ក្នុងចិត្តរបស់លោកស្រី DuanYunliដែលបានកាត់ក្រដាសជាងរយៈពេល៤០ឆ្នាំ កន្ត្រៃគឺជាជក់គូរគំនូរ តាមអារម្មណ៍ពិសេសម្យ៉ាង រូបរាងនៃរូបភាពដែលបានអ្នកស្រីគិតដល់នឹងអាចកាត់ចេញបាន។
ក្នុងនាមជាអ្នកបន្តវេនជំនាន់ទី៤ក្នុងត្រកូល DuanYunliជាអ្នកបន្តវេនបេតិកភ័ណ្ឌវប្បធម៌អរូបិទីក្រុងគុនមីញតាំងពីតូចបានទទួលឥទ្ធិពលពីការកាត់ក្រដាស។
ក្នុងការណែនាំពីសមាជិកគ្រួសារនិងសិក្សាស្រាវជ្រាវដោយខ្លូនឯង ស្នាដៃកាត់ក្រដាស់របស់ DuanYunliកាន់តែមានលក្ខណៈរស់រវើក។
នៅលើមូលដ្ឋានបច្ចេកទេសសិល្បៈប្រពៃណីក្នុងត្រកូល DuanYunliបានបន្ថែមការស្វែងយល់និងការច្នៃប្រឌិតថ្មីរបស់ខ្លួន ថែមទាំងធ្វើឱ្យការងារក្នុងជីវភាពរស់នៅច្របាច់បញ្ចូលក្នុងការកាត់ក្រដាស់ អាជីវកម្មរបស់ Duan Yunliកាន់តែល្អប្រសើរពីមួយថ្ងៃទៅមួយថ្ងៃ ដោយសារលក្ខណៈនៃការកាត់ក្រដាសនិងការបង្ហាញស្នាដៃយ៉ាងពិសេស។
យោងតាមតម្រូវការរបស់មនុស្សមានគ្រប់បែបយ៉ាង ទេសភាព គំនូរជីវចលដែលត្រូវបាន DuanYunliកាត់ចេញនោះសុទ្ធតែត្រូវប្រើប្រាស់នៅកន្លែងនានា ដូចជា គ្រឿងបរិភោគនិងបន្ទប់ជាដើម យ៉ាងណាក៏ដោយ ទោះបីជាសំលៀកបំពាក់ តុ ឬកញ្ចប់វេចខ្ចប់ សុទ្ធតែអាចប្រើប្រាស់ក្រដាស់កាត់បាន។
វត្ថុជាប់ខ្លួនជាចាំបាច់របស់ Duan Yunliមានពីរមុខ តន្ត្រៃធំមួយតូចមួយ និងខ្មៅដៃមួយដើម បើមានអ្វីដែលគួរឱ្យចាប់អារម្មណ៍តាមដងផ្លូវ លោកស្រីនឹងរកក្រដាសកាត់ភ្លាម ពេលខ្លះជួបកូនក្មេងឬមនុស្សចាស់ គាត់នឹងកាត់ក្រដាស់មួយជូនឱ្យពួកគេផងដែរ។
ក្រៅពីនេះទៀត Duan Yunliក៏តែងតែទៅសាលាបង្រៀនបច្ចេកទេសសិល្បៈនិងប្រវត្តិនៃការកាត់ក្រដាស់ផងដែរ។ អ្វីដែលធ្វើឱ្យលោកស្រីមានភាពមោទនភាពនោះ គឺកូនសិស្សលោកស្រីម្នាក់ក៏ដូចជាលោកស្រីដែរបានទៅសាលាបង្រៀនបច្ចេកទេសសិល្បៈនៃការកាត់ក្រដាស់។
“ការកាត់ក្រដាសជាផ្នែកមួយដែលមិនអាចខ្វះខាតបានក្នុងជីវិតខ្ញុំ។ ”Duan Yunliនិយាយបែបនេះ លោកស្រីនឹងច្នៃប្រឌិតថ្មីជាបន្តនូវរូបភាពក្រដាស់ដោយខិតខំប្រឹងប្រែង បង្កើនបច្ចេកទេសសិល្បៈកាត់ក្រដាស ថែមទាំងបន្តវេននិងផ្សព្វផ្សាយវប្បធម៌ ដើម្បីឱ្យមនុស្សកាន់តែច្រើនសិក្សានិងស្វែងយល់អំពីវប្បធម៌កាត់ក្រដាស់៕