បន្លែនៃស្រុក Tonghai ត្រូវបានលក់ដូរទៅកាន់គ្រប់ទិសទី

　　អនុលោមតាមការកសាងឥតឈប់ឈរនូវគំនិតផ្តួចផ្តើម“ខ្សែក្រវាត់មួយ និងផ្លូវមួយ”បន្លែនៃស្រុក Tonghai ត្រូវបានបញ្ជូន​ទៅដល់គ្រប់​ទិសទី  ហើយបានលក់ក្នុងទីផ្សារអន្តរជាតិ។  ផ្អែកតាមទិន្នន័យ  តាំងពីខែមករាដល់ខែមិថុនាឆ្នាំនេះ  បរិមាណនាំចេញនៃផលិតផល​កសិកម្មនៃស្រុក​ Tonghai​ មានចំនួន៤៧៦លានដុល្លាអាមេរិក  បានកើនឡើង៤១%បើប្រៀបធៀបនឹងឆ្នាំមុន។

　　ក្នុងដីស្រែចំការនៃស្រុក Tonghai សុទ្ធតែបានដំឡើងបរិក្ខាធារាសាស្ត្រ  រាល់ឆ្នាំតែងតែមានអ្នកជំនាញរៀបចំវគ្គបណ្តុះបណ្តាល  ថែមទាំងទៅ​កាន់ដីស្រែ​ចំការដើម្បីធ្វើការណែនាំ  ដែលញ៉ាំងឱ្យ​កម្រិតវិទ្យាសាស្ត្រនៃការដាំបន្លែត្រូវបានកើនឡើងខ្ពស់ផងដែរ។

　　ក្រុមហ៊ុនផលិតផលកសិកម្មខ្ពង់រាប Tonghai បង្កើតឡើងនៅឆ្នាំ២០០៣  បច្ចុប្បន្ននេះ  ផលិតផលកសិកម្មបន្លែបាននាំចេញទៅ​កាន់ប្រទេសតាម​“ខ្សែក្រវាត់មួយ  និងផ្លូវមួយ”ដូចប្រទេសកម្ពុជា　ថៃ  និងវៀតណាមជាដើម។  ឆ្នាំ២០១៧បានសម្រេចចំណូលលក់ចំនួន៥០៦លានយ័ន  បានបង្កើត​រូបិយប័ណ្ណ​បរទេសជាង៦៨លានដុល្លាអាមេរិក។ ក្រុមហ៊ុននេះបានវិនិយោគនៅប្រទេសកម្ពុជាដើម្បីបង្កើតក្រុមហ៊ុនកសិកម្មអន្តរជាតិខ្ពង់រាប（ប្រទេស​កម្ពុជា）​នៅឆ្នាំ២០១៤  ថែមទាំងបង្កើតឡើងឃ្លាំងត្រជាក់  បន្លែជិះរថយន្តពីស្រុក Tonghai ទៅដល់ប្រទេសកម្ពុជាបានរក្សាទុកនៅក្នុង​ឃ្លាំង​ត្រជាក់  ហើយធ្វើការរក្សាទុក  កែច្នៃថែមទៀត  លក់ដូរ  ដឹកជញ្ជូនតាមស្ថានភាពទីផ្សារជាក់ស្តែងនៅនឹងកន្លែង  នេះបានលើកកម្ពស់ប្រសិទ្ធិភាព​សម្រាប់​សហគ្រាសនិងអ្នកទិញនៅទីនោះ។

　　បច្ចុប្បន្ននេះ  វិធីសាស្ត្រ“ដើរចេញទៅក្រៅ”នៃសហគ្រាសលក់ដូរបន្លែកាន់តែច្រើន  លទ្ធផលរឹតតែប្រសើរ។  សហគ្រាសផលិតផលកសិកម្ម​ចំនួន១១នៃស្រុក Tonghai បានបង្កើតកន្លែងលក់ដូរដោយផ្ទាល់នៅប្រទេសថៃ  ម៉ាឡេស៊ី  និងវៀតណាមជាដើម៕

អ្នកសារព័ត៌មាន៖ Liu Ziyu

វិឌេអូ៖Li Wenjun

អ្នកនិពន្ធ៖ លីហ្សា