លោកស្រី លី ណាឡូ៖នាំអ្នកស្រុកទៅកាន់ជីវភាពរស់នៅធូធារ

　　ឆ្នាំ ១៩៨៣  លោកស្រីលី ណាឡូ（Li Naluo）កើតនៅក្នុងភូមិ ឡាវដាបោ（Laodabao）គាត់មិនធ្លាប់រៀនចំណេះវិជ្ជាមូលដ្ឋានទាក់ទងនឹងតន្ត្រីនោះទេ  តែបានសរសេរបទចម្រៀងភាសាឡាហ៊ូជាង ៣០ បទ（ភាសាឡាហ៊ូជាភាសានៃជនជាតិ ឡាហ៊ូ）ដោយសារសេចក្តីស្រឡាញ់ចំពោះវប្បធម៌ឡាហ៊ូ ។ គាត់ធ្លាប់ចូលរួមការប្រគួតប្រជែងច្រៀងបទចម្រៀងជាច្រើនតាមតំបន់នានាក្នុងប្រទេសចិនហើយទទួលបានរង្វាន់ទៀតផង  ព្រមទាំងធ្វើជាអ្នកតំណាងសម័យថ្មីនៃវប្បធម៌ឡាហ៊ូ  ធ្វើឱ្យវប្បធម៌ឡាហ៊ូចូលទៅកាន់ចក្ខុវិស័យនៃសាធារណជន។

　　ទន្ទឹមនិងនេះ  លោកស្រី លី ណាឡូ ក៏ច្រៀងចេញនូវការរស់នៅដែលប្រកបដោយសុភមង្គលរបស់ខ្លួនផងដែរ  បច្ចុប្បន្ននេះ  គ្រួសារនៃលី ណាឡូបានកសាងឡើងផ្ទះថ្មី  ហើយបានបើកភោជនីយដ្ឋានក្នុងភូមិ  ទិញឡានសម្រាប់គ្រួសារ  ដែលធ្វើឱ្យ​បានជីវភាពរស់នៅយ៉ាងធូធារ។ លោកស្រី លី ណាឡូនិយាយថា៖ “ការមានបានតែម្នាក់ឯងមិនមែនមានបានពិតនោះទេ  ខ្ញុំធ្វើជាសមាជិកបក្សកុម្មុយនិស្ត  ​ខ្ញុំត្រូវនាំអ្នកស្រុកទៅកាន់ជីវភាពរស់នៅមួយដ៏ធូរធារ”​។

　　លោកស្រី លី ណាឡូដឹកនាំអ្នកស្រុកស្វែងរកវិធីសាស្ត្រអភិវឌ្ឍជាក់ស្តែង  ឱ្យ“ភូមិក្រីក្រ”ឡាវដាបោក្លាយទៅជា“ភូមិទេសចរណ៍”។ ឆ្នាំ ២០១៣ ភូមិនេះបង្កើតឡើងក្រុមហ៊ុនសម្តែងឡាហ៊ូសប្បាយឡាវដាបោឡានឆាំង  លោកស្រី លី ណាឡូ  បានទទួលតំណែងជាអនុប្រធាន ​។ ៤ ឆ្នាំកន្លងមក  បានធ្វើការសម្តែងសរុបជាង ៦៣០ ដង  ចំណូលពីសម្តែងជាង៣៣២ ម៉ឺនយ័ន  ចែកឱ្យអ្នកស្រុក ២២៦ ម៉ឺនយ័ន  ចំណូលទេសចរណ៍ជិត ៥០០ ម៉ឺនយ័ន។

　　ក្រៅពីនេះ  លោកស្រី លី ណាឡូ បានធ្វើគំរូនៃការដាំពូជអំពៅថ្មីនិងពូជតែថ្មី  នៅក្រោមការដឹកនាំរបស់គាត់   បានបំផុសលក្ខណៈសកម្មនិងលក្ខណៈច្នៃប្រឌិតដល់អ្នកស្រុក  ឯមធ្យោបាយរកចំណូលបានពង្រីកយ៉ាងធំទូលាយដោយឥតឈប់ឈរ។ ទេសចរណ៍និងអាជីវកម្មវប្បធម៌បានក្លាយទៅជាប្រភពចំណូលសំខាន់។  ឆ្នាំមុន  ចំណូលសុទ្ធជាមធ្យមរបស់ប្រជាជនក្នុងភូមិក្នុងម្នាក់ទទួលបានជាង៥០៦១ យ័ន  ក្នុងនោះ  ចំណូលពីអាជីវកម្មវប្បធម៌និងទេសចរណ៍ជាង៣៥៥៤ យ័ន។

អ្នកសារព័ត៌មាន៖  Li Yicheng  Shen Hao

អ្នកនិពន្ធ៖ លីហ្សា