វេទិកាវិទ្យាសាស្ត្រខួបអនុស្សវរីយ៍ ៦០ឆ្នាំនៃទំនាក់ទំនងចិន-កម្ពុជាបានប្រារព្ធនៅទីក្រុងភ្នំពេញ

　　នាថ្ងៃទី២១ដល់ ២២ ខែមិថុនា  វេទិកាវិទ្យាសាស្ត្រខួបអនុស្សវរីយ៍៦០ឆ្នាំ​នៃទំនាក់ទំនង​ចិន-កម្ពុជា ដែលរៀបចំដោយរាជបណ្ឌិតសភាកម្ពុជានិងនាយកដ្ឋានវិទ្យាស្ថានខុងជឺ​បានប្រារព្ធ​នៅទីក្រុងភ្នំពេញ។ 

　　ក្នុងវេទិកាវិទ្យាសាស្ត្រខួបអនុស្សវរីយ៍៦០ឆ្នាំនៃទំនាក់ទំនងចិន-កម្ពុជានេះ  ឯកឧត្តម ប៊ិន ឈិន ឧបនាយករដ្ឋមន្ត្រីបានមានប្រសាសន៍ថា  មិត្តភាពជាប្រពៃណីកម្ពុជានិងចិនរយៈ​៦០ឆ្នាំ​កន្លងមកនេះ បានបង្កើតនិងបណ្តុះបណ្តាលដោយថ្នាក់ដឹកនាំនិងប្រជាជននៃប្រទេសទាំងពីរ   វេទិកាវិទ្យាសាស្ត្រលើកនេះបានផ្តល់ឱកាសឱ្យអ្នកស្រាវជ្រាវ  អ្នកពាក់ព័ន្ធជួបពិភាក្សា  ពង្រីក​វិស័យក្នុងការធ្វើសហប្រតិបត្តិការ  ជំរុញឱ្យទំនាក់ទំនងដៃគូកិច្ច​សហប្រតិបត្តិការ​យុទ្ធសាស្ត្រ​គ្រប់ជ្រុងជ្រោយនៃប្រទេសទាំងពីររីកចម្រើនដោយឥតឈប់ឈរ។

　　លោក លីជា（LI JIE）តំណាងស្ថានទូកចិនប្រចាំកម្ពុជាបានបញ្ជាក់ថា  ទំនាក់ទំនងចិន​និងកម្ពុជា​មានប្រវត្តយ៉ាងយូរអង្វែងនិងបន្ត​ឥតឈប់ឈរ។  គំនិតផ្តួចផ្តើម“ខ្សែក្រវាត់មួយ​និង​ផ្លូវមួយ”នៃប្រទេសចិននិង“យុទ្ធសាស្ត្រចតុកោណ”នៃប្រទេសកម្ពុជាកំពុងតែផ្សាភ្ជាប់យ៉ាងឆាប់​រហ័សដែលនេះបានផ្តល់នូវផលប្រយោន៍កាន់តែច្រើនជូនប្រជាជននៃប្រទេសទាំងពីរ។ តាំងពី​ប្រទេសចិននិងប្រទេសកម្ពុជាបង្កើតទំនាក់ទំនងការទូតជាផ្លូវការរយៈពេល៦០ ឆ្នាំកន្លងមក  មិត្តភាពចិននិងកម្ពុជាកាន់តែរឹងមាំនិងស៊ីជម្រៅលើគ្រប់វិស័យ។

　　លោក ម៉ាជានហ្វេ（MA  JIANFEI）អនុប្រធានការិយាល័យផ្សព្វផ្សាយអន្តរជាតិ​វប្បធម៌ភាសាចិននៃប្រទេសចិនបានចាត់ទុតថា  រាជបណ្ឌិតសភាកម្ពុជានិងវិទ្យាស្ថានខុងជឺ​បានក្លាយទីជាស្ពានវប្បធម៌និងស្ពាននៃដួងព្រលឹង។  សង្ឃឹមថាឆ្លងកាត់ការខិតខំប្រឹងប្រែងនៃភាគីទាំងពីរនឹងញ៉ាំងឲ្យ​កិច្ចសហប្រតិបត្តិការ​និងការ​ផ្លាស់ប្តូរខាងវប្បធម៌​អប់រំរវាងប្រទេសកម្ពុជានិងប្រទេសចិនកាន់តែស៊ីជម្រៅ។

អ្នកសារព័ត៌មាន៖ យូ ចាងនីង（YU  JIANGNING   ពីទស្សនាវដ្តី《ខ្មែរ》）

អ្នកនិពន្ធ៖ លីហ្សា