នាថ្ងៃទី០៤ដល់ថ្ងៃទី០៥ ខែឧសភា សកម្មភាពទំនៀមទំលាប់ពិធីបុណ្យហួងគូលើកទី៣៦៧បានរៀបចំឡើងនៅស្រុកកួងណានខេត្តយូណាន។(ដោយសារនៅសម័យបុរាណ ភូមិកឺនុងស្រុកកួងណានតែងតែមានអគ្គិភ័យជារៀងរាល់ឆ្នាំ ប៉ុន្តែតាំងពីមានព្រះអនុជនៃព្រះមហាក្សត្រមួយអង្គបានបញ្ចុះសពនៅភូមិនោះមក ភូមិនោះក៏លែងកើតមានគ្រោះអគ្គិភ័យ ដើម្បីបូជាព្រះអង្គនិងបួងសួងសុំសេចក្តីសុខ ប្រជាពលរដ្ឋបានរៀបចំពិធីបុណ្យហួងគូឡើង។)
នៅថ្ងៃរៀបចំពិធីបុណ្យ ប្រជាជនជនជាតិជួងនៅជាយស្រុកកួងណាន ម្នាក់ៗសុទ្ធតែស្លៀកសំលៀកបំពាក់យ៉ាងស្រស់ស្អាត រាំផងច្រៀងផង ដើម្បីអបអរសាទរបុណ្យហួងគូ។
តាមទំនៀមទំលាប់ប្រពៃណី នាយប់ថ្ងៃទី០៤ ខែឧសភា នៅទីធ្លាថុងគូបានរៀបចំពិធីភ្នក់ភ្លើងយ៉ាងឱឡារិក បុណ្យហួងគូប្រចាំឆ្នាំបានរៀបចំជាផ្លូវការ ភ្ញៀវទេសចរដែលមកពីគ្រប់ទិសទីបានជួបជុំជាមួយគ្នា និងស្វែងរកភាពកក់ក្តៅនៃប្រជាជនជនជាតិជួង៕