ក្រុមហ៊ុន ZTO EXPRESS នៃខេត្តយូណាន បានកសាងមជ្ឈមណ្ឌលចែកចាយអីវ៉ាន់ធំជាងគេក្នុងប្រទេសកម្ពុជា

　　ពេលថ្មីៗនេះ  ក្រុមហ៊ុន ZTO EXPRESS បានចុះហត្ថលេខាអំពីកិច្ចព្រមព្រៀង​កិច្ចសហប្រតិបត្តិការណ៍យុទ្ធសាស្ត្រជាមួយមន្ទីរប្រៃសណីយ៍ជាតិប្រទេសកម្ពុជានិងក្រុមហ៊ុនដំណោះស្រាយផែនការប្រៃសណីយ៍ និងទូរគមនាគមន៍ ដើម្បីរួមគ្នាបង្កើតនូវក្រុមហ៊ុនZTO EXPRESS（កម្ពុជា）។  ជាមួយគ្នានេះ  មជ្ឈមណ្ឌលចែកចាយអីវ៉ាន់នៃក្រុមហ៊ុនZTO EXPRESSបានចាប់ដំណើរការ​នៅទី​ក្រុងភ្នំពេញ។

　　លោក សៅមាញឃុន （XIAOKUNMAN）ប្រធានមជ្ឍ​មណ្ឌលគ្រប់គ្រងនៃក្រុមហ៊ុនZTO EXPRESS​ បាននិយាយថា៖ “  ក្រុមហ៊ុនZTO EXPRESS（កម្ពុជា）បង្កើតឡើង​ដោយ​មជ្ឈ​មណ្ឌលគ្រប់គ្រងនៃ ក្រុមហ៊ុនZTO EXPRESS នៃខេត្តយូណាន  ហើយទទួលខុសត្រូវ​គ្រប់គ្រង និងដំណើរការក្រុមហ៊ុននេះ។ ពួកយើងនាំយកវេទិកានិងបទពិសោធន៍​មក​កាន់​ប្រទេសកម្ពុជា  ដើម្បីជាការចាប់ផ្តើមថ្មីៗសម្រាប់កិច្ចសហប្រតិបត្តិការ​ខាងវិស័យដឹកជញ្ជូន​អីវ៉ានក្នុង‘កិច្ចសហប្រតិបត្តិការណ៍ឡានឆាង-មេគ្គង’។”

　　លោក PrakKearavuth អនុប្រធានមន្ទីរប្រៃសណីយ៍ជាតិប្រទេសកម្ពុជា​បានបង្ហាញថា  គាត់សប្បាយរីករាយដោយសារមើលឃើញ ក្រុមហ៊ុនZTO EXPRESSនៃប្រទេសចិននាំយកបច្ចេកទេសទំនើបៗ  សម្រាប់ការបម្រើយ៉ាងល្អប្រសើរ​ និងគុណភាពនាំមុខគេមកជួយដល់ការរីកចម្រើនខាងវិស័យដឹកជញ្ជូននៃប្រទេសកម្ពុជា។   មន្ទីរប្រៃសណីយ៍ និងទូរគមនាគមន៍​នៃ​ប្រទេស​កម្ពុជាយល់ឃើញថា  ក្រុមហ៊ុនZTO EXPRESSជាដៃគូធ្វើសហការណ៍យ៉ាងល្អប្រសើរ  ដែលអាចធ្វើឱ្យប្រជាជនកម្ពុជា​ទទួល​ការបម្រើសេវាកម្ម​កាន់តែល្អបាន។

　　អ្នកជំនាញបានធ្វើការវិភាគថា  តាមការជំរុញនៃការកសាង“ខ្សែក្រវាត់មួយនិងផ្លូវមួយ”និងការរីកចម្រើននៃសេដ្ឋកិច្ចតំបន់អាស៊ីអាគ្នេយ៍  សក្តានុពលនៃអេឡិចត្រនិចនៅទីនោះ​មាន​យ៉ាងធំសម្បើម   ហើយមានសេចក្តីសង្ឃឹមថានឹងក្លាយទៅជា “ស្ថានីយចេញចំណើរ”​នៃការរីកចម្រើនរបស់វិស័យដឹកជញ្ជូនដល់សកលភាវូបនីយកម្ម។  នេះក៏ជាមូលហេតុ​សំខាន់មួយក្នុងការកសាងមណ្ឌលបែងចែកអីវ៉ាននៃក្រុមហ៊ុនZTO EXPRESS។  បច្ចុប្បន្ន​នេះ  ប្រទេសចិនកំពុងខិតខំធ្វើការវិនិយោគ​ក្នុងការកសាងវិស័យដឹកជញ្ជូន​ក្នុងអាស៊ី​អាគ្នេយ៍​ដោយឥតឈប់ឈរ។

អ្នកសារព័ត៌មាន៖  យូចាងនីង（YUJIAGNNING）

អ្នកនិពន្ធ៖ លីហ្សា