កុមារមានជម្ងឺបេះដូងពីកំណើតចំនួន ៦ នាក់នៃប្រទេសកម្ពុជាបានមកកាន់ទីក្រុងគុនមីញដើម្បីទទួលការព្យាបាលដោយឥតគិតថ្លៃ
“ប្តីខ្ញុំស្លាប់ហើយ តាំងពីពេលខ្ញុំដឹងថា កូនខ្ញុំមានជម្ងឺបេះដូងពីកំណើត ខ្ញុំតក់ស្លុតណាស់ មិនដឹងថាមានលុយពីណាព្យាបាល ដល់គ្រូពេទ្យចិនចុះទៅ ខ្ញុំអរវិញ ខ្ញុំសប្បាយនិងអរគុណ” ម្តាយនៃឡាយ ប្រុសពៅនិយាយ។ កុមារឡាយ ប្រុសពៅ ជាក្មេងមានជម្ងឺបេះដូងពីកំណើត ដែលត្រូវបានទទួលការវះកាត់នៅថ្ងៃទី២០ ខែមិថុនា ។ ប៉ុន្មានថ្ងៃមុននេះ មានកុមារមានជម្ងឺបេះដូងពីកំណើតម្នាក់ឈ្មោះ រតនា បានទទួលការវះកាត់ដោយជោគជ័យ ហើយត្រូវបានអ្នកស្ម័ត្រចិត្តកំដរទៅប្រទេសកម្ពុជាវិញ។
“ខ្ញុំមិនភ័យទេ ខ្ញុំក៏ចង់ឆាប់ជានឹងទៅប្រទេសកម្ពុជាវិញដូចបងរតនាផងដែរ”នេះជាសម្តីរបស់ឡាយ ប្រុសពៅ ចំពោះសំណួរអំពីអារម្មណ៍សម្រាប់ការវះកាត់ដែលនឹងត្រូវធ្វើជាបន្តបន្ទាប់ ហើយគាត់បានឆ្លើយដោយសេចក្តីក្លាហានយ៉ាងនេះ។ កុមារមានជម្ងឺបេះដូងពីកំណើតនៃប្រទេសកម្ពុជាទាំងអស់ ៦ នាក់បានមកកាន់មន្ទីរពេទ្យព្យាបាលជម្ងឺសរសៃឈាមបេះដូងនិងសរសៃឈាមខួរក្បាល ហ្វុវៃ យូណាន（ហៅកាត់ “មន្ទីរពេទ្យហ្វុវៃយូណាន”）នៅទីក្រុងគុនមីញ ខេត្តយូណាន ដើម្បីទទួលការព្យាបាលដោយឥតគិតថ្លៃ។
នាខែធ្នូ ឆ្នាំ២០១៧ មន្ទីរពេទ្យហ្វុវៃយូណានបានផ្តល់សេវាកម្មព្យាបាលដោយឥតគិតថ្លៃនៅប្រទេសកម្ពុជា ក្នុងការពិនិត្យជម្ងឺបេះដូងពីកំណើតសម្រាប់កុមារចំនួន ១៣១៤៧ នាក់នៅខេត្តបាត់ដំបង ហើយបានរកឃើញថា មានកុមារចំនួន ២៦ នាក់មានជម្ងឺនេះ។ កុមារមានជម្ងឺទាំងអស់នេះ ត្រូវចែកជាប៉ុន្មានលើកដើម្បីបញ្ជូកមក មន្ទីរពេទ្យហ្វុវៃយូណាន នៅទីក្រុងគុនមីញក្នុងការទទួលការព្យាបាលដោយមិនគិតថ្លៃ។ កុមារមានជម្ងឺបេះដូងពីកំណើតចំនួន ៦ នាក់នេះគឺជាកុមារក្រុមទី២ដែលបានមកដល់មន្ទីរពេទ្យហ្វុវៃយូណាននៅថ្ងៃទី ៤ ខែមិថុនា ។ ឯកុមារមានជម្ងឺបេះដូងពីកំណើតក្រុមទីមួយត្រូវបានព្យាបាលឱ្យជាសះស្បើយហើយបានបញ្ជូនទៅប្រទេសកម្ពុជាវិញកាលពីខែមករា ឆ្នាំ២០២៨។
ក្រោយពីកុមារទាំងអស់ និងឪពុកម្តាយពួកគេមកដល់មន្ទីរពេទ្យហ្វុវៃយូណាន ពួកគេសុទ្ធតែទទួលបានការទំនុកបំរុងយ៉ាងល្អប្រសើរពីសំណាក់មន្ទីរពេទ្យ។ ឯកុមារទាំងអស់ និងឪពុកម្តាយពួកគេ មានខ្លះគូរជាគំនូរ ហើយមានខ្លះទៀតសរសេរជាលិខិតជូនឱ្យគ្រូពេទ្យចិនក្នុងការថ្លែងអំណរគុណ។ យោងតាមដំណឹងបានឱ្យដឹងថា មន្ទីរពេទ្យហ្វុវៃយូណានកំពុងតែធ្វើកិច្ចការត្រៀមទទួលក្រុមទីបីសម្រាប់ទៅកាន់ប្រទេសកម្ពុជាធ្វើការព្យាបាលដោយឥតគិតថ្លៃ។
លោក ឆាយ ប៊ុណ្ណារ័ត្ន ជាសមាជិកនៃ សហភាពសហព័ន្ធយុវជនប្រទេសកម្ពុជាដែលបានចុះជួយនៅខេត្តបាត់ដំបងបាននិយាយថា សហភាពសហព័ន្ធយុវជនប្រទេសកម្ពុជានិងមជ្ឈមណ្ឌលសិក្សាស្រាវជ្រាវសុខភាពនិងឥរិយាបទ យ័នទី គុនមីញនឹងជួយគ្រួសារក្រីក្រនៃកុមារមានជម្ងឺបេះដូងពីកំណើតទាំងអស់នេះដោយខិតខំប្រឹងប្រែង ហើយគាត់បានប្រាប់កុមារមានជម្ងឺបេះដូងថា ទៅរៀនភាសាចិនដើម្បីជួយអ្នកដទៃពេលអនាគត។
ប្រភពរូថត៖ លីហេងឆាង （LI HENGQIANG）ឆាយ ប៊ុណ្ណារ័ត្ន
មជ្ឈមណ្ឌលសិក្សាស្រាវជ្រាវសុខភាពនិងឥរិយាបទ យ័នទី គុនមីញ
អ្នកសារព័ត៌មាន៖ លីហ្សា
អ្នកនិពន្ធ៖ លីហ្សា