ថ្ងៃទី១១ខែធ្នូ ពេលឆ្លើយសំណួរពាក់ព័ន្ធក្នុងសន្និសីទកាសែតជាប្រចាំ លោកលូខាងអ្នកនាំពាក្យនៃក្រសួងការបរទេសចិនបានថ្លែងថា ប្រទេសចិនប្រកាន់អាកប្បកិរិយាបើកទូលាយជាប់រហូតចំពោះការធ្វើកិច្ចសន្ទនានិងការផ្លាស់ប្តូរអំពីសិទ្ធិមនុសុ្សដោយឈរលើមូលដ្ឋាននៃការគោរពគ្នាទៅវិញទៅមក។
តាមការផ្សាយដំណឹងឱ្យដឹងថា នាថ្ងៃទិ១០ខែធ្នូ លោកTerry Branstadឯកអគ្គរដ្ឋទូតអាមេរិកប្រចាំនៅប្រទេសចិនបានចេញសេចក្តីថ្លែងការណ៍អំពីទិវាសិទ្ធិមនុស្សពិភពលោក ដោយទទួលស្គាល់ថាប្រទេសចិនទទួលបានការរីកចម្រើនលើវិស័យជាច្រើននេះម្យ៉ាង ម្យ៉ាងទៀតក៏បានថ្លែងថាមិនទទួលយកចំពោះការដែលបណ្តាប្រទេសមានស្តង់ដារខាងសិទ្ធិមនុស្សរៀងខ្លួន ព្រមនិងបានស្តីបន្ទោសដោយគ្មានហេតុផលចំពោះសភាពការណ៍សិទ្ធិមនុស្សរបស់ប្រទេសចិនទៀតផង។
ទាក់ទិននឹងរឿងនេះ លោកលូខាងបានថ្លែងថា យើងខ្ញុំរំពឹងថាឥស្សរជនអាមេរិកអាចចាត់ទុកយ៉ាងផ្ចិតផ្ចង់និងដោយសត្យានុម័តនូវផ្លូវអភិវឌ្ឍ និងធម្យោបាយសម្រាប់ជំរុញបុព្វហេតុសិទ្ធិមនុស្សដែលជ្រើសរើសដោយប្រជាជនចិនខ្លួនឯង៕