ពិធីបិទវគ្គបណ្តុះបណ្តាលពិនិត្យជម្ងឺបេះដូងរបស់កុមារចិន-កម្ពុជា

　　ថ្ងៃទី២៩ ខែវិច្ឆិកា  ពិធីប្រគល់វិញ្ញាបនប័ត្របញ្ជាក់ការសិក្សាក្នុងវគ្គបណ្តុះបណ្តាលពិនិត្យជម្ងឺបេះដូងរបស់កុមារ ដែលរៀបចំសហការណ៍ដោយមន្ទីរពេទ្យពិនិត្យជម្ងឺបេះដូងហ្វូវ៉ៃខេត្តយូណានប្រទេសចិននិងសមាគមន៍អភិវឌ្ឍន៍ទំនាក់ទំនងកម្ពុជា-ចិន បានប្រារព្ធនៅទីក្រុងភ្នំពេញ  ដែលមានសិក្ខាកាមកម្ពុជាចំនួន២៤នាក់បានទទួលវិញ្ញាបនប័ត្រ​បញ្ជាក់ការសិក្សា។  នេះជាផ្នែកមួយរបស់គម្រោងជំនួយកិច្ច​សហប្រតិបត្តិការវេជ្ជសាស្ត្រ​ក្នុង“ដំណើរនៃក្តីស្រឡាញ់”របស់ប្រទេសចិន-កម្ពុជា។

　　សិក្ខកាម Lov MengHeng និយាយដោយក្តីសប្បាយរីករាយថា ៖“ខ្ញុំសូមថ្លែងអំណរគុណមន្ទីរពេទ្យពិនិត្យជម្ងឺ​បេះដូងហ្វូវ៉ៃ​ខេត្តយូណានដែលបានផ្តល់ឱកាសបណ្តុះបណ្តាលនេះដល់រូបខ្ញុំ  ឆ្លងកាត់សិក្សាការត្រួតនិពិត្យ​ជម្ងឺ​បេះដូង​និងអនុវត្តជាក់ស្តែង  មិនគ្រាន់តែលើកកម្ពស់កំរិតជំនាញសុខាភិបាលរបស់ខ្ញុំប៉ុណ្ណោះ  ជាមួយគ្នានេះក៏​អាច​ផ្តល់​ជំនួយឱ្យប្រជាពលរដ្ឋកម្ពុជា  ជាពិសេសគឺកុមារកម្ពុជាដែលមានជម្ងឺបេះដូងពីកំណើត។”

　　នៅក្នុងពិធីបិទវគ្គបណ្តុះបណ្តាលនេះ លោកជំទាវបណ្ឌិតសភាចារ្យ ខ្លូត ធីតា ទីប្រឹក្សាសម្តេច​អគ្គមហាបតី​តេជោ​ហ៊ុនសែន និងជាប្រធានរាជបណ្ឌិតសភាកម្ពុជាបានមានប្រសាសន៍ថា៖“ប្រទេសកម្ពុជាត្រូវការអ្នកជំនាញ​ផ្នែក​សុខាភិបាលដើម្បីផ្តល់បម្រើសេវាកម្មកាន់តែហ្មត់ចត់ជូនដល់ប្រជាពលរដ្ឋទូទៅ។”  លោកស្រីបានចង្អុលបង្ហាញថា  មិត្តភាពកម្ពុជា-ចិនមានប្រវត្តសាស្ត្រយ៉ាងយូរអង្វែង  ថ្នាក់ដឹកនាំនៃប្រទេសទាំងពីរក្នុងជំនាន់នីមួយៗបាន​បង្កើត​ចំណង​មិត្តភាពកម្ពុជា-ចិនយ៉ាងជ្រាលជ្រៅ  បច្ចុប្បន្ននេះ  ប្រទេសទាំងពីរជាអ្នកជិតខាងល្អ  មិត្តល្អ  បងប្អូនល្អនិងដៃគូល្អ។  សូមថ្លែងអំណរគុណចំពោះមន្ទីរពេទ្យពិនិត្យជម្ងឺបេះដូងហ្វូវ៉ៃខេត្តយូណានដែល​ជួយបណ្តុះបណ្តាល​ដល់​គ្រូពេទ្យពិនិត្យជម្ងឹបេះដូងជាច្រើន។

　　អ្នកទទួលខុសត្រូវនៃគម្រោង“ដំណើរនៃក្តីស្រឡាញ់”កម្ពុជានិងជាអនុប្រធានមន្ទីរពេទ្យពិនិត្យជម្ងឺបេះដូងហ្វូវ៉ៃ​ខេត្តយូណាន លោកMa Linkunបានសម្តែងថា៖“ឆ្នាំនេះជាឆ្នាំទីមួយដែលយើងអនុវត្ត​គម្រោងនេះ  ពួកយើង​បាន​អញ្ជើញគ្រូពេទ្យកម្ពុជាខ្លះមកដល់មន្ទីពេទ្យយើងខ្ញុំសិក្ខាសាលានិងរៀនបច្ចេកវិទ្យាដាក់បំពង់បេះដូង（cardiac catheterization）  ថែមទាំងចូលរួមសកម្មភាពត្រួតពិនិត្យជម្ងឺបេះដូងពីកំណើតនៅសហគមន៍ប្រទេសចិន។  ជាងនេះទៅទៀត  បានបណ្តុះបណ្តាលអ្នកព្យាបាលកម្ពុជាមានចំនួនជាង៨០រូប  ឆ្លងកាត់ឡានពិនិត្យជម្ងឺ​ចលនា​ដែលឧបត្ថម្ភ​ដោយប្រទេសចិន។  មន្ទីរពេទ្យពិនិត្យជម្ងឺបេះដូងហ្វូវ៉ៃខេត្តយូណាននឹងផ្តល់ឱកាសកាន់តែច្រើនដើម្បីបង្កើនការផ្លាស់ប្តូរខាងវិស័យសុខាភិបាល។”

អ្នកសារព័ត៌មាន៖ Yu Jiangning Ding Feng

អ្នកនិពន្ធ៖ លីហ្សា