ទីក្រុងប៉េកាំងនិងភ្នំពេញកសាងទំនាក់ទំនងក្រុងមេត្រីភាព

　　ថ្ងៃទី២១ ខែឧសភា ទីក្រុងប៉េកាំងជាមួយនិងទីក្រុងភ្នំពេញ​បានចុះកិច្ចព្រមព្រៀងស្តីពី​ការ​កសាងទំនាក់ទំនងក្រុងមេត្រីភាព។

　　យោងតាមកិច្ចព្រមព្រៀងបានឱ្យដឹងថា  ទីក្រុងប៉េកាំងនិងទីក្រុងភ្នំពេញនឹង​រៀបចំ​ទំនាក់ទំនងកិច្ច​សហប្រតិបត្តិការគ្រប់បែបយ៉ាងលើវិស័យ សេដ្ឋកិច្ច ពាណិជ្ជកម្ម  ការការពារ​បរិស្ថាន  ទេសចរណ៍  វិទ្យាសាស្ត្រ  វប្បធម៌  ការអប់រំ  កីឡា  ធនធានមនុស្សជាដើម  ហើយ​ជំរុញការរីកចម្រើនយ៉ាងរុងរឿងជាមួយគ្នាដោយយោងតាមគោលការណ៍ផ្តល់ផលប្រយោជន៍ទៅវិញទៅមក។

　　លោស្រី ឈីជីន（QIJING）នាយកនៃនាយកដ្ឋានការងារឯកភាពនៃគណៈកម្មាធិការមជ្ឈិមបក្ស​កុម្មុយនិស្ត​ចិនបានបញ្ជាក់ថា   ទីក្រុងប៉េកាំងនិងទីក្រុងភ្នំពេញជារដ្ឋធានីនៃប្រទេសចិន​និង​រាជធានី​នៃប្រទេសកម្ពុជា  ប៉ុន្មានឆ្នាំកន្លងមក  ទំនាក់ទំនងរវាងថ្នាក់នីមួយៗបានបន្ថែមឱ្យច្រើន  កិច្ចសហប្រតិបត្តិការក្នុងវិស័យនីមួយៗកាន់តែស៊ីជម្រៅជាបន្តបន្ទាប់។  ពួកយើងចង់ឆ្លៀត​ឱកាសនេះក្នុងការចងទំនាក់ទំនងជិតស្និទ្ធ  ដើម្បីបន្ថែមកម្លាំងសម្រាប់ទីក្រុងទាំងពីរ​និងបើក​ទំព័រ​ថ្មី​លើការរៀបចំធ្វើកិច្ចសហប្រតិបត្តិការជាក់ស្តែងលើគ្រប់វិស័យ។

　　លោក ឃួង ស្រេង អភិបាលក្រុងនៃទីក្រុងភ្នំពេញបានវាយតម្លៃយ៉ាងខ្ពស់ចំពោះ​កិច្ចសហប្រតិបត្តិការណ៍និងទំនាក់ទំនងមេត្រីភាពរវាងប្រទេសកម្ពុជានិងចិនបន្តទៀត គាត់​បាន​ថ្លែងអំណរគុណសម្រាប់ជំនួយ​ឧបត្ថម្ភ​ដែលផ្តល់ពីប្រទេសចិន។  គាត់បានសម្តែងថា  ទី​ក្រុង​ភ្នំពេញនិងប៉េកាំងកសាង​ទំនាកទំនងក្រុងមេត្រីភាពនឹងបង្កើនបន្ថែមទៀតនូវកិច្ច​សហប្រតិបត្តិការ​តាមគ្រប់​វិស័យនៃទី​ក្រុងទាំងពីរ។

អ្នកសារព័ត៌មាន៖ មោផឹងហ្វី（MAOPENGFEI）

អ្នកថតរូប៖ ឌីនហ្វឹង （DINGFENG）

អ្នកនិពន្ធ៖ លីហ្សា