លោក ឯក សំអុល៖ប្រព័ន្ធសារព័ត៌មានត្រូវដើរតួយ៉ាងសំខាន់ក្នុងមិត្តភាពកម្ពុជានិងចិន

　　“ទោះបីជាជួបគ្នាជាលើកដំបូងក៏ពិតមែន  តែពួកយើងដូចជាមិត្តចាស់ដែលបានស្គាល់យូរលង់ណាស់មកហើយ  មាន​អារម្មណ៍​ថាស្និទ្ធស្នាល។” ប្រធានសមាគមន៍មិត្តភាពកម្ពុជា-ចិននៃព្រះរាជាណចក្រកម្ពុជា（ខាងក្រោមហៅកាត់ថា“សមាគម​ន៍មិត្តភាព​កម្ពុជា-ចិន​”）លោក ឯក សំអុលបាននិយាយយ៉ាងកក់ក្តៅបែបនេះពេលជួបគណៈប្រតិភូសារព័ត៌មានខេត្តយូណាន​ប្រទេសចិន​នៃសកម្មភាព​“ប្រព័ន្ធសារព័ត៌មានប្រទេសចិននិងប្រទេសនៅមហាអនុតំបន់ទន្លេមេគង្គទស្សនកិច្ចទៅវិញទៅមកតាមពេលកំណត់” លើកទី៦ នាថ្ងៃ​ទី​១៤ ខែវិច្ឆិកា  ឆ្នាំ២០១៨។

　　លោក ឯក សំអុល បានណែនាំថា  តាំងពីសមាគមន៍មិត្តភាពកម្ពុជា-ចិនបង្កើតនាថ្ងៃទី១៩ ខែកញ្ញា ឆ្នាំ២០០០កន្លងមក  បាន​ចូលរួម​យ៉ាងសកម្មក្នុងការជម្រុញប្រទេសកម្ពុជានិងចិនធ្វើកិច្ច​សហប្រតិបត្តិការលើគ្រប់វិស័យយ៉ាងជាក់ស្តែង  បានធ្វើវិភាគទានយ៉ាងសំខាន់​សម្រាប់​ពង្រឹងមេត្រីភាពប្រពៃណី និងកិច្ច​សហប្រតិបត្តិការដែលអាចផ្តល់ផលប្រយោជន៍ទៅវិញទៅមកដល់កម្ពុជា-ចិន។

　　ប្រវត្តិសាស្ត្រទំនាក់ទំនងមិត្តភាពរវាងប្រទេសកម្ពុជានិងចិនបានចាប់ផ្តើមតាំងពីរាប់ពាន់ឆ្នាំមុន  នៅសតវត្សទី១៥-១៦មានជនជាតិ​ភាគតិច​របស់ខេត្តយូណានបានមកដល់កម្ពុជា។  បច្ចុប្បន្ននេះ  ក្រុមហ៊ុនវិនិយោគឧស្សាហកម្មវប្បធម៌យូណានបានកែច្នៃ​ល្ខោនសម្តែង​ជាចម្រៀង​និងរបាំខ្នាតធំ“ស្នាមញញឹមអង្គរ”បានធ្វើឱ្យកន្លែងកេរ្តិ៍ដំណែលនេះកាន់តែស្រស់ស្អាតនិងគួរឱ្យទាក់ទាញផងដែរ។

　　លោក ឯក សំអុល បន្ថែមទៀតថា៖“នៅជនជាតិខ្មែរកាត់ចិនជាច្រើន  ពួកគេបានរស់នៅទីនេះយូរហើយ  ដោយសារក្នុងចិត្ត​ពួកគេ​មាន​កម្ពុជា  បានធ្វើវិភាគទានសម្រាប់ការកសាងនិងអភិវឌ្ឍកម្ពុជាដែលមិនអាចនឹងបំភ្លេចបាន។” រីឯការ​អប់រំភាសាចិននៅកម្ពុជា​បាន​រីកចម្រើន​យ៉ាង​ឆាប់រហ័សផងដែរ  បច្ចុប្បន្ននេះ  នៅប្រទេសកម្ពុជា  មានកុមារប្រហែល៥០ម៉ឺននាក់​កំពុង​តែរៀនភាសាចិន​យ៉ាង​សកម្ម។

　　“ប្រព័ន្ធសារព័ត៌មានបានដើរតួនាទីយ៉ាងសកម្មក្នុងការមិត្តភាពកម្ពុជា-ចិន” និយាយដល់នេះ  លោក ឯក សំអុល​បានយក​ទស្សនា​វដ្តី​《ខ្មែរ》ចិនដែលបានបកប្រែជាភាសាខ្មែរថា៖“នេះក៏ជាវត្ថុសាក្សីមួយទៀតចំពោះ​មិត្តភាពកម្ពុជា-ចិនដែលមានការអភិវឌ្ឍ​យ៉ាងស៊ី​ជម្រៅ។”

　　គួរបញ្ជាក់ថា  ទំនាក់ទំនងមេត្រីភាពរវាងប្រទេសចិននិងកម្ពុជាបានចូលក្នុងរយៈពេលល្អបំផុតក្នុងប្រវត្តិសាស្ត្រ  ទំនាក់ទំនង​ផ្លូវការ​និងទំនាក់ទំនងរបស់ប្រជាពលរដ្ឋនៃប្រទេសទាំងពីរបានពង្រឹងនិងពង្រីកដោយឥតឈប់ឈរ។  ជាងនេះទៅទៀត  លោក ឯក សំអុលបានបំពាក់នូវ“ក្រម៉ា”ដែលមានលក្ខណៈជូនពរដល់សមាជិក​នៃគណៈប្រតិភូនាគ្រប់រូបដោយផ្ទាល់ដៃ ថែមទាំងជូនពូរមិត្តភាព​កម្ពុជា-ចិន​នៅជាអមតៈស្ថិតស្ថេរយូរអង្វែង  និងលើក​ស្នើសុំ​ឱ្យអ្នកទាំងអស់គ្នាចាប់ដៃជាមួយគ្នា  ដើម្បីជំរុញឱ្យប្រជាពលរដ្ឋនៃប្រទេស​ទាំងពីរ​ខិតខំប្រឹងប្រែងបន្តកសាងនូវមិត្តភាពដែលកាន់តែមានភាពរុងរឿងនាពេលអនាគត៕

អ្នកសារព័ត៌មាន៖ Shen Yan Xiong Yan Feng Yaxin Zhang Rui

ប្រភពរូបថត៖ Zhang Tong

អ្នកនិពន្ធ៖ លីហ្សា