ជាមួយនឹងការកើនឡើងឥតឈប់ឈរនៃសង្គ្រាមពាណិជ្ជកម្មរវាងសហរដ្ឋអាមេរិកជាមួយនឹងប្រទេសចិននៅពេលថ្មីៗកន្លងទៅនេះ ប្រទេសចិននៅតែបន្តជំរុញការអភិវឌ្ឍទីផ្សារភាគីទីបី ។ បណ្តាប្រទេសនៅអាមេរិកឡាទីនក្នុងឋានៈជាតំបន់នាំចេញផលិតផលទ្រង់ទ្រាយធំសំខាន់លើពិភពលោកគឺពោរពេញទៅដោយជំនឿចិត្តអំពីការទទួលផលប្រយោជន៍ពីការវិវាទពណិជ្ជកម្មរវាងប្រទេសទាំងពីរ ។ ប៉ុន្តែក្រុមអ្នកជំនាញមួយចំនួនបានព្រមានថា បណ្តាប្រទេសអាមេរិកឡាទីនគួរតែប្រុងប្រយ័ត្នចំពោះហានិភ័យរយៈពេលវែងដែលនាំមកដោយការកើនឡើងនៃការការពារពាណិជ្ជកម្មរបស់សហរដ្ឋអាមេរិកនិងសង្គ្រាមពាណិជ្ជកម្មចំពោះប្រទេសចិនបន្តទៅទៀត ។
គោលនយោបាយការពារនិយមផែ្នកពាណិជ្ជកម្មស្តីពី”អាទិភាពរបស់អាមេរិក”ដែលបានដាក់ចេញដោយរដ្ឋាភិបាលសហរដ្ឋអាមេរិកមិនត្រឹមតែផ្តោតទៅលើប្រទេសចិនប៉ុណ្ណោះទេ ថែមទាំងសំដៅទៅលើអតីតសម្ព័ន្ធមិត្ត ដូចជាសហភាពអឺរ៉ុបនិងបណ្តាប្រទេសអាមេរិចឡាទីនផងដែរ។លោកស្រី Alicia Bárcena អគ្គលេខាធិការប្រតិបត្តិនៃគណៈកម្មាធិការសេដ្ឋកិច្ចរបស់អាមេរិចឡាទីននិងការាបៀននៃអង្គការសហប្រជាជាតិបានចង្អុលបង្ហាញថា គោលនយោបាយការពារពាណិជ្ជកម្មរបស់សហរដ្ឋអាមេរិក គឺជាការវាយប្រហារទៅលើបណ្តាប្រទេសអាមេរិចឡាទីនមុនគេ ដូចជាប្រទេសម៉ិកស៊ិកជាដើម។ការដំឡើងអត្រាពន្ធគយទៅលើផលិតផលដែកថែបនិងអាលុយមីញ៉ូមរបស់សហរដ្ឋអាមេរិកនឹងនាំមកនូវផលវិបាកយ៉ាងធ្ងន់ធ្ងរដល់ឧស្សាហកម្មស្លដែកនិងដែកថែបដែលជាសសរស្តម្ភសេដ្ឋកិច្ចចម្បងរបស់ម៉ិកស៊ិក ហើយវាក៏នឹងធ្វើឲ្យប៉ះពាល់ដល់ឧស្សាហកម្មមានពាក់ព័ន្ធនិងធ្វើឲ្យមនុស្សគ្មានការងារធ្វើច្រើនរាប់មិនអស់។ក្នុងន័យនេះ អង្គសេដ្ឋកិច្ចសំខាន់ៗផ្សេងទៀតនៃអាមេរិចឡានទីន រួមមានប្រទេសប្រេស៊ីលនិងអាហ្សង់ទីនជាដើម ក៏នឹងទទួលរងផលប៉ះពាល់ដូចគ្នានេះផងដែរ។
លោកស្រី Barcena បានសំដែងការព្រួយបារម្ភយ៉ាងជ្រាលជ្រៅអំពីផលប៉ះពាល់ដល់សេដ្ឋកិច្ចអាមេរិកឡាទីនដែលបណ្តាលមកពីសង្គ្រាមពាណិជ្ជកម្មចំពោះប្រទេសចិនដែលអាមេរិកបានបង្កឡើងនោះ ។ លោកស្រីបានបញ្ជាក់ថា ប្រទេសចិនបានក្លាយជាដៃគូពាណិជ្ជកម្មធំទី ២ នៃបណ្តាអាមេរិកឡាទីន ថែមទាំងជាដៃគូពាណិជ្ជកម្មធំទី ១ ឬទី ២ របស់ប្រទេសអាមេរិកឡាទីនជាច្រើន ។ ថ្វីត្បិតតែប្រទេសចិនបានពង្រីកទីផ្សារភាគីទី ៣ នៅក្រោមសភាពការណ៍ជម្លោះពាណិជ្ជកម្មរវាងចិននិងអាមេរិកក៏ដោយ ក៏អ្នកនាំចេញភាគច្រើនរបស់អាមេរិកឡាទីនទទួលបានប្រាក់ចំណេញយ៉ាងច្រើនក្នុងរយៈពេលខ្លី ប៉ុន្តែក្នុងរយៈពេលវែង នៅពេលដែលកម្លាំងរស់រវើករបស់សេដ្ឋកិច្ចនិងពាណិជ្ជកម្មចិនត្រូវបានរងការរារាំងទប់ស្កាត់ វានឹងអាចកាត់បន្ថយការនាំចូលទំនិញ(Commodities) ហើយបណ្តាលឲ្យតម្លៃទំនិញ (Commodities)អន្តរជាតិមានការប្រែប្រួលយ៉ាងខ្លាំង ។ បណ្តាប្រទេសអាមេរិកឡាទីនដែលជាប្រភពសំខាន់សម្រាប់ការនាំចេញទំនិញប្រភេទនេះទៅប្រទេសចិន នឹងរងការខាតបង់យ៉ាងធ្ងន់ធ្ងរ ។
