លោកស៊ីជីនភីងប្រធានរដ្ឋចិនចូលរួមវេទិកាឧស្សាហកម្មនិងពាណិជ្ជ-កម្មនៃប្រទេសBRICS ព្រមទាំងថ្លែងសុន្ទរកថាគន្លឹះ
ថ្ងៃទី២៥ខែកក្កដា លោកស៊ីជីនភីងប្រធានរដ្ឋចិនបានចូលរួមវេទិកាឧស្សាហកម្មនិងពាណិជ្ជកម្មនៃប្រទេសBRICSដែលបើកធ្វើនៅក្រុងចូហានណេសបឺកតាមសេចក្តីអញ្ជើញ ព្រមទាំងបានថ្លែងសុន្ទរកថាគន្លឹះដែលមានចំណងជើងថា”សម្របទៅតាមចរន្តយុគសម័យ ដើម្បីសម្រេចការអភិវឌ្ឍជាមួយគ្នា” ដោយបានគូសបញ្ជាក់ថា ប្រទេសBRICSគួរតែសម្របទៅតាមនិន្នាការទូទៅនៃប្រវត្តិសាស្រ្ត ប្រកាន់ខ្ជាប់កិច្ចសហប្រតិបត្តិការឈ្នះ–ឈ្នះ ចាត់ទុកការច្នៃប្រឌិតថ្មីជាសេចក្តីណែនាំ ប្រកបដោយបរិយាប័ន្ន ផ្តល់ផលប្រយោជន៍ជាទូទៅនិងពហុភាគីនិយម ដើម្បីដើរតួនាទីប្រកបដោយលក្ខណៈស្ថាបនាសម្រាប់ការបង្កើតទំនាក់ទំនងអន្តរជាតិបែបថ្មីនិងបង្កើតសហគមន៍រួមវាសនាតែមួយរបស់មនុស្សជាតិ។
ថ្លែងក្នុងសុន្ទរកថា លោកស៊ីជីនភីងបានគូសបញ្ជាក់ថា នៅរយៈពេល១០ឆ្នាំខាងមុខ ខ្ញុំរំពឹងរួមជាមួយអ្នកដឹកនាំនៃបណ្តាប្រទេសBRICS ដើម្បីដើរតួនាទីប្រកបដោយលក្ខណៈស្ថាបនាសម្រាប់ការបង្កើតទំនាក់ទំនងអន្តរជាតិបែបថ្មីនិងបង្កើតសហគមន៍រួមវាសនាតែមួយរបស់មនុស្សជាតិ ហើយខ្ញុំសូមស្នើឲ្យមានការប្រកាន់ខ្ជាប់ដូចជា៖
ទី១ ប្រកាន់ខ្ជាប់កិច្ចសហប្រតិបត្តិការឈ្នះ–ឈ្នះ ដើម្បីកសាងសេដ្ឋកិច្ចបើកទូលាយ។
ទី២ ប្រកាន់ខ្ជាប់ការចាត់ទុកការច្នៃប្រឌិតជាសេចក្តីណែនាំ ដើម្បីក្តាប់ជាប់កាលានុវត្តភាពអភិវឌ្ឍន៍។
ទី៣ ប្រកាន់ខ្ជាប់បរិយាប័ន្ននិងការផ្តល់ផលប្រយោជន៍ជាទូទៅ ដើម្បីផ្តល់សេចក្តីសុខសុភមង្គលជូនប្រជាជននៃប្រទេសនានា។
ទី៤ ប្រកាន់ខ្ជាប់ពហុភាគីនិយម ដើម្បីធ្វើឲ្យអភិបាលកិច្ចជាសកលមានភាពល្អពេញលេញ៕
អ្នកបកប្រែ៖ Zheng Lei