ចំណាប់អារម្មណ៍ទៅលើទីផ្សារនៃការចំណាយរបស់ខេត្តយូណានក្រោយពង្រីកការនាំចូល ឳឡឹកមីយ៉ាន់ម៉ាដែលជាចំណងមិត្តភាពប្រទេសចិន-មីយ៉ាន់ម៉ា

　　កាលពីថ្ងៃទី១០ ខែសីហា កិច្ចប្រជុំពិភាក្សាពាណិជ្ជកម្មរវាងពាណិជ្ជករនិងអ្នកជំនួញដាំដុះផ្លែឳឡឹក  ត្រសក់ស្រូវផ្អែម  ស្វាយនៃប្រទេសចិន-មីយ៉ាន់ម៉ាបានប្រារព្ធនៅឃុំ Wanding ទីក្រុង Ruili ។

　　ផ្លែឈើមីយ៉ាន់ម៉ាបានចូលទៅកាន់តុបាយនៃប្រជាជនចិនដោយឆ្លងកាត់ខេត្តយូណានហើយបានក្លាយទៅជា​និមិត្ត​សញ្ញា​នៃការកិច្ចសហប្រតិបតិ្តការសេដ្ឋកិច្ចនិងពាណិជ្ជកម្មរវាងប្រទេសចិននិងមីយ៉ាន់ម៉ាដែល​ទទួលបាន​​​ផលយ៉ាង​ច្រើន​សម្បើម  ហើយក៏ជាសក្ខីកម្ម​ចំពោះមិត្តភាពចិន-មីយ៉ាន់ម៉ាយ៉ាងជ្រាលជ្រៅផងដែរ។

　　ពាណិជ្ជករនិងកសិករនៃប្រទេសទាំងពីរបានសម្រេចបានភាពឈ្នះរួម

　　រៀងរាល់ឆ្នាំពីខែតុលាដល់ខែឧសភានៃឆ្នាំបន្ទាប់ពាណិជ្ជករផ្លែឈើដែលមកពីគ្រប់ទិសទីក្នុងប្រទេសចិន​បានជួបជុំ​គ្នានៅឃុំ Wanding ទីក្រុង Ruiliខេត្តយូណាន។  ក្រោយពីភាគីទាំងពីរសម្រេចការដោះដូររួច ឡានកុងតឺន័រ​ដែលបាន​ផ្ទុក​ឳឡឹកមីយ៉ាន់ម៉ានីមួយៗបានចូលក្នុងខេត្តយូណានតាមកំពង់ផែWanding  ឆ្លងកាត់ការចែកបន្ត​  ទើបបញ្ជូនទៅកាន់​ទីផ្សារ​នានានៃប្រទេសចិន។

　　ផ្អែកតាមទិន្នន័យបានបង្ហាញថា  ឳឡឹកមីយ៉ាន់ម៉ាចំនួន៨០%ក្នុងឳឡឹកខុសរដូវត្រូវបានលក់នៅទីផ្សារប្រទេសចិន ។បច្ចុប្បន្ននេះ  សហគ្រាសចិនខ្លះបានសហការណ៍ជាមួយនឹងកសិករនៅប្រទេសមីយ៉ាន់ម៉ា  គេជួលដីរបស់កសិករ  ហើយសហគ្រាសផ្តល់មូលនិធិនិងបច្ចេកវិទ្យាដើម្បីរៀបចំការដាំដុះឳឡឹក។  ទម្រង់នៃកិច្ចសហប្រតិបត្តិការនេះគឺ​“ក្រុមហ៊ុន​+កសិករ”ដោយបានពាំនាំឱកាសការងារនិងវិធីសាស្ត្រដាំដុះបែបវិទ្យាសាស្ត្រទៅកាន់កសិករនៃប្រទេសមីយ៉ាន់ម៉ា។  ទាំងនេះបានធ្វើឱ្យឳឡឹកដែលដាំចេញមកមានគុណភាពកាន់តែល្អ  កសិកររកបានចំណូលបន្ថែម  តម្លៃដើមផលិត​របស់ក្រុមហ៊ុនក៏បានកាត់បន្ថយផងដែរ។

