ក្រសួងការបរទេសចិន៖ ប្រទេសចិនរីករាយផ្តល់ការគាំទ្រនិងការជួយឧបត្ថម្ភដល់ប្រទេសឡាវសម្រាប់ធ្វើការងារជួយសង្រ្គោះឧប្បត្តិហេតុបាក់ទំនប់នៅប្រទេសឡាវ
ទាក់ទិននឹងឧប្បត្តិហេតុបាក់ទំនប់វារីអគ្គិសនីខេត្តAttapeu ដែលស្ថិតនៅភាគខាងត្បូងប្រទេសឡាវដែលបានកើតឡើងនាពេលថ្មីៗកន្លងទៅនេះ លោកGengShuang អ្នកនាំពាក្យក្រសួងការបរទេសចិនបានថ្លែងនៅថ្ងៃទី ២៥ ខែកក្កដា ថា ប្រទេសចិនរីករាយផ្តល់ការគាំទ្រនិងការជួយឧបត្ថម្ភយ៉ាងសកម្មនិងទាន់ពេលវេលាចំពោះប្រទេសឡាវក្នុងការអនុវត្តការងារជួយសង្រ្គោះ បច្ចុប្បន្នបាននិងកំពុងធ្វើការទាក់ទងគ្នាយ៉ាងដិតដល់ជាមួយប្រទេសឡាវ ។
លោក GengShuang បានមានប្រសាសន៍ថា ប្រទេសចិនសូមសម្តែងការសួរសុខទុក្ខដោយស្មោះចំពោះប្រទេសឡាវដែលបានកើតឧប្បត្តិហេតុបាក់ទំនប់វារីអគ្គសនីនិងបណ្តាលឲ្យប្រជាពលរដ្ឋស្លាប់និងរងរបួស ក៏ដូចជាខូចខាតទ្រព្យសម្បត្តិ និងសូមរំលែកទុក្ខយ៉ាងក្រៀមក្រំចំពោះអ្នករងគ្រោះ សង្ឃឹមថាមនុស្សបាត់ខ្លួនអាចត្រូវរកឃើញវិញក្នុងពេលឆាប់ៗ ជនរងរបួសឆាប់បានជាសះស្បើយ ហើយប្រជាជនរងគ្រោះមានជីវភាពរស់នៅជាប្រក្រតីឡើងវិញក្នុងពេលឆាប់ៗខាងមុខនេះ ៕
អ្នកបកប្រែ៖ Zhai Qianqian