វេទិកាផ្សព្វផ្សាយអន្តរជាតិលើកទី២ ស្តីពីផ្លូវសូត្រសមុទ្រសតវត្សរ៍ទី២១ បើកធ្វើនៅក្រុងជូហៃប្រទេសចិន
ថ្ងៃទី១៩ខែកញ្ញា វេទិកាផ្សព្វផ្សាយអន្តរជាតិខេត្តក្វាងតុងប្រទេសចិនលើកទី២ស្តីពីផ្លូវសូត្រសមុទ្រសតវត្សរ៍ទី២១បានបើកធ្វើនៅក្រុងជូហៃប្រទេសចិនក្រោមប្រធានបទ”យុគសម័យថ្មី ផ្លូវសូត្រថ្មីនិងរូបភាពថ្មី”។
វេទិកាលើកនេះបានផ្តួចផ្តើមរៀបចំដោយអគ្គស្ថានីយវិទ្យុនិងទូរទស្សន៍មជ្ឈិមចិននិងសាលារដ្ឋបាលប្រជាជនខេត្តក្វាងទុង។លោកShenHaixiongអនុរដ្ឋមន្រ្តីក្រសួងឃោសនាការនិងជាអគ្គនាយកនៃអគ្គស្ថានីយវិទ្យុនិងទូរទស្សន៍មជ្ឈិមចិនបានថ្លែងក្នុងពិធីបើកថា ការបើកធ្វើវេទិកាលើកនេះនឹងបង្ហាញនូវការអនុវត្តថ្មីនិងផ្លៃផ្កាថ្មីសម្រាប់ការផ្លាស់ប្តូរនិងរៀនសូត្រពីគ្នានូវអរិយធម៌ក្នុងកិច្ចកសាងផ្លូវសូត្រសមុទ្រសតវត្សរ៍ទី២១។អគ្គស្ថានីយវិទ្យុនិងទូរទស្សន៍មជ្ឈិមចិននឹងប្រកាន់ខ្ជាប់ការផ្សព្វផ្សាយសំឡេងរបស់ប្រទេសចិនយ៉ាងម៉ឺងម៉ាត់មិនងាករេ គាំពារប្រព័ន្ធពាណិជ្ជកម្មពហុភាគីយ៉ាងម៉ឺងម៉ាត់មិនងាករេ ក៏ដូចជាផ្សព្វផ្សាយទស្សនៈស្តីពីសហគមន៍រួមវាសនាតែមួយរបស់មនុស្សជាតិយ៉ាងម៉ឺងម៉ាត់មិនងាករេផងដែរ។
វេទិកាលើកនេះបានចែកជាវេទិកាសំខាន់មួយស្តីពីការផ្សព្វផ្សាយអន្តរជាតិនៃខេត្តក្វាងទុងប្រទេសចិនអំពីផ្លូវសូត្រសមុទ្រសតវត្សរ៍ទី២១ និងអនុវេទិកាចំនួន៣គឺ”ការផ្សព្វផ្សាយអន្តរជាតិនៃម៉ាកខេត្តក្វាងទុង” “ការច្នៃប្រឌិតថ្មីផ្នែកវិទ្យាសាស្រ្តសម្រាប់ណែនាំការអភិវឌ្ឍដោយមានគុណភាពខ្ពស់” និង”មហាតំបន់ឈូងសមុទ្រក្វាងទុង ហុងកុងនិងម៉ាកាវចែករំលែកកាលានុវត្តភាពយុគសម័យថ្មី”។ភ្ញៀវកិត្តិយសជាង៨០០រូបដែលមកពីប្រទេសជាង៣០នឹងចូលរួមសកម្មភាពពាក់ព័ន្ធនៃវេទិកាលើកនេះ៕
អ្នកបកប្រែ：Zhen Lei
អ្នកនិពន្ធ៖ លីហ្សា