អ្នកស្ម័គ្រចិត្តពិព័រណ៍ចិន —អាស៊ីខាងត្បូងបានត្រៀមរួចរាល់ដែលពិតជាឱ្យយើងមានមោទនភាព

　　កាលពីថ្ងៃទី៩ ខែមិថុនា  ពិធីចូលកាន់តំណែងនៃអ្នកស្ម័គ្រចិត្តចូលធ្វើការរួមគ្នានៃពិព័រណ៍ចិន —អាស៊ីខាងត្បូងលើកទី៥និងពិព័រណ៍ផលិតផលនាំចេញ—នាំចូលទីក្រុងគុនមីញនៃប្រទេសចិនលើកទី២៥（ខាងក្រោមហៅឈ្មោះកាត់ថា “ពិព័រណ៍ចិន —អាស៊ីខាងត្បូង”）បានប្រារព្ធនៅ មជ្ឈ​មណ្ឌលពិព័រណ៍អន្តរជាតិទានឆឹទីក្រុងគុនមីញ（Kunming）ខេត្តយូណាន（Yunnan）​។

　　ក្រោយពីពិធីចូលកាន់តំណែងបានបញ្ចប់រួចហើយ  អ្នកស្ម័គ្រចិត្តដែលចូលរួមក្នុងការហ្វឹកហាត់ចូលធ្វើការបានរៀបចំធ្វើការសាកល្បងនៅក្រោមការណែនាំនៃអ្នកទទូលខុសត្រូវក្រុមនីមួយៗ។  តាមរយៈការបង្កើនការបណ្តុះបណ្តាលការងារនិងហ្វឹកហាត់ជាក់ស្តែងអ្នកស្ម័គ្រចិត្តដោយតាមលក្ខណៈសម្តៅពង្រឹងគោលគំនិតបម្រើការនិងកំរិតបម្រើការនៃអ្នកស្ម័គ្រចិត្ត  ដើម្បីផ្តល់ជាមូលដ្ឋានយ៉ាងល្អប្រសើរសម្រាប់ការផ្តល់សេវាកម្មស្ម័គ្រចិត្តជាលក្ខណៈបច្ចេកទេស  ប្រសិទ្ធិភាព គុណភាពល្អនិងភាពសមសួននៃការសម្ពោធពិព័រណ៍ចិន —អាស៊ីខាងត្បូង។

　　យោងតាមដំណឹងបានឱ្យដឹងថា  ពិព័រណ៍ចិន —អាស៊ីខាងត្បូងលើកនេះប្រមូលអ្នកស្ម័គ្រចិត្តខាងតំបន់ពិព័រណ៍សរុបចំនួន ១៥០០ នាក់ （រួមទាំងអ្នកស្ម័គ្រចិត្តអន្តរជាតិ ចំនួន ៨ នាក់និងអ្នកស័្មគ្រចិត្តសំខាន់ចំនួន ៦៩នាក់）និងអ្នកស្ម័គ្រចិត្តទីក្រុង ចំនួន ១០ ពាន់ នាក់។  ក្នុងអំឡុងពេលពិព័រណ៍  វេទិកាផ្សាយផ្ទាល់នៃអ្នកស្ម័គ្រចិត្តពិព័រណ៍ចិន —អាស៊ីខាងត្បូងនឹងធ្វើការផ្សាយផ្ទាល់សម្រាប់ការងារសេវាកម្មស្ម័គ្រចិត្តរបស់ពួកគេ។

អ្នកនិពន្ធ៖ លីហ្សា