សកម្មភាពប្រព័ន្ធសារព័ត៌មាននៃប្រទេសចិននិងប្រទេសនៅមហាអនុតំបន់ទន្លេមេគង្គទស្សនកិច្ចទៅវិញទៅមកតាមពេលកំណត់លើកទី៦បានចាប់ផ្តើមជាផ្លូវការ

　　កាលពីថ្ងៃទី១៣ ខែវិច្ឆិកា  ប្រព័ន្ធសារព័ត៌មាននៃប្រទេសចិននិងប្រទេសនៅមហាអនុតំបន់ទន្លេមេគង្គ​ទស្សនកិច្ច​ទៅវិញ​ទៅមក​​តាមពេលកំណត់លើកទី៦បានចាប់ផ្តើមជាផ្លូវការ  ក្រុមទស្សនកិច្ចទៅវិញទៅមកដែលបង្កើតដោយ​ការិយាល័យ​សារព័ត៌មានសាលាខេត្តយូណាន  ប្រព័ន្ធសារព័ត៌មានមជ្ឈិមចិនប្រចាំនៅខេត្តយូណានដូចដេលីសេដ្ឋកិច្ច  ដេលីចិន​ជាដើម​និងប្រព័ន្ធសារព័ត៌មានសំខាន់នៅខេត្តយូណានដូចជាដេលីយូណាន  ស្ថានីយវិទ្យុនិងទូរទស្សន៍យូណានជាដើម​បានទៅកាន់ប្រទេសកម្ពុជានិងថៃដើម្បីរៀបចំសកម្មភាពធ្វើសម្ភាសន៍។

　　សកម្មភាពនេះមានរយៈពេលចំនួន៨ថ្ងៃ។  ក្នុងអំឡុងពេលសកម្មភាព  ក្រុមទស្សនកិច្ចទៅវិញទៅមកនឹងធ្វើការ​ផ្លាស់ប្តូរ​និងទស្សនាទៅវិញទៅមកជាមួយស្ថាប័នគ្រប់គ្រងសារព័ត៌មាននិងប្រព័ន្ធសារព័ត៌មាននៃប្រទេសកម្ពុជានិងថៃ  រួមទាំងធ្វើការឧទ្ទេសនាមអំពីវប្បធម៌និងប្រវត្តសាស្ត្រនិងស្ថានភាពអភិវឌ្ឍសង្គមនិងសេដ្ឋកិច្ចនៃខេត្តយូណាន។  ថែមទាំងធ្វើការសម្ភាសន៍ចំពោះសាកលវិទ្យាល័យ  សភាពាណិជ្ជកម្ម  សហគ្រាសវិនិយោគចិនជាដើម  ដើម្បីរៀបរាប់​រឿង​ដែលប្រទេសកម្ពុជានិងថៃចូលរួមដោយសកម្មក្នុងការសាងសង់“ខ្សែក្រវ៉ាត់មួយ និងផ្លូវមួយ”  ចែករំលែកបទពិសោធន៍​ជោគជ័យ​​ក្នុងការ“ដើរចេញទៅក្រៅ”នៃសហគ្រាសវិនិយោគចិន៕

អ្នកសារព័ត៌មាន៖ Xiong Yan Shen Yan Feng　Yaxin

អ្នកនិពន្ធ៖ លីហ្សា