វគ្គបណ្តុះបណ្តាលសម្រាប់មន្រ្តីរាជការសារព័ត៌មាន និងអ្នកសារព័ត៌មាននៃប្រទេសទន្លេឡានឆាង-មេគង្គលើកទី ២បានបើកវគ្គហើយ

　　នាព្រឹកថ្ងៃទី៣០ ខែតុលា  កម្មវិធីបណ្តុះបណ្តាលសម្រាប់មន្រ្តីរាជការសារព័ត៌មាន និងអ្នកសារព័ត៌មាន​នៃ​ប្រទេស​ទន្លេឡានឆាង-មេគង្គលើកទី២ “ទន្លេមួយ·គ្រួសារមួយ”បានប្រារព្ធពិធីបើកវគ្គនៅទីក្រុង​គុនមីញ​ខេត្ត​យូណាន​ប្រទេសចិន។

　　ការបណ្តុះបណ្តាលលើកនេះធ្វើឡើងក្រោមប្រធានបទ“ប្រទេសចិនដែលបានបើកទូលាយ”។  មន្រ្តីរាជការ​​សារព័ត៌មាន និងអ្នកសារព័ត៌មានចំនួន១៥រូបដែលមកពីប្រទេសកម្ពុជា  ប្រទេសឡាវ ប្រទេសថៃ ប្រទេសមីយ៉ាន់ម៉ា​នឹងជាមួយអ្នកសារព័ត៌មាននៃក្រុមហ៊ុនកាសែត យូណានដេលីគ្រុបនៅទីក្រុងគុនមីញនឹងទៅ​កាន់ទីក្រុង​ Hangzhou​ដើម្បីធ្វើសកម្មភាពផ្លាស់ប្តូរនិងសិក្សា  ស្តាប់អ្នកជំនាញបង្រៀនមេរៀន  ដកយកបទពិសោធន៍អំពីប្រព័ន្ធសារព័ត៌មាន​សំខាន់ស្វែងយល់អំពីការសហការណ៍ជាមួយសារព័ត៌មានអន្តរជាតិនិងសិក្សាជំនាញអនុវត្តមេឌៀថ្មី​ជាដើមក្ន​ង​រយៈពេល១២ថ្ងៃ។អត្ថន័យក្នុងសកម្មភាពលើកនេះនឹងកាន់តែច្រើនជាងមុន​​។

　　លោក គិន វិបុល អគ្គនាយករងនៃអគ្គនាយកដ្ឋានព័ត៌មាននិងសោតទស្សន៍ក្រសួងព័ត៌មាន នៃព្រះរាជាណាចក្រកម្ពុជាបានថ្លែងសន្ទរកថានៅក្នុងពិធីបើកវគ្គដោយតំណាងឱ្យ​សិក្ខាកាមទាំងមូលបានថ្លែងថា៖“ឆ្នាំនេះជាខួបលើកទី ៦០ នៃការបង្កើត ចំណងទំនាក់ទំនងការទូតរវាងប្រទេសកម្ពុជា-ចិន  ក្នុងរយៈពេល ៦០ ឆ្នាំកន្លងទៅនេះ ការទំនាក់ទំនងនិងកិច្ចសហប្រតិបត្តិការរវាងប្រទេសកម្ពុជានិងប្រទេសចិនលើវិស័យសារព័ត៌មាន​ និងសោតទស្សន៍កាន់តែរីកចម្រើនពីមួយថ្ងៃទៅមួយថ្ងៃ។ ការរៀបចំវគ្គបណ្តុះបណ្តាលសម្រាប់មន្រ្តីរាជការសារព័ត៌មាន និងអ្នកសារព័ត៌មាននៃប្រទេសឡានឆាង-មេគង្គលើក ទី ២នេះ  ពិតជានឹងជម្រុញអោយពួកយើងមានការយល់ដឹងបន្ថែមមួយកម្រិតទៀត។”

　　យោងតាមដំណឹងបានឱ្យដឹងថា  សកម្មភាពបណ្តុះបណ្តាលលើកទីមួយបានទទួលការគាំទ្រនិងការឆ្លើយតប​ជាវិជ្ជមានពីស្ថាប័នសារព័ត៌មាននិងអ្នកធ្វើការខាងវិស័យសារព័ត៌មាននៃប្រទេសមេគង្គ​  ថែមទាំងបានទទួល​លទ្ធផល​ជាក់ស្តែងនិងការវាយតម្លៃយ៉ាងល្អប្រសើរ៕

អ្នកសារព័ត៌មាន៖ Su Churan

ប្រភពរូបថត៖ Zhu Dongran

អ្នកនិពន្ធ៖ លីហ្សា