កិច្ចប្រជុំកំពូលអាស៊ានលើកទី៣៣ បើកធ្វើនៅសិង្ហបុរី ជំរុញការធ្វើសមាហរណកម្មក្រោមប្រធានបទភាពរឹងមាំនិងការច្នៃប្រឌិតថ្មីរបស់អាស៊ាន
កិច្ចប្រជុំកំពូលអាស៊ានលើកទី៣៣បានបើកធ្វើនៅប្រទេសសិង្ហបុរីនាថ្ងៃទី១៣ខែវិច្ឆិកាឆ្នាំ២០១៨ ថ្នាក់ដឹកនាំបណ្តាប្រទេសអាស៊ានដែលចូលរួមកិច្ចប្រជុំលើកនេះនឹងខិតខំការជំរុញការធ្វើសមាហរណកម្មក្រោមក្របខ័ណ្ឌកិច្ចសហប្រតិបត្តិការពហុភាគីនិយមក្រោមប្រធានបទភាពរឹងមាំនិងការច្នៃប្រឌិតថ្មីរបស់អាស៊ាន។
លោកLee Hsien Loongនាយករដ្ឋមន្រ្តីសិង្ហបុរីដែលជាប្រធានផ្លាស់វេនអាស៊ានប្រចាំឆ្នាំ២០១៨នេះបានគូសបញ្ជាក់ក្នុងពិធីបើកកិច្ចប្រជុំអំពីភាពបន្ទាន់និងសារសំខាន់នៃការគាំពារនិងជំរុញកិច្ចសហប្រតិបត្តិការពហុភាគីនិយម។
លោកបានអំពាវនាវឱ្យបណ្តាប្រទេសអាស៊ាននានាប្រមូលផ្តុំតម្រិះប្រាជ្ញានិងធនធានដើម្បីរួមគ្នាទប់ទល់នឹងបញ្ហាប្រឈម ជាមួយគ្នានេះដែរ ក៏គួរតែបង្កើតយន្តកាសមូហភាពក៏និងប្រើប្រាស់បច្ចេកវិទ្យាដើម្បីធ្វើត្រៀមសម្រាប់ការអភិវឌ្ឍនាពេលអនាគត។
អាស៊ានក៏បានរំលឹកឡើងវិញនូវពាក្យសន្យាស្តីពីការគាំទ្រពាណិជ្ជកម្មពហុភាគីផងដែរ ព្រមនិងជំរុញឱ្យសម្រេចបានក្នុងពេលឆាប់ៗនូវការចរចាអំពីកិច្ចព្រមព្រៀងស្តីពីទំនាក់ទំនងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ហៅកាត់RCEP៕