នៅវេលាម៉ោង៩យប់ថ្ងៃទី២៣ខែកក្កដា តាមម៉ោងប៉េកាំង ស្ថានីយវារីអគ្គិសនីXepian–Xenamnoy ក្នុងខេត្ត Attapeu ស្ថិតនៅភាគខាងត្បូងនៃប្រទេសឡាវបានកើតឧបទ្ទវហេតុបាក់ទំនប់ដែលបានបណ្តាលឲ្យមនុស្សជាច្រើននាក់ស្លាប់និងរងរបួស និងច្រើនរយនាក់ទៀតបាត់ខ្លួន ព្រមនិងបង្កឲ្យខូចខាតសេដ្ឋកិច្ចយ៉ាងធ្ងន់ធ្ងរ។រដ្ឋាភិបាលឡាវបានកំណត់តំបន់ពាក់ព័ន្ធជាតំបន់រងគ្រោះបន្ទាន់ថ្នាក់ជាតិ។ស្ថានទូតចិនប្រចាំនៅឡាវបានក្រើនរំលឹកប្រជាពលរដ្ឋចិនត្រូវមានភាពប្រុងប្រយ័ត្នក្នុងពេលធ្វើដំណើរទៅកាន់ខេត្ត Attapeuនិងតំបន់ជុំវិញក្នុងអំឡុងពេលកើតហេតុនេះ។តាមការផ្សាយដំណឹងឲ្យដឹងថា គិតរហូតដល់បច្ចុប្បន្ន គ្មានពលរដ្ឋចិនបានរងគ្រោះក្នុងឧបទ្ទវហេតុលើកនេះទេ៕
អ្នកបកប្រែ៖ Zheng Lei