លោក ស៊ី ជីនភីង ប្រធានរដ្ឋចិនផ្ញើសារជូនចំពោះពិធីជួបសំណេះសំណាលដើម្បីរំលឹកខួបទី៧០នៃការចេញសេចកី្តប្រកាសសិទិ្ធមនុស្សពិភពលោក

2018-12-10 16:56:17 |ប្រភព:CRI

  ថ្ងៃទី ១០ ខែ​ធ្នូ ​ពីធី​​ជួប​សំណេះ​សំណាល​ដើម្បី​​រំលឹក​ខួប​ទី ៧០​នៃ​ការ​ចេញ​សេចកី្ត​ប្រកាស​សិទិ្ធ​មនុស្ស​ពិភពលោក​បាន​ប្រារព្ធ​ធ្វើ​នៅ​ក្រុង​ប៉េកាំង ។  លោក ស៊ីជីនភីង អគ្គលេខាធិការ​នៃ​គណៈកម្មាធិការ​មជ្ឈិម​បក្ស​កុម្មុយនិស្តចិន ​និង​ជា​ប្រធានរដ្ឋចិន​បាន​ផ្ញើ​លិខិត​អបអរ​សាទរ​ ដោយ​បាន​គូស​បញ្ជាក់​ថា សេចកី្ត​ប្រកាស​សិទ្ធិ​មនុស្ស​ពិភពលោក​ជា​ឯកសារ​មាន​សារៈសំខាន់​ណាស់​ក្នុង​ប្រវតិ្តសាស្ត្រ​អភិវឌ្ឍន៍​អរិយធម៌​របស់​មនុស្សជាតិ ដែល​មាន​ជះ​ឥទ្ធិពល​​យ៉ាង​ជ្រាល​ជ្រៅ​ដល់​ការ​អភិវឌ្ឍ​បុព្វហេតុ​សិទ្ធិ​មនុស្ស​​នៅ​លើ​ពិភពលោក ។

  លោក ស៊ីជីនភីង បាន​គូស​បញ្ជាក់​ទៀត​ថា ប្រទេស​ចិន​ប្រកាន់​ខ្ជាប់​ការ​ដើរ​តាម​ផ្លូវ​អភិវឌ្ឍន៍​​សិទ្ធិ​មនុស្ស​ដែល​សម​ស្រប​នឹង​សភាពការណ៍​នៃ​ប្រទេស​ខ្លួន អនុវត្ត​ទស្សនៈ​សិទ្ធិ​មនុស្ស​ដែល​ចាត់​ទុក​ប្រជាជន​ជា​ស្នូល ក៏​ដូច​ជា​បាន​ចាត់​ទុក​សិទ្ធិ​រស់​នៅ​និង​សិទ្ធិ​អភិវឌ្ឍន៍​ ​សិទ្ធិ​មនុស្ស​ជា​​មូលដ្ឋាន ក្នុង​ន័យ​សម្រប​សម្រួល​និង​ជំរុញ​​សិទ្ធិ​និង​ផល​ប្រយោជន៍​របស់​ប្រជាពលរដ្ឋ​ទាំង​មូល​លើ​វិស័យ​សេដ្ឋកិច្ច នយោបាយ សង្គម​ វប្បធម៌​និង​បរិស្ថាន ខិត​ខំ​ប្រឹង​ប្រែង​ដើម្បី​គាំពារ​សមភាព​និង​យុត្តិធម៌​ក្នុង​សង្គម​ ក៏​ដូច​ជា​ជំរុញ​ការ​អភិវឌ្ឍ​គ្រប់​ជ្រុង​ជ្រោយ​របស់​មនុស្សជាតិ​ផង​ដែរ ៕

  អ្នកបកប្រែ:Guo Xiangqing