ពេលកន្លងទៅថ្មីៗនេះ រដ្ឋាភិបាលអាហ្សង់ទីនបានប្រកាសជាផ្លូវការនូវកាលវិភាគនៃសន្និសីទកំពូលលើកទី១៣នៃថ្នាក់ដឹកនាំក្រុមប្រទេស G២០ ។ទាក់ទិននឹងរឿងនេះ លោកVillagraអ្នកសម្របសម្រួលកិច្ចការក្រុមប្រទេសG២០នៃប្រទេសអាហ្សង់ទីនបានថ្លែងថា សង្ឃឹមថ្នាក់ដឹកនាំដែលចូលរួមសន្និសីទអាចឆ្លងតាមរយៈការប្រាស្រ័យទាក់ទងយ៉ាងស្មោះត្រង់ដើម្បីមូលគំនិតឯកភាពរួម ក្នុងន័យរួមគ្នាទប់ទល់នឹងបញ្ហាប្រឈមលើពិភពលោកទាំងមូល ។
សន្និសីទកំពូលលើកនេះនឹងបើកធ្វើនៅក្រុង Buenos Aires រដ្ឋធានីប្រទេសអាហ្សង់ទីនពីថ្ងៃទី៣០ខែវិច្ឆិកាដល់ថ្ងៃទី១ខែធ្នូខាងមុខនេះក្រោមប្រធានបទ”មូលគំនិតឯកភាពរួមដើម្បីយុត្តិធម៌និងការអភិវឌ្ឍជានិរន្តរភាព”។ លោកVillagraបានសម្គាល់ឃើញថា គ្មានអ្វីគួរឲ្យសង្ស័យទេ ការទប់ទល់នឹងបញ្ហាជម្លោះពាណិជ្ជកម្ម គាំពារប្រព័ន្ធពាណិជ្ជកម្មសេរីនិងពហុភាគីដែលមានភាពបើកទូលាយនិងគោរពតាមច្បាប់កំណត់ និងជំរុញឲ្យសេដ្ឋកិច្ចពិភពលោកកើនឡើងដោយនឹងនរគឺជាចំណុចសំខាន់ដែលភាគីនានានឹងលើកយកមកពិគ្រោះពិភាក្សាក្នុងសន្និសីទកំពូលលើកនេះ៕
អ្នកបកប្រែ:Zheng Lei