គណៈប្រតិភូសារព័ត៌មានយូណានទៅជួបសួរសុខទុក្ខរដ្ឋមន្ត្រីក្រសួងព័ត៌មាននៃប្រទេសកម្ពុជា

　　នាព្រឹកថ្ងៃទី១៤ ខែវិច្ឆិកា  ក្រុមទស្សនកិច្ចនៃប្រព័ន្ធសារព័ត៌មានរបស់ប្រទេសចិននិង​ប្រទេសនៅមហា​អនុតំបន់​ទន្លេមេគង្គ​លើកទី៦បានទៅជួបសួរសុខទុក្ខ​ឯកឧត្តម ខៀវ កាញ្ញារីទ្ធរដ្ឋមន្រ្តីក្រសួងព័ត៌មាននៃព្រះរាជាណាចក្រកម្ពុជា។ភាគី​ទាំងពីរ​បាន​ធ្វើការទំនាក់ទំនងទៅលើការបង្កើនកិច្ច​សហប្រតិបត្តិការរវាងប្រព័ន្ធសារព័ត៌មានចិននិងកម្ពុជា  ជម្រុញឱ្យមានយន្តការ​នៃការធ្វើទស្សនកិច្ច​ទៅវិញទៅមកតាមការកំណត់នៃប្រព័ន្ធសារព័ត៌មានជាតិក្នុងតំបន់ដែលមានភាពអចិន្ត្រៃយ៍។

　　ឯកឧត្តម ខៀវ កាញ្ញារីទ្ធបានសម្តែងការស្វាគមន៏យ៉ាងកក់ក្តៅចំពោះក្រុមទស្សនកិច្ចទៅវិញទៅមកដែលមកកាន់កម្ពុជា។  លោកបាន​លើកឡើងថា  ក្នុងប៉ុន្មានឆ្នាំកន្លងមកនេះ  ក្រសួងព័ត៌មានកម្ពុជាបានរក្សានូវទំនាក់ទំនងនិងកិច្ច​សហប្រតិបត្តិការយ៉ាង​ជិតស្និទ្ធិជាមួយ​ខេត្តយូណាន  រួមទាំងបញ្ជូនគណៈប្រតិភូទៅកាន់ខេត្តយូណានដើម្បីធ្វើទស្សនកិច្ច​និងសិក្សាផងដែរ។ ប្រព័ន្ធសារព័ត៌មាននៃ​ប្រទេសកម្ពុជានិងចិនបានរៀបចំកិច្ច​សហប្រតិបត្តិការដែលមានប្រសិទ្ធភាពគ្រប់ជ្រុងជ្រោយទាំង​ការសែត  ទូរទស្សន៍​និងទស្សនាវដ្តី  ក្នុងការកសាងស្ពានដែលអាចធ្វើឱ្យចិត្តប្រជាពលរដ្ឋ​កម្ពុជា-ចិនបានតភ្ជាប់គ្នា​និងទទួល​បាន​ផលប្រយោជន៍​យ៉ាងសកម្ម។  ជាងនេះទៅទៀត  លោកសង្ឃឹមថា  ប្រព័ន្ធសារព័ត៌មានរបស់ប្រទេសទាំងពីរ​នឹងអាច​ពង្រឹងនិងពង្រីកកិច្ច​សហប្រតិបត្តិការបន្ថែមទៀត  ដើម្បីឱ្យប្រជាពលរដ្ឋនៃភាគីទាំងពីរអាចស្វែងយល់ពីគ្នាកាន់តែ​ស៊ីជម្រៅ​តាមរយៈ​កិច្ចសហប្រតិបត្តិការ​នៃប្រព័ន្ធសារព័ត៌មាន។ 

　　មេក្រុមទស្សនកិច្ចទៅវិញទៅមក អ្នកទទួលខុសត្រូវពាក់ព័ន្ធនៃការិយាល័យព័ត៌មានរដ្ឋបាលខេត្តយូណានបានថ្លែងអំណរ​គុណចំពោះឯកឧត្តម ខៀវ កាញារីទ្ធ។ លោកបានបន្ថែមទៀតថា  ក្រោមគំនិតផ្តួចផ្តើម“ខ្សែក្រវាត់មួយ និងផ្លូវមួយ”ខេត្តយូណាននិងកម្ពុជានឹងអាចទទួលបានឱកាសអភិវឌ្ឍនិងកិច្ច​សហប្រតិបត្តិការ  ការិយាល័យព័ត៌មាន​រដ្ឋបាល​ខេត្ត​យូណាន​នឹងឆ្លៀតឱកាសក្នុងពិព័រណ៍ចិន-អាស៊ីខាងត្បូងនិងសន្និសីទពិភាក្សាពាណិជ្ជកម្មក្នុងការអញ្ជើញ​ប្រព័ន្ធ​សារព័ត៌មាន​កម្ពុជា​មកកាន់​ខេត្តយូណានក្នុងការធ្វើទស្សនកិច្ច  រួមទាំងកសាងវេទិកានិងបង្កើតឱកាសដើម្បីជម្រុញឱ្យ​ប្រព័ន្ធសារព័ត៌មានយូណាននិងកម្ពុជាស្វែង​យល់ពីគ្នាកាន់តែស៊ីជម្រៅនិងធ្វើកិច្ច​សហប្រតិបត្តិការកាន់តែធំទូលាយ៕

អ្នកសារព័ត៌មាន៖ Zhang Rui Shen Yan FengYaxin

ប្រភពរូបថត៖ Zhang Tong

អ្នកនិពន្ធ៖ លីហ្សា