កាលថ្ងៃទី៣ ខែមិថុនា លោកសាស្ត្រាចារ្យនៃមន្ទីរពេទ្យជម្ងឺសរសៃឈាមបេះដូងនិងសរសៃឈាមខួរក្បាល ហ្វុវៃ យូណាន(ហៅកាត់ថា “មន្ទីរពេទ្យហ្វុវៃយូណាន”)ម៉ា លីនខុន(MA LINKUN)បានណែនាំអ្នកជំនាញវេជ្ជសាស្ត្រ អ្នកស្ម័គ្រចិត្តចិន ជាមួយនឹងគ្រូពេទ្យនៃមន្ទីរសុខាភិបាលខេត្តបាត់ដំបងប្រទេសកម្ពុជានិង សហភាពសហព័ន្ធយុវជនប្រទេសកម្ពុជាចូលក្នុងភូមិនៃខេត្តបាត់ដំបងប្រទេសកម្ពុជា ដើម្បីទៅព្យាបាលឡើងវិញនិងសួរសុខទុក្ខសម្រាប់អ្នកជំងឺចំនួន ៧ នាក់ដែលពួកគេបានព្យាបាលឱ្យជាសះស្បើយក្នុងកម្មវិធីជំនួយសម្រាប់ក្មេងមានជម្ងឺបេះដូងពីកំណើតនៃ“ប្រតិបត្តិការក្តីស្រឡាញ់”។
យោងតាមដំណឹងបានឱ្យដឹងថា នាខែធ្នូ ឆ្នាំ២០១៧ កម្មវិធីនេះបានបើកដំណើរការនៅប្រទេសកម្ពុជា មន្ទីរពេទ្យហ្វុវៃយូណានបានធ្វើការពិនិត្យជម្ងឺបេះដូងពីកំណើតសម្រាប់កុមារចំនួន ១៣១៤៧នាក់នៅខេត្តបាត់ដំបងនៃប្រទេសកម្ពុជា បានរកឃើញថា មានកមារចំនួន២៦ នាក់មានជម្ងឺនេះ។ នៅក្រោមការគាំទ្រយ៉ាងពេញទំហឹងពីអាជ្ញាធរពាក់ព័ន្ធនិងរដ្ឋាភិបាលប្រទេសទាំងពីរ បានជ្រើសរើសយកអ្នកជម្ងឺចំនួន ៧ នាក់ក្នុងកុមារមានជម្ងឺ ២៦នាក់ ដើម្បីនាំពួកគេទៅមន្ទីរពេទ្យហ្វុវៃយូណានក្នុងការព្យាបាលជម្ងឺ។
កាលពីថ្ងៃទី៤ ខែមិថុនា ឆ្នាំ២០១៨ មានកុមារមានជម្ងឺចំនួន ៦ នាក់ទៀត គឺជាលើកទីពីរក្នុងកុមារមានជម្ងឺ ចំនួន ២៦ នាក់និងឪពុកម្តាយគេត្រូវបានណែនាំពីប្រទេសកម្ពុជាមកកាន់ប្រទេសចិនដោយអ្នកជំនាញនៃមន្ទីរពេទ្យហ្វុវៃនិងក្រុមស្ម័គ្រចិត្ត កុមារមានជម្ងឺចំនួន ៦ នាក់នេះនឹងទទួលការព្យាលបាលដោយធ្វើការវះកាត់ដោយមិនគិតថ្លៃ។
អ្នកសារព័ត៌មាន៖ យូ ចាងនី(YU JIANGNING)ទីនហ្វឹង(DING FENG)
អ្នកនិពន្ធ៖ លីហ្សា