ប្រទេសចិនជាដៃគូពាណិជ្ជកម្មធំទី ១ ជាទីផ្សារនាំចេញទី ១ និងជាប្រភពនាំចូលធំទី ២ នៃប្រទេសឈីលី ។ ប្រព័ន្ធសារព័ត៌មានឈីលីបានផ្សាយដំណឹងឲ្យដឹងថា ខណៈដែលប្រទេសចិនលើកកម្ពស់ដោយស្របគ្នានូវពន្ធគយនាំចូលលើផលិតផលស្រាទំពាងបាយជូរ ផ្លែឈើស្ងួត និងគ្រាប់ធញ្ញជាតិជាដើមនៃអាមេរិក សហគ្រាសមានពាក់ព័ន្ធនៃឈីលីកំពុងព្យាយាមគ្រប់បែបយ៉ាងដើម្បីដណ្តើមទីផ្សារចិន ។ លោកសាត ប្រធានមជ្ឈមណ្ឌលសិក្សាបញ្ហាអន្តរជាតិនៃសកលវិទ្យាល័យកាតុលិកឈីលីបានសម្គាល់ថា សង្គ្រាមពាណិជ្ជកម្មចំពោះប្រទេសចិនដែលអាមេរិកបង្កនោះនឹងវាយប្រហារសេដ្ឋកិច្ចពិភពលោកយ៉ាងខ្លាំង ក៏រួមទាំងឈីលីផងដែរ ។ បើវិវាទនៅតែបន្ត នោះនឹងធ្វើឲ្យសេដ្ឋកិច្ចនៃតួអង្គសេដ្ឋកិច្ចថ្មីពធ្លាក់ចុះ ។
លោកស្រីAliciaBarcenaបានថ្លែងថា ការការពារនិយមផ្នែកពាណិជ្ជកម្មដែលរដ្ឋាភិបាលអាមេរិកបានគ្រវីនោះ មិនត្រឹមតែបំផ្លាញដល់ទីផ្សារពិភពលោកទាំងមូលប៉ុណ្ណោះទេ ថែមទាំងធ្វើឲ្យប៉ះពាល់ដល់សណ្ដាប់ធ្នាប់ពាណិជ្ជកម្មប្រក្រតីដែរ ហើយក៏បណ្តាលឲ្យមានជម្លោះពាណិជ្ជកម្មរវាងអាមេរិកនិងតួអង្គសេដ្ឋកិច្ចជាច្រើនក្នុងនោះរួមមានប្រទេសចិនដែរ ម្យ៉ាងវិញទៀតបានបង្កការប្រកួតប្រជែងចំពោះចរន្តសេដ្ឋកិច្ចសកលភាវូបនីយកម្មទៀតផង។នៅពេលប្រឈមនឹងពិភពលោកដែលបើកទូលាយយ៉ាងខ្លាំង និងក្រោមបរិបទនៃកិច្ចខិតខំប្រឹងប្រែងអភិវឌ្ឍសេដ្ឋកិច្ចបែបបើកទូលាយរបស់បណ្តាប្រទេសទាំងអស់ ការការពារនិយមផ្នែកពាណិជ្ជកម្មដែលជាឯកតោភាគីនោះសុទ្ធតែមិនត្រូវបានស្វាគមន៍ទេ ហើយក៏មិនអាចរារាំងដំណើរការសកលភាវូបនីយកម្មបាននោះទេ។
លោកស្រី Barcena បានសង្កត់ធ្ងន់ថា នៅក្រោមសភាពការណ៍ទូទៅនៃសកលភាវូបនីយកម្មនៃសេដ្ឋកិច្ច ការធ្វើសង្គ្រាមពាណិជ្ជកម្មមិនគ្រាន់តែជាដាវមុខពីរ ដែលធ្វើឲ្យភាគីសងខាងសុទ្ធតែរងការខាត់បង់យ៉ាងធ្ងន់ធ្ងរនោះទេ ថែមទាំងប៉ះពាល់ដល់សេដ្ឋកិច្ចពិភពលោកទៀតផង។ កិច្ចចរចានិងកិច្ចសន្ទនាគ្នាគឺជាវិធីល្អបំផុតដែលសហគមអន្តរជាតិទទួលយកជាទូទៅដើម្បីដោះស្រាយជម្លោះពាណិជ្ជកម្ម។ លោកស្រីបានស្នើថា ឈរលើផលប្រយោជន៍ផ្ទាល់ខ្លួនរយៈពេលអង្វែង ប្រទេសអាមេរិកឡាទីនគួរតែដើរតួនាទីវិជ្ជមានក្នុងការដោះស្រាយជម្លោះពាណិជ្ជកម្មរវាងអាមេរិកនិងចិន៕
អ្នកបកប្រែ៖Sun Lingling
អ្នកនិពន្ធ៖ លីហ្សា