អង្ករផ្កាម្លិះដ៏ក្រអូប មនោសញ្ចេតនាយូណាននិងកម្ពុជាដ៏ជ្រាលជ្រៅ ចំណាប់អារម្មណ៍ដល់ទីផ្សារនៃការចំណាយរបស់ខេត្តយូណានក្រោយពង្រីកការនាំចូល(បី)

2018-10-17 09:15:01 |ប្រភព:yunnangateway

  ប្រទេសចិនជាទីផ្សារសំខាន់មួយសម្រាប់ប្រទេសកម្ពុជានាំចេញអង្ករ។  ក្នុងការសម្ភាសន៍លើកនេះ  អ្នកសារព័ត៌មានបានរកឃើញថា ផ្លូវដែលអង្ករក្រអូបផ្កាម្លិះកម្ពុជាយកអង្ករឈ្មោះ"ធម្មជាតិកម្ពុជា" ជាតំណាងនោះ ការចេញពីដីស្រែប្រទេសកម្ពុជាទៅកាន់តុបាយប្រជាជនខេត្តយូណាននៃប្រទេសចិន  ពិតជាមិនធម្មតាឡើយ។

  ការប្រើប្រាស់គុណភាពដើម្បីបើកទីផ្សារយូណាន  

  នាឆ្នាំ២០១៧ ក្នុងពិព័រណ៍ផលិតផលមួយនៅខេត្តយូណាន អង្ករក្រអូបផ្កាម្លិះឈ្មោះ“ធម្មជាតិកម្ពុជា”ដែលមកពី​ក្រុមហ៊ុនហ្គោលដិនដូនកែវរ៉ាសសីមីលបានទាក់ទាញអារម្មណ៍ពីបុគ្គលិកនៃក្រុមហ៊ុនហាងលក់ជឺចាយូណានដោយសារគុណភាពល្អ ហេតុនេះហើយបានជាអង្ករ”ធម្មជាតិកម្ពុជា”បានចូលទៅកាន់ទីផ្សារខេត្តយូណាន​តាមរយៈ​ហាង​លក់​នេះ។

  អង្ករ”ធម្មជាតិកម្ពុជា”ត្រូវត្រួតពិនិត្យគុណភាពតាំងពីប្រភពដោយភាគីចិននិងកម្ពុជានៅពេលតែមួយ ឯវាយតម្លៃពីអ្នកទិញក៏ល្អជានិច្ច​។

  ក្រុមហ៊ុនកម្ពុជាបានកំណត់ស្តង់ដារប្រមូលទិញដើម្បីប្រមូលទិញអង្ករពីកសិករនៅស្រុកខ្មែរដែលបានធ្វើសហប្រតិបត្តិការយ៉ាងយូអង្វែង។ ខណៈពេលប្រមូលទិញអង្ករក្រុមហ៊ុនត្រូវត្រួតពិនិត្យម្តងដើម្បីធានាគុណភាពនៃអង្ករ​ទាំងស្រុងដែលសុទ្ធតែបំពេញក្បួនខ្នាតត្រឹមត្រូវ។

  ជាមួយគ្នានេះ  ក្រុមហ៊ុនហ្គោលដិនដូនកែវរ៉ាសសីមីលមានឃ្លាំងទឹកកកឯកទេសនៅកម្ពុជា  ថែមទាំងទូដឹកជញ្ជូនអង្ករក៏បានដំឡើងឃ្លាំង​ការពារ​កម្តៅ​ដើម្បីធានាភាពស្រស់និងជីវជាតិនៃអង្ករ។  រីកឯកន្លែងលក់ដូរ  ក្រុមហ៊ុនក៏ប្រមូលនិងដោះស្រាយដោយឯកភាពនូវអង្ករដែលជិតផុតរយៈកំណត់  ត្រូវបានហាមឃាត់លក់ឱ្យអតិថិជន។  ពីប្រភពរហូតដល់ការលក់ដូរ ដំណើរការនីមួយៗសុទ្ធតែត្រូវបានយកចិត្តទុកដាក់​ពីក្រុមហ៊ុនហ្គោលដិនដូនកែវ​រ៉ាសសីមីល។ 

  ភាគីមួយជាសហគ្រាសកម្ពុជាដែលមានគោលបំណងចង់បើកផ្សារនៅខេត្ត​យូណាន ភាគីមួយទៀតជាសហគ្រាសលក់រាយនៅខេត្ត​យូណានដែលមានសំណូមពរសម្រាប់គុណភាពអង្ករនិងមានគោលបំណងឱ្យប្រភេទផលិតផលនាំចូលកាន់តែច្រើន ដោយសារភាគីទាំងពីរ​សុទ្ធតែ​យកចិត្តទុកដាក់ដល់គុណភាព ដូច្នេះធ្វើឱ្យសហគ្រាសខេត្តយូណាននិងប្រទេសកម្ពុជាធ្វើសហប្រតិបត្តិការជាមួយគ្នាបាន។

  ពួតដៃគ្នាធ្វើកិច្ចសហប្រតិបត្តិការទើបមានអនាគតយ៉ាងធំទូលាយ

  គុណភាពអង្ករដ៏ល្អនិងការគ្រប់គ្រងយ៉ាងតឹងរ៉ឹងបានជួយអង្ករក្រអូបផ្កាម្លិះមានប្រភពអតិថិជនដ៏មានស្ថេរភាព។

  ក្នុងការសម្ភាសន៍មានមនុស្សខ្លះនិយាយថាស្គាល់អង្ករក្រអូបផ្កាម្លិះកម្ពុជា ក៏កោតសរសើរគុណភាពអង្ករប្រភេទនេះដែរ ប៉ុន្តែមិនដឹងថាទិញ​អង្ករខ្មែរ​នៅកន្លែងណា។ ម្យ៉ាងទៀតមានមនុស្សភាគច្រើននិយាយថាមិនសូវស្គាល់អង្ករក្រអូបផ្កាម្លិះកម្ពុជា​។

  យ៉ាងណាក៏ដោយ  ក្រុមហ៊ុនភាគីយូណាននិងកម្ពុជាសុទ្ធតែមានទំនុកចិត្តលើកិច្ចសហប្រតិបត្តិការនាពេលអនាគត។  ពួកគេមានអារម្មណ៍ថា  អ្វីដែលជាបញ្ហាប្រឈមក៏ជាឱកាសដែរ  ទីផ្សារយូណានដ៏ធំសម្បើមនៅតែមានកម្លាំងទាក់ទាញយ៉ាងខ្លាំងក្លា។

  នាពេលអនាគតផ្លូវដែកប្រទេសចិន-ឡាវកសាងឡើង សម្រាប់ប្រទេសកម្ពុជាដែលនៅជិតខាងប្រទេសឡាវ កិច្ចសហប្រតិបតិ្តការ​យូណាន-កម្ពុជា​នឹងមានឱកាសអភិវឌ្ឍកាន់តែធំទូលាយ។ ពេលក្រោយ  ផ្លូវមួយខ្សែដែលឱ្យអង្ករក្រអូបផ្កាម្លិះកម្ពុជាចូលក្នុងទីផ្សារយូណាន​និងកិច្ចសហប្រតិបត្តិការ​ខាងវិស័យនាំចូលអង្កររវាងសហគ្រាសយូណាននិងកម្ពុជាក៏កាន់តែរលូននិងទូលំទូលាយផងដែរ៕

អ្នកសារព័ត៌មាននិងប្រភពរូបថត៖ Su Churan  Han Chengyuan

អ្នកនិពន្ធ៖ លីហ្សា