ចំណាប់អារម្មណ៍ដល់ទីផ្សារនៃការចំណាយរបស់ខេត្តយូណានក្រោយពង្រីកការនាំចូល បង្គាមួយ ផ្លូវអភិវឌ្ឍន៍មួយ

　　តាំងពីខេត្តយូណានពង្រីកការនាំចូលមក  គ្រឿងសមុទ្រមកពីប្រទេសថៃ  ផ្លែឈើមកពីប្រទេសមីយ៉ាន់ម៉ា​និងអង្ករមកពីប្រទេសកម្ពុជាជាដើម  បានធ្វើឱ្យម្ហូបនៅលើតុបាយនៃខេត្តយូណានកាន់តែមានលក្ខណៈ​សម្បូរ​បែប។

　　លឿន!ការដឹកជញ្ជូនហើយក្លាយជាម្ហូបលើតុបាយមិនដល់២៤ម៉ោង

　　ម៉ោង១២ថ្ងៃត្រង់នោះ  ហាងលក់គ្រឿងសមុទ្រមួយបានប្រើទូរស័ព្ទទាក់ទងជាមួយដៃគូនៅកោះPhuketប្រទេសថៃ  ដើម្បីទិញចំនួនបង្គាផ្កា（ឈ្មោះឡាតាំងជាPenaeusjaponicus）ដែលត្រូវការជាប្រចាំសម្រាប់​ថ្ងៃបន្ទាប់។  បន្ទាប់ពីទទួលបានការកុម្ម៉ង់ទិញពីខេត្តយូណានរួច  នៅថ្ងៃនោះផងដែរ  នាម៉ោង៤រសៀល  អ្នកនេសាទបានចាប់ផ្តើមនេសាទបង្គាផ្កាឯបង្គាផ្កាត្រូវបានវេចខ្ចប់ឡើងជើងយន្តហោះពីកោះ Phuket​ឆ្ពោះមក​ទីក្រុងគុនមីញ។  តាមធម្មតា  នៅម៉ោង៨ព្រឹកថ្ងៃទីពីរ（ម៉ោងប៉េកាំង）នឹងបានដល់ទីក្រុងគុនមីញ។

　　បម្រែបម្រួល  ការពង្រីកនិងការបើកចំហរបាននាំភាពងាយស្រួលកាន់តែច្រើន

　　កាលពីមុន  មានមនុស្សច្រើនយល់ឃើញថា  បង្គាផ្កាមានតម្លៃថ្លៃគ្មានលទ្ធភាពទិញយកទៅញ៉ាំ  ហេតុនេះហើយបានជាចំនួនបង្គាផ្កាដែលនាំមកក្នុងមួយថ្ងៃមិនសូវច្រើនទេ  ប៉ុន្តែកម្រិតជីវភាពរស់នៅនៃ​ប្រជាជន​ដែលរស់នៅក្នុងទីក្រុងបានកើនឡើងខ្ពស់នៅបច្ចុប្បន្ននេះគំនិតនៃការចាយវាយក៏មានភាពប្រែប្រួល​ផងដែរ  ក្រៅពីបង្គា គ្រឿងសមុទ្រដែលមកពីគ្រប់ទិសទីទូទាំងពិភពលោកក៏មានមនុស្សទិញដែរ។ 

ក្រៅពីបានស្វែងយល់ពីបម្រែបម្រួលនៃទីផ្សារ  មានអ្នកធ្វើការខាងវិស័យគ្រឿងសមុទ្របានលើកឡើង​ទៀតថា  ការឆ្លងកាត់ពន្ធ​គយកាន់តែលឿន  កម្រិតបើកចំហរកាន់តែទូលាយ  ជាមូលហេតុសំខាន់ដែលជំរុញ​កម្លាំង​រស់​រវើកដល់ទីផ្សារ។

 

　　ការចែករំលែក  ពាណិជ្ជកម្មខេត្តយូណាននិងប្រទេសថៃធ្វើឱ្យទទួលបានផលប្រយោជន៍ដល់ពហុភាគី

　　បច្ចុប្បន្ននេះ ប្រទេសចិនជាដៃគូពាណិជ្ជកម្មធំជាងគេរបស់ប្រទេសថៃ  ប្រទេសថៃជាដៃគូពាណិជ្ជកម្មធំ​ជាងគេទី៣ក្នុងប្រទេសអាស៊ាន។

អ្នកសារព័ត៌មាន៖Su Churan Han Chengyuan

អ្នកនិពន្ធ៖ លីហ្សា