មិត្តភាពចិននិងកម្ពុជាមានភាពរឹងមាំនិងរីកចម្រើនខ្លាំង
កាលពីថ្ងៃទី១៩ខែកក្កដាឆ្នាំ១៩៥៨ ប្រទេសទាំងពីរចិននិងកម្ពុជាបានចងសម្ព័ន្ធផ្លូវទូតជាផ្លូវការ ។ ក្នុង៦០ឆ្នាំកន្លងទៅនេះ មិត្តភាពចិននិងកម្ពុជាដែលបង្កើតនិងបណ្តុះបណ្តាលដោយអ្នកដឹកនាំនៃប្រទេសទាំងពីរបានឆ្លងកាត់ការផ្លាស់ប្តូរពេលវេលានិងស្ថានភាពអន្តរជាតិហើយកាន់តែរីកចម្រើនខ្លាំង ។
ក្នុងឱកាសនៃពីធីរំលឹកខួបឆ្នាំទី៦០នៃការបង្កើតទំនាក់ទំនងផ្លូវទូតរវាងប្រទេសចិននិងកម្ពុជាដែលបានរៀបចំធ្វើនៅពេលថ្មីៗកន្លងទៅនេះ សម្តេចហ៊ុនសែន នាយករដ្ឋមន្ត្រីនៃកម្ពុជាបានថ្លែងថា មិត្តភាពនិងកិច្ចសហប្រតិបត្តិការរវាងប្រទេសទាំងពីរកម្ពុជានិងចិនមុខជានឹងរួមវិភាគទានវិជ្ជមានចំពោះការបង្កើតសហគមន៍រួមវាសនានៃមនុស្សជាតិមិនខាន ។
លោក Xiong Bo ឯកអគ្គរដ្ឋទូតចិនប្រចាំនៅកម្ពុជាបានថ្លែងថា យើងជឿជាក់ថា ក្នុងរយៈពេល៦០ឆ្នាំខាងមុខនេះ ការជឿទុកចិត្តគ្នាខាងនយោបាយកម្រិតខ្ពស់និងមិត្តភាពប្រពៃណីយ៉ាងជ្រាលជ្រៅរវាងចិននិងកម្ពុជា មុខជានឹងរក្សាតទៅទៀត ។ ភាគីទាំងពីរនឹងមានកិច្ចសហប្រតិបត្តិការកាន់តែទូលំទូលាយក្នុងវិស័យសេដ្ឋកិច្ចពាណិជ្ជកម្មវប្បធម៌និងមនុស្សជាតិជាដើម ។ អនាគតនៃកិច្ចសហប្រតិបត្តិការរវាងចិននិងកម្ពុជាគឺភ្លឺស្វាង ហើយអត្ថន័យអន្តរជាតិនិងក្នុងតំបន់នៃទំនាក់ទំនងចិននិងកម្ពុជាក៏នឹងកាន់តែលេចធ្លោផងដែរ ។