ស្រុកថុងហាយខេត្តយូណាន៖ សហគ្រាសនិងកសិករចាប់ដៃគ្នាដើម្បីជម្រុញការអភិវឌ្ឍឧស្សាហកម្មផ្កា

　　ប៉ុន្មានឆ្នាំកន្លងមកនេះ  ស្រុកថុងហាយខេត្តយូណានអនុវត្ត​តាមវិធីសាស្ត្រ “ស្លាកផលិតផល+មូលដ្ឋាន+ស្តង់ដា +កសិករ” អនុវត្តស្តង់ដារួម  ការវេចខ្ចប់រួមការកំណត់តម្លៃរួម   ស្លាកផលិតផលរួម  ការដឹកជញ្ជូនរួមនិងការលក់ដូររួម  បានជំរុញការអភិវឌ្ឍឧស្សាហកម្មផ្កាយ៉ាងឆាប់រហ័ស  ដែលបានបណ្តុះបណ្តាលសហគ្រាស់ផ្កានាំមុខមួយចំនួន។

　　នៅក្រុមហ៊ុនអភិវឌ្ឍវិទ្យាសាស្ត្រកសិកម្មជីនហាយថុងហាយ  បានប្រើប្រាស់វិធីសាស្ត្រ“ការទិញផ្កាក្នុងចំការផ្កា​ដែលយើងអាចមើលឃើញការលូតលាស់របស់ផ្កា”ធ្វើឱ្យផ្កាកាត់ស្រស់ស្លាក“ជីនហាយ”ចូលទៅកាន់ទូទាំងប្រទេសចិន។  អ្នកទិញអាចទិញចំការផ្កាដើម្បីដាំដុះ  ចំការផ្កាដាំដុះនិងគ្រប់គ្រងផ្កាទទួលខុសត្រូវដោយសហគ្រាស  អ្នកទិញ​អាចមើលឃើញស្ថានភាពរីកលូតលាស់ក្នុងដីស្រែផ្កាខ្លួនឯង  ហើយបានទទួលផ្ការបស់ខ្លូនឯងតាមពេលកំណត់​។  យោងតាមដំណឹងបានឱ្យដឹងថា  ពីខែមករាដល់ខែវិច្ឆិកានៅឆ្នាំ២០១៨  ក្រុមហ៊ុនជីនហាយ​បានសម្រេចការ​បញ្ជា​ទិញ​​ផ្កាដោយទិញដីស្រែផ្កាចំនួន៤៤៥៦.៥ម៉ែត្រការ៉េ  រកប្រាក់ចំណូលបានជាង១៧៣.៦៥ម៉ឺនយ័ន។

　　នៅក្រុមហ៊ុនផ្កាយន្តសៀវខេត្តយូណាន  ពួកគេប្រើប្រាស់កង់កៅស៊ូធ្វើជាម៉ាស៊ីនដកស្លឹកផ្កានិងដកបន្លា  ធ្វើឱ្យការងារដកស្លឹកនិងដកបន្លារបស់ផ្កា១០ម៉ឺនទងដែលសម្រេចដោយ១០នាក់  ក្នុងមួយថ្ងៃ  ប្រែទៅជាកាងារដែលប្រើកម្មករ២នាក់ក៏អាចសម្រេចបាន។

　　ឆ្នាំ២០១៨ ទំហំផ្ទៃដីដាំដុះផ្កានៅស្រុកថុងហាយមាន៥៣៦.៩ហិកតា  បរិមាណផលិតសរុបជាង៤៥០លានយ័ន  ដើម្បីជម្រុញកសិករដាំផ្កាបានបន្ថែមប្រាក់ចំណូលអភិវឌ្ឍសង្គមនិងសេដ្ឋកិច្ច៕

　　អ្នកសារព័ត៌មាន៖ Fan Fangyu

　　អ្នកនិពន្ធ៖ លីហ្សា