វគ្គបណ្តុះបណ្តាលមន្ត្រីសារព័ត៌មាននិងអ្នកសារព័ត៌មាននៃប្រទេសទន្លេឡានឆាង-មេគង្គ លើកទីមួយបានបើកវគ្គ
“ទន្លេមួយ គ្រួសារមួយ” នាព្រឹកថ្ងៃទី១២ ខែមិថុនា ការបណ្តុះបណ្តាលមន្ត្រីសារព័ត៌មាននិងអ្នកសារព័ត៌មាននៃប្រទេសទន្លេឡានឆាង-មេគ្គងលើកទីមួយបានបើកដំណើរការនៅទីក្រុងគុនមីញ（Kunming）ខេត្តយូណាន（Yunnan）។
វគ្គបណ្តុះបណ្តាលលើកនេះ បានទទួលការគាំទ្រពីគម្រោងថ្នាក់ជាតិ ដែលរៀបចំដោយក្រុមហ៊ុនយូណានដេលីសិក្ខាកាមដែលមកពីប្រទេសទាំង៥ គឺ ប្រទេសកម្ពុជា ឡាវ ថៃ មីយ៉ាន់ម៉ានិងវៀតណាមសរុបចំនួន ១៧ រូប។ ក្នុងអំឡុងពេលបណ្តុះបណ្តាល សិក្ខាកាមនៃប្រទេសទាំង ៥ នឹងជិះរថភ្លើងល្បឿងលឿន និងទៅតាមកំពង់ផែក្នុងសកម្មភាពទំនាក់ទំនងជាមួយអ្នកសារព័ត៌មានក្រុមហ៊ុនយូណានដេលី។ ក្រៅពីនេះ ពួកគេនឹងរៀបចំសកម្មភាពផ្លាស់ប្តូរនិងការទស្សនកិច្ចដ៏សម្បូរបែបនៅទីក្រុងគុនមីញនិងទីក្រុងលីងឆាង（Lincang） ព្រមទាំងចូលរួមពិព័រណ៍ចិន—អាស៊ីខាងត្បូងលើកទី៥ និងពិព័រណ៍ផលិតផលនាំចេញ—នាំចូលនៃទីក្រុងគុនមីញប្រទេសចិនលើកទី២៥។
ឯកឧត្តម ឡុង សេង ទីប្រឹក្សាក្រសួងព័ត៌មាន និងជាអគ្គនាយករងនៃអគ្គនាយកដ្ឋានរដ្ឋបាល និងហិរញ្ញវត្ថុតំណាងឲ្យសិក្ខាកាមបានថ្លែងសន្ទរកថាដូចខាងក្រោម លោកបញ្ជាក់ថា ប្រទេសកម្ពុជានិងប្រទេសចិនជាអ្នកជិតខាងល្អនិងមិត្តភក្តិល្អ។ ប៉ុន្មានឆ្នាំកន្លងមកនេះក្រុមហ៊ុនយូណានដេលីបានធ្វើកិច្ចសហប្រតិបត្តិការជាមួយកាសែត《រស្មីកម្ពុជា》 រៀបចំកាសែតឯកទេស 《ប្រទេសចិន·ខេត្តយូណាន》ហើយទស្សនាវដ្តី《ខ្មែរ》បានទទួលការពេញនិយមពីសំណាក់មិត្តអ្នកអាននៃប្រទេសកម្ពុជា ក្រុមហ៊ុនយូណានដេលីបានរៀបចំស្ថាន័យអ្នកសារព័ត៌មានប្រចាំនៅទីក្រុងភ្នំពេញប្រទេសកម្ពុជា ព្រមទាំងបានកសាងឡើងនូវស្ពានសម្រាប់ការផ្លាស់ប្តូរទំនាក់ទំនងខាងសារព័ត៌មាន សេដ្ឋកិច្ច វប្បធម៌។ល។
យោងតាមដំណឹងបានឱ្យដឹងថា នេះជាលើកដំបូងដែលខេត្តយូណានរៀបចំនៅពេលតែមួយក្នុងការបណ្តុះបណ្តាលបុគ្គលិកមកពីប្រព័ន្ធសារព័ត៌មាននៃប្រទេសឡានឆាង-មេគង្គទាំង៦ （រួមទាំងប្រទេសចិន）សម្តៅទៅលើការកសាងវេទិកាដើម្បីញ៉ាំងឱ្យប្រព័ន្ធសារព័ត៌មានទាំង៦ មានទំនាក់ទំនងយ៉ាងស៊ីជម្រៅនិងធ្វើការផ្លាស់ប្តូរនិងសិក្សាពីគ្នាទៅវិញទៅមក។ ជាមួយគ្នានេះដែរ យោងតាមការបណ្តុះបណ្តាលលើកនេះ អាចជំរុញឱ្យប្រព័ន្ធនៃប្រទេសទាំង៦ ក្លាយជា “ឧបករណ៍បំពងសម្លេង”នៃកិច្ចសហប្រតិបត្តិការយន្តការឡានឆាង-មេគង្គ “ឧបករណ៍សាបព្រោះ” នៃផ្កាមិត្តភាពទន្លេឡានឆាង-មេគ្គង និង“ឧបរណ៍ជំរុញ” នៃកិច្ចសហប្រតិបត្តិការឡានឆាង- មេគ្គងឱ្យបានល្អ៕
អ្នកសារព័ត៌មាន៖ ចាង រុគូ（ZHANG RUOGU）ជូ ទុងរ៉ាន（ZHU DONGRAN）
អ្នកនិពន្ធ៖ លីហ្សា