វេទិកាបូអាវសម្រាប់អាស៊ី-សន្និសីទភ្នំពេញបានប្រារព្ធនៅរាជធានីភ្នំពេញនៃប្រទេសកម្ពុជា

　　កាលពីថ្ងៃទី២៦ដល់ថ្ងៃទី២៧ខែកញ្ញា  វេទិកាបូអាវសម្រាប់អាស៊ី-សន្និសីទភ្នំពេញបានប្រារព្ធនៅរាជធានីភ្នំពេញនៃប្រទេសកម្ពុជា  ក្រោមប្រធានបទ“រួមគ្នាដើម្បីការអភិវឌ្ឍនិងឈ្នះ-ឈ្នះ”ដោយមានអត្ថន័យសំខាន់គឺប្រឹងប្រែងទាំងអស់គ្នាដើម្បីនាំមកនូវកិច្ចសហប្រតិបត្តិការសេដ្ឋកិច្ចនិងពាណិជ្ជកម្មកម្ពុជា-ចិន  ក្នុងសម័យកាលថ្មី។  អ្នកតំណាងខាងមជ្ឈដ្ឋាននយោបាយ​និងពាណិជ្ជកម្ម​ដែលមកពី​ប្រទេស​កម្ពុជា  ចិន  រួមទាំងប្រទេសនិងតំបន់អាស៊ីផ្សេងៗទៀតជួបពិភាក្សាគ្នាសម្រាប់កិច្ចសហប្រតិបត្តិការ“ខ្សែក្រវាត់មួយ និងផ្លូវមួយ”​ និងឱកាស​សំខាន់ក្នុងការតភ្ជាប់យុទ្ធសាស្ត្រអភិវឌ្ឍន៍នៃប្រទេសទាំងពីរ។  សន្និសីទលើកនេះរៀបចំសហការណ៍ដោយវេទិកាបូអាវនិងកម្ពុជា  នេះជាសន្និសីទលើកដំបូងតាំងពីបង្កើតឡើងបាន១៧ឆ្នាំកន្លងមកដែលមករៀបចំនៅប្រទេសកម្ពុជា។

　　អគ្គលេខាធិការនៃវេទិកាបូអាវសម្រាប់អាស៊ី លោក Li Baodong បានគូសបញ្ជាក់ថា  គោលបំណងដើម​នៃការ​បង្កើត​វេទិកាបូអាវសម្រាប់អាស៊ី  គឺដើម្បីជំរុញឱ្យមានសាកលភាវូបនីយកម្ម​សេដ្ឋកិច្ចនិងធ្វើកិច្ចសហប្រតិបត្តិការក្នុងតំបន់អាស៊ី។  ពួកយើងបានយល់ឃើញថា  កិច្ចសហប្រតិបត្តិការតំបន់ដែលមានកំរិតកាន់តែខ្ពស់និងកាន់តែស៊ីជម្រៅ  នឹងអាចផ្តល់​ជំនួយ​ឧបត្ថម្ភសម្រាប់ប្រទេសនានានៅអាស៊ីសម្រេចគោលដៅអភិវឌ្ឍន៍រៀងៗខ្លួន។

　　លោក Li Baodong បង្ហាញបន្តទៀតថា  បទពិសោធន៍អភិវឌ្ឍន៍នៃប្រទេសអាស៊ីជាច្រើនរួមទាំងប្រទេសចិន គួរត្រូវបាន​យកចិត្តទុកដាក់។  ឯ“ខ្សែក្រវាត់មួយ និងផ្លូវមួយ”ដែលជាគំនិតផ្តួចផ្តើមដោយប្រទេសចិន  ពិភាក្សាគ្នាកសាងគ្នាចែករំលែកគ្នាដោយប្រទេសនានានោះ  ជាផលិតផលសាធារណៈដ៏ថ្លៃថ្នូរដែលត្រូវបានផ្តល់ឱ្យសង្គមអន្តរជាតិ។

　　ឧបនាយករដ្ឋមន្ត្រីប្រទេសកម្ពុជា ហោ ណាំហុងបានលើកឡើងថា  ប្រទេសចិនគឺជាមិត្តដ៏ជិតស្និទ្ធនិងគួរឱ្យ​ទុកចិត្តបំផុត​របស់​ប្រទេស​កម្ពុជា  ចិននិងកម្ពុជាបានធ្វើកិច្ចសហប្រតិបត្តិការទៅលើវិស័យនានា  ឯការវិនិយោគនិងជំនួយឧបត្ថម្ភ​ពីប្រទេសចិនបាន​ដើរតួនាទី​យ៉ាងសំខាន់ក្នុងការអភិវឌ្ឍសេដ្ឋកិច្ចនិងសង្គមនៃប្រទេសកម្ពុជា។  លោកជឿជាក់ថា  សន្និសីទលើកនេះនឹងអាចនាំមកនូវ​ឱកាស​នៃការធ្វើកិច្ច​សហប្រតិបត្តិការកាន់តែច្រើនដល់កម្ពុជា។

　　ឯកអគ្គរដ្ឋទូតប្រទេសចិនប្រចាំកម្ពុជាលោកសុង ប៉ បានបញ្ជាក់ថា  ប្រទេសកម្ពុជាជាប្រទេសចូលរួមបង្កើតនៃវេទិកាបូអាវអាស៊ីនាយករដ្ឋមន្ត្រី ហ៊ុន សែន ទៅដល់ទីក្រុងHainanអញ្ជើញចូលរួមកិច្ចប្រជុំចំនួនពីរលើក  បានដើរតួនាទីយ៉ាងសំខាន់សម្រាប់​ការបង្កើត​និងអភិវឌ្ឍវេទិកានេះ។  សន្និសីទលើកនេះបានបង្ហាញចេញពីវេទិការបូអាវសម្រាប់អាស៊ីដោយយកចិត្តទុកដាក់ដល់ប្រទេសកម្ពុជា  បានផ្តល់វេទិកាដ៏សំខាន់សម្រាប់ឱ្យសហគ្រិនចិននិងកម្ពុជាបង្កើនការស្វែងយល់ទំនាក់ទំនងនិងការផ្លាស់ប្តូរទៅវិញទៅមក៕

អ្នកសារព័ត៌មាន៖ Yu Jiangning  Ding Feng

អ្នកនិពន្ធ៖ លីហ្សា