លោកស៊ីជីនភីងប្រធានរដ្ឋចិនជួបពិភាក្សាការងារជាមួយលោកSteinmeierប្រធានាធិបតីអាល្លឺម៉ង់
ថ្ងៃទី១០ខែធ្នូ លោកស៊ីជីនភីងប្រធានរដ្ឋចិនបានជួបពិភាក្សាការងារជាមួយលោកSteinmeierប្រធានាធិបតីអាល្លឺម៉ង់នៅវិមានសភាប្រជាជនចិនក្រុងប៉េកាំង។ ប្រមុខរដ្ឋនៃប្រទេសទាំងពីរបានមូលគំនិតឯកភាពថានឹងបង្កើនទំនុកចិត្តលើគ្នា ធ្វើកិច្ចសហប្រតិបត្តិការនិងឈ្នះ-ឈ្នហ ដើម្បីជំរុញទំនាក់ទំនងភាពជាដៃគូយុទ្ធសាស្រ្តគ្រប់ជ្រុងជ្រោយរវាងចិននិងអាល្លឺម៉ង់ឱ្យបន្តវិវឌ្ឍរីកចម្រើនទៅមុខតទៅទៀត។
ក្នុងកិច្ចជំនួប លោកស៊ីជីនភីងបានលើកឡើងគំនិតផ្តួចផ្តើមដូចតទៅ៖ ការយោគយល់គ្នានិងផ្តល់ទំនុកចិត្តលើគ្នាគឺជាមូលដ្ឋាននៃការធ្វើឱ្យស៊ីជម្រៅនូវទំនាក់ទំនងរវាងចិននិងអាល្លឺម៉ង។ ការរក្សាភាពរស់រវើកនៃទំនាក់ទំនងរវាងចិននិងអាល្លឺម៉ង់គឺត្រូវតែប្រកាន់ខ្ជាប់ការបើកទូលាយនិងកិច្ចសហប្រតិបត្តិការជានវានុវត្តន៍។ ការរួមគ្នាកសាង”ខ្សែក្រវាត់មួយនិងផ្លូវមួយ”អាចផ្តល់វេទិកាសំខាន់សម្រា់បការត្រួសត្រាយលំហសហប្រតិបត្តិការ។
ជាការឆ្លើយតប លោកSteinmeierបានថ្លែងថា អាល្លឺម៉ង់រីករាយបង្កើនកិច្ចសន្ទនាជាមួយប្រទេសចិន បង្កើនការស្វែងយល់ចំពោះគ្នា ពង្រីកធំគំនិតឯកភាព បង្រួមតូចការខ្វែងគំនិត និងធ្វើឱ្យកិច្ចសហប្រតិបត្តិការមានភាពស៊ីជម្រៅ ក៏ដូចជាធ្វើឱ្យការផ្លាស់ប្តូរនិងការសម្របសម្រួលក្នុងកិច្ចការអន្តរជាតិកាន់តែមានភាពស្អិតល្មួតក្នុងន័យរួមគ្នាគាំពារពាណិជ្ជកម្មសេរី៕