កាលពីថ្ងៃទី០៧ ខែមករា កម្មវិធីប្រគល់“ពានរង្វាន់ផ្កាកាមេល៉្យា”ល្ខោនយូណានលើកទី១០ត្រូវបានប្រារព្ធនៅទីក្រុងគុនមីញ។ ក្នុងមហោស្រពល្ខោនទានខេត្តយូណាន អ្នកទទួល“ពានរង្វាន់ផ្កាកាមេល៉្យា”ចំនួន៦រូបបានទទួលពានកិត្តិយស ថែមទាំងបានធ្វើការសម្តែងល្ខោនយ៉ាងអស្ចារ្យដល់ទស្សនិកជន។
យោងតាមដំណឹងបានឱ្យដឹងថា “ពានរង្វាន់ផ្កាកាមេល៉្យា”ជាពានរង្វាន់ខ្ពស់បំផុតក្នុងខេត្តយូណានចំពោះធនធានសិល្បៈសម្តែងល្ខោនយូណាន ដែលផ្តោតសំខាន់ទៅលើការកោតសរសើរនិងលើកទឹកចិត្តដល់អ្នកសម្តែងយុវវ័យនិងវ័យកណ្តាលដែលបានទទួលសមិទ្ធផលលើសិល្បៈសម្តែងល្ខោន ផ្សព្វផ្សាយនិងបណ្តុះបណ្តាលធនធានសម្តែងល្ខោនដ៏ឆ្នើមនៃខេត្តយូណាន៕