែនការ​លោកនឹងណែនាំគ្រួសារកសិករទាំង ២០០ ក្រុមដាំដុះផ្លែឈើអាព្រីកុតមានទំហំចំនួន២០០ពាន់ ម៉ែត្រក្រ​ឡាក្នុងរយៈពេល ៤ ឆ្នាំ  ដើម្បីធ្វើឱ្យអាជីវកម្មនេះ​មានការធំធាត់ និងខ្លាំងខ្លា។”

អ្នកនិពន្ធ៖លីហ្សា