ការដឹកជញ្ជូនឈាមដោយក្តីស្រលាញ់ ធ្វើការប្រណាំងរត់ជាមួយជីវិត

　　ថ្ងៃទី០៧ ខែសីហា  ស្ត្រីកូនខ្ចីនៅមណ្ឌលស្វយ័ត  Dehong  ខេត្តយូណាន ដែលកើតកូនមិនគ្រប់ខែប្រហែល​ជា​នឹងអាចមានការហូរឈាមច្រើន  ដោយសារស្ត្រីនេះមាន  platelet  ក្នុងឈាមចំនួនតិច។  ឆ្លងកាត់អាជ្ញាធរ​ពាក់ព័ន្ធ​ទាក់ទងគ្នារួចបានបើកច្រកដឹកជញ្ជូនឈាមឱ្យអ្នកជម្ងឺនេះជាពិសេស។

　　មជ្ឈមណ្ឌលឈាមនៃទីក្រុង​គុនមីញ​បានត្រៀម platelet ប្រភេទឈាម O បរិមាណ១០០០ml ចំនួន ៥ ឯកតារួចរាល់។  ដើម្បីធានាឈាមនេះ​អាចដឹកជញ្ជូនដោយទាន់ពេលវេលា  ស្ថានីយត្រួតពិនិត្យសុវត្ថិភាពនៃអាកាសយានដ្ឋានគុនមីញ​បានបើកច្រ​ក​បៃតងជាបន្ទាន់។  ឈាមទាំងនេះនឹងដឹកជញ្ជូនទៅដល់មន្ទីរពេទ្យក្នុងល្បឿនលឿនបំផុត។  បច្ចុប្បន្ននេះ  ស្ថានីយផ្តល់ឈាមនៃមណ្ឌល  Dehong  បានធ្វើការត្រៀមទទួលឈាមបានរួចរាល់ផងដែរ។

　　ពេលល្ងាចម៉ោង ៦ និង១៦នាទី  ក្រោយពីបានឆ្លងកាត់ដំណើរការយ៉ាងតឹងតែង  platelet  ត្រូវបានដឹកជញ្ជូនចូល​ក្នុងមន្ទីរពេទ្យនៃមណ្ឌលស្វយ័ត Dehong ។  ក្រោយគ្រូពេទ្យជំនាញត្រួតពិនិត្យរួចរាល់  បានរៀបចំធ្វើការ​វះកាត់​ដល់ស្ត្រីក្នុងរយៈពេលក្រោយសំរាលនេះ។

　　ម៉ោង៨និង០៣នាទីពេលយប់  ទារកបានកើតដោយជោគជ័យនៅក្រោមការជួយឧបត្ថម្ភ​ពីមនុស្សគ្រប់​​​​​មជ្ឈដ្ឋាន  ឯម្តាយនិងកូនប្រុសសុទ្ធតែមានសុវត្ថិភាព៕　

អ្នកនិពន្ធ៖ លីហ្សា

អ្នកសារព័ត៌មាននិងប្រភពរូបថត៖ Chu Tian Chen Fei Liu Xiangyuan Guan Yushu