　　ការឆ្លងកាត់ពន្ធគយយ៉ាងឆាប់រហ័ស  ធ្វើឱ្យ​ឳឡឹកនៅស្រស់ល្អ

　　ខ្សែផ្លូវគោកម៉ាន់ដាឡាយ-Mu Se ជាផ្លូវសំខាន់ដែលសម្រាប់ការធ្វើពាណិជ្ជកម្មតាមផ្លូវគោកពីប្រទេសមីយ៉ាន់ម៉ា​ទៅកាន់​ខេត្តយូណាន។  ឳឡឹកមួយឡានពីទីក្រុងម៉ាន់ដាឡាយបញ្ជូនដល់ទីក្រុងMu Seត្រូវការ១ទៅ២ថ្ងៃ  ដូច្នេះកម្រិតទំនៃ​ឳឡឹក​ត្រូវជ្រើសរើសតាមចម្ងាយ។ ម្យ៉ាងទៀត   ការឆ្លងកាត់ពន្ធគយយ៉ាងងាយស្រួលក៏ជាមូលហេតុសំខាន់សម្រាប់​ការពារភាព​ស្រស់​​​នៃឳឡឹកផងដែរ។

　　ពាណិជ្ជកម្មរវាងប្រទេសចិន-មីយ៉ាន់ម៉ាដ៏រុងរឿង

　　ភាពសកម្មនៃការដោះដូរឪឡឹកមីយ៉ាន់ម៉ានៅប្រទេសចិន  គ្រាន់តែជាឧទាហរណ៍មួយក្នុងភាព​រុងរឿងនៃ​ពាណិជ្ជកម្ម​រវាងខេត្ត​យូណាននិងប្រទេសមីយ៉ាន់ម៉ាប៉ុណ្ណោះ។  ប៉ុន្មានឆ្នាំកន្លងមកនេះ  កិច្ចសហប្រតិបត្តិការពាណិជ្ជកម្ម​រវាងខេត្តយូណាន​និងប្រទេសមីយ៉ាន់ម៉ាកាន់តែស៊ីជម្រៅឥតឈប់ឈរ។  ឆ្នាំ២០១៧  ទំហំពាណិជ្ជកម្មខេត្តយូណាន​និង​ប្រទេសមីយ៉ាន់ម៉ា​បានកើនដល់ ៤២៧២០លានយ័ន។ នៅដើម៧ខែឆ្នាំនេះ  ទំហំពាណិជ្ជកម្មនាំចេញនាំចូលរវាង​ខេត្តយូណាន​និង​ប្រទេស​មីយ៉ាន់ម៉ាបានកើនដល់២៦៨៣០លានយ័ន។

　　ខេត្តយូណានជាខ្លោងទ្វារសំខាន់សម្រាប់ឱ្យ​ប្រទេសមីយ៉ាន់ម៉ាអាចចូលមកប្រទេសចិន  សន្និសីទពាណិជ្ជកម្ម​និងការ​ដោះដូរតាមព្រំដែនប្រទេសចិននិងមីយ៉ាន់ម៉ាដែលប្រារព្ធដោយការផ្លាស់វេនគ្នានៅទីក្រុងRuiliខេត្តយូណាននិងទីក្រុងMu Seគឺជាសាក្សីនៃការអភិវឌ្ឍពាណិជ្ជកម្មប្រទេសចិននិងមីយ៉ាន់ម៉ា៕

អ្នកសារព័ត៌មាន៖ Cao Yunbo Liu Ziyu

ប្រភពរូបថត៖ Zhou Yanxin

អ្នកនិពន្ធ៖ លីហ្សា