ស្រុក Eryuan ខេត្តយូណាន៖ វេទិកាពាណិជ្ជកម្មអេឡិចត្រូនិចជួយកសិករក្នុងការចាកចេញពីភាពក្រីក្រនិងបន្ថែមចំណូល

　　“ពួកយើងដាំការ៉ុតពណ៌ស្វាយតម្លៃវាខ្ពស់ជាងការ៉ុតធម្មតាប្រហែល៥ដងតាមធម្មតាមានក្រុមហ៊ុន​មកដល់​ដីខ្ញុំទិញតែម្តង។”នៅភូមិ Donghuoshan ឃុំ Sanying ស្រុក Eryuan ខេត្តយូណាន  លោក Miao Denghua កសិករដែលរស់នៅក្នុងភូមិនេះបាននិយាយយ៉ាងនេះ  គ្រួសារគាត់បានដាំដុះការ៉ុតស្វាយជិត​៦៦៦៦ម៉ែត្រ​ក្រឡា  ឆ្នាំមុនការ៉ុតស្វាយនេះអាចលក់ដល់៥យ័នក្នុងមួយគីឡូក្រាម  ដែល៦៦៦ម៉ែត្រក្រឡាអាចរកបាន​ចំណូល​​ចាប់ពី៥ទៅ៦ពាន់យ័ន។

　　ក្រុមហ៊ុនដែលលោក Miao Denghua លើកឡើងនោះ  គឺជាវេទិកាពាណិជ្ជកម្មអេឡិចត្រូនិចមួយ​នៅស្រុក​Eryuan ។  នៅឆ្នាំ២០១៦  លោកស្រី Zhaomin បានបង្កើតម៉ាកការរ៉ុតស្វាយមួយ  ហើយប្រើប្រាស់ទម្រង់​“ការលក់ផ្ទាល់​+ការលក់តាមអ៊ឺនធើណេត”ដើម្បីលក់ការ៉ុតស្វាយកាន់តែច្រើន  ហើយជំរុញកសិករក្នុងការបន្ថែម​ចំណូល​និងចាកចេញពីភាពក្រីក្រ។

　　យោងតាមការណែនាំពីលោកស្រី Zhaominប្រជាជនដែលដាំដុះការ៉ុតស្វាយភាគច្រើនមកពីគ្រួសារក្រីក្រ  កាលពីមុន  កសិករភាគច្រើនដាំដុះពោត ដំឡូងបាំរាំងជាដើម តម្លៃផលិតក្នុងដីទំហំ៦៦៦ម៉េត្រក្រឡា​តែ១ពាន់​យ័ន  ប្រសិទិ្ធភាពខុសឆ្ងាយពីការដាំដុះការ៉ុតស្វាយ។

　　បច្ចុប្បន្ននេះ  ទំហំដាំដុះការ៉ុតស្វាយនៃភូមិ Donghuoshan បានកើនដល់១៣ម៉ឺន៣ពាន់ម៉ែត្រក្រឡា  ឯ​គ្រួសារ​កសិករដែលចូលរួមដាំដុះមានចំនួនជាង២០០។  ឆ្នាំមុន  ម៉ាកការ៉ុតស្វាយដែលលោកស្រី Zhaomin ​បាន​លក់​ការរ៉ុតសរុបជាង២០០តោនក្នុងតម្លៃជាង៣លានយ័ន  កសិករបានបន្ថែមចំណូល៨០ម៉ឺនយ័ន។

　　យោងតាមដំណឹងបានឱ្យដឹងថា  ភូមិ Donghuoshan មានប្រវត្តដែលដាំដុះការ៉ុតស្វាយយ៉ាងយូរអង្វែង  ដើម្បីអភិវឌ្ឍ​សេដ្ឋកិច្ចភូមិ  ណែនាំប្រជាជនក្នុងការបន្ថែមចំណូលនិងឈានទៅកាន់ជីវភាពការរស់នៅធូរធារ  ស្រុក Eryuan បានញ៉ាំងឱ្យ​ឧស្សហកម្មដាំដុះការ៉ុតស្វាយក្លាយជាគម្រោងគាំទ្រឧស្សហកម្មចំបង៕

អ្នកសរព័ត៌មាន៖ Pu Fan

អ្នកនិពន្ធ៖ លីហ្សា