ក្រុមសុខាភិបាលនៃខេត្តចាងស៊ូប្រទេសចិនទៅកាន់ប្រទេសកម្ពុជាដើម្បីផ្តល់សេវាកម្មព្យាបាលដោយមិនគិតថ្លៃ

　　កាលពីថ្ងៃទី២៦ ខែមិថុនា  សកម្មភាពក្រុមសុខាភិបាលនៃខេត្តចាងស៊ូ（Jiangsu）ប្រទេសចិនទៅកាន់ប្រទេសកម្ពុជាដើម្បីផ្តល់សេវាកម្មព្យាបាលដោយមិនគិតថ្លៃបានបើកដំណើរការនៅទីក្រុងភ្នំពេញ។  ក្រុមសុខាភិបាលខេត្តចាងស៊ូដែលបង្កើតឡើងដោយក្រុមគ្រូពេទ្យជំនាញចំនួន ៣៧ រូបជាមួយនឹងក្រុមសុខាភិបាលស្ម័គ្រចិត្តឯកឧត្តមហ៊ុន ម៉ានីប្រទេសកម្ពុជាបានបើកសេវាកម្មព្យាបាលដោយមិនគិតថ្លៃជូនប្រជាជននៅនឹងកន្លែងចំនួន ៨០០ នាក់។

　　លោក លីជា（LI JIE）តំណាងស្ថានទូតចិនប្រចាំកម្ពុជាបានបញ្ជាក់ថា  ជំនួយឧបត្ថម្ភនិងការគាំទ្រជាផ្នែកសំខាន់ក្នុងកិច្ចសហប្រតិបត្តិការចំពោះការរស់នៅរបស់ប្រជាជននៃប្រទេសចិន-កម្ពុជា  បានទទួលការស្វាគមន៍យ៉ាងពេញទំហឹងពីសំណាក់ប្រជនជនតាមតំបន់នានានៃប្រទេសកម្ពុជា។ នាថ្ងៃខាងមុខ ប្រទេសចិននឹងផ្តល់ជំនួយឧបត្ថម្ភនិងគាំទ្រដែលអាចធ្វើបានកាន់តែច្រើនដើម្បីកែសម្រួលលក្ខខណ្ឌសុខាភិបាលសាធារណៈនៃប្រទេសកម្ពុជានិងលើកកម្ពស់កម្រិតសុខភាពប្រជាជនខ្មែរ។

　　លោក ហ៊ុនម៉ានី  តំណាងរាស្ត្រសមាជិកសភានិងប្រធានសហភាពសហព័ន្ធ​យុវជនប្រទេសកម្ពុជាបានគូសបញ្ជាក់ថា  មិត្តភាពប្រទេសកម្ពុជា-ចិនគឺបង្កើតនិងថែរក្សាដោយអ្នកដឹកនាំជាតិជំនាន់ចាស់នៃប្រទេសទាំងពីរ។  ពេលថ្មីនេះ  ទំនាក់ទំនងមេត្រីភាពរវាងនាយករដ្ឋមន្ត្រីកម្ពុជា ហ៊ុនសែន និងប្រធានរដ្ឋចិន ស៊ីជិនភីនជំរុញឱ្យទំនាក់ទំនងនៃប្រទេសទាំងពីរឈានទៅកាន់ដំណាក់កាលថ្មីទៀតមួយ។  ក្នុងនាមយើងជាយុវជនជំនាន់ថ្មី ត្រូវចងចាំអំពីប្រវត្តដ៏រឹងមាំ  ព្រមទាំងបង្កើនបន្ថែមទៀតនូវទំនាក់ទំនងកិច្ចសហប្រតិបត្តិការជាមេត្រីភាពនៃប្រទេសកម្ពុជា-ចិន។

　　យោងតាមដំណឹងបានឱ្យដឹងថា  ក្រុមសុខាភិបាលព្យាបាលដោយមិនគិតថ្លៃចិននេះ  បង្កើតឡើងដោយក្រុមគ្រូពេទ្យជំនាញខាងជម្ងឺផ្នែកក្នុង ផ្នែកក្រៅ  ផ្នែករោគស្ត្រី ផ្នែកកុមារនិងផ្នែកភ្នែកនឹងផ្តល់សេវាកម្មព្យាបាលដោយមិនគិតថ្លៃនៅទីក្រុងភ្នំពេញ  ខេត្តកំពង់ស្ពឺ  និងខេត្តព្រះស៊ីហនុដោយចំណាយរយៈពេលមួយសបា្តហ៍  ដើម្បីព្យាបាលជម្ងឺគ្រប់បែបយ៉ាងដល់ប្រជាជនកម្ពុជា។  សកម្មភាពនេះបានចាប់ផ្តើមអនុវត្តតាំងពីឆ្នាំ ២០១៥  ដល់បច្ចុប្បន្ន​នេះបានចាត់តាំងក្រុមសុខាភិបា​ល៥លើកជាបន្តបន្ទាប់៕

អ្នកសារព័ត៌មាន៖ យូ ចាងនីង（YU JIANGNING）ទិនហ្វឹង（DING FENG）（ទស្សនាវដ្តី《ខ្មែរ》）

អ្នកនិពន្ធ៖ លីហ្សា