ភូមិ Dacang ខេត្តយូណាន៖ ភូមិក្រីក្រកាលពីមុនក្លាយទៅជាភូមិដែលមានភាពងាយស្រួល

　　ភូមិ Dacang ឃុំ Xiazhuang ស្ថិតនៅស្រុក Xiangyun មណ្ឌលស្វយ័ត Dali ខេត្តយូណាន។  ប៉ុន្មានឆ្នាំមុន  ទីនេះឆ្ងាយពីទីរួមស្រុក  ចរាចរណ៍​ក៏មិន​មានភាពងាយស្រួលដែរ  នៅព័ទ្ធជុំវិញមានដីដែលគេបោះបង់ចោលជាច្រើន  ពិបាកធ្វើការដាំដុះ។  ឯក្មេងៗសុទ្ធតែទៅ​រកស៊ី​នៅ​ក្រៅភ្នំ។

　　ប៉ុន្មានឆ្នាំកន្លងមក  ផ្លូវថ្នល់ដែលមានប្រវែងទទឹង៦ម៉ែត្រជុំវិញភូមិត្រូវបានសាងសង់ឡើង  ឯផ្លូវក្នុងភូមិក៏សុទ្ធតែជួសជុល​ជាផ្លូវស៊ីម៉ងត៍​យ៉ាងរាបស្មើ​។  ក្នុងភូមិបានសាងសង់ទីលានធំទូលាយដើម្បីឱ្យប្រជាជនធ្វើសកម្មភាព  ក្រៅពីនេះ  បានដាក់វិនិយោគ​ជាង១.២លាន​យ័ន​ក្នុងការសាងសង់អាគារសិក្សា  ដាក់វិនិយោគ២លានយ័នសាងសង់សាលាមត្តេយ្យដែលបានលើកកម្ពស់បរិយាកាសអប់រំ​យ៉ាង​ខ្លាំង។

　　ភូមិ Dacang បានប្រើប្រាស់ភ្នំនៅជុំវិញ  ឆ្លងកាត់អនុវត្ត​គម្រោងរៀបចំដីធ្លី  បានកែច្នៃភ្នំនិងភ្នំជម្រាល  ថែមទាំងនាំកសិករអភិវឌ្ឍ​ឧស្សាហកម្មពិសេសដូចជាផ្លែប៉ែសរដូវរងា  ផ្លែព័រក្រហមនិងម្ទេសជាដើមធ្វើឱ្យភ្នំនៅទីនោះក្លាយទៅជាសួនផ្លែឈើ​។

　　ចូលក្នុងភូមិ Dacang ពេលបច្ចុប្បន្ននេះ  មានផ្លូវយ៉ាងរាបស្មើគេហដ្ឋានស្រស់ស្អាត  អ្វីៗសុទ្ធតែមានរបៀបរៀបរយ  បានបញ្ចេញ​កម្លាំងរស់រវើក៕

ប្រភពរូបថត៖ Yang Weisi Zhu Qingran

អ្នកនិពន្ធ៖ លីហ្